藍灣半島 → 譽 · 港灣（星期六傍晚）

請問以下路線有甚麼交通工具選擇？

路線資料：
起點：　　　小西灣　藍灣半島
終點：　　　新蒲崗　譽 · 港灣
啟程時間：　星期六　１８：３０

限制：

• ７０分鐘内完成　（我知道可以只乘一程１０６到達，不過真的慢得比較厲害）
• 車資儘量少於＄２０．００
• 可以選乘渡輪
• 步行距離不限；本人步速頗快，約時速５－６公里，使用過路處時間另計
• 轉乘次數不限
• 轉乘距離不限（不必同站或於鄰近車站轉乘）
• 不介意交通工具只餘企位
  

希望各位可以提供多於一種方式以權衡時間與車資之取捨。

多謝各位解答疑問。

星期六傍晚的話，

我覺得１１８去到紅隧口轉１０１，１０７，１１１。。都可以。
9.8+5.7=15.5

轉地鐵似乎轉得太多次。地鐵線要轉，頭尾駁腳又要轉，
時間Ｏ係番度，又要花車費. 唔建議

個人唔太建議黃大仙站行過去

2ac 發表於 2017-2-26 03:10
星期六傍晚的話，

我覺得１１８去到紅隧口轉１０１，１０７，１１１。。都可以。

多謝你嘅提議，不過請問可唔可以提供呢條路線嘅大約行程時間呢？同埋喺紅磡轉車之後有幾大機會有位坐呢？

另外，搭地鐵嘅話，會唔會反而由鑽石山行過去近啲？
唔想行咁遠係咪可以喺黃大仙落車，坐程２０Ｍ小巴去到譽 · 港灣？

Concordatio 發表於 2017-2-26 03:46
多謝你嘅提議，不過請問可唔可以提供呢條路線嘅大約行程時間呢？同埋喺紅磡轉車之後有幾大機會有位坐呢？
...

紅磡有唔少人轉車,應該有位坐個人建議轉116,因為唔使入紅磡區內

坐地鐵可以喺黃大仙轉20M
坐到總站(康強街),轉左就見到mIKIKI

可步行到小西灣邨搭694, 於藍田站下車轉乘14或15, 或於觀塘警署下車, 橫過觀塘遊樂場另一邊巴士站乘搭11B.

694逢00 20 40分由小西灣邨開出, 可選乘1840班次, 目標是趕及1900由鯉魚門邨開出的14及平田開出的15, 兩線上車後約20分鐘可抵達譽•港灣, 兩程總車費為$20.2, 兩線班次較密, 如乘搭1912由平田開出的15, 也能趕及1940抵達譽•港灣.

11B逢00 20 40分由翠屏道總站開出, 1840的694只能趕及1920開出的11B, 到達譽•港灣時有可能已超出70分鐘, 694+11B的總車費為$18.5.

其實606於周末傍晚可以做到官方行車時間51分鐘到達觀塘法院, 就可以乘搭1830由藍灣半島開出的班次, 趕及1920由翠屏道開出的11B, 總車費$14.9, 11B上車站為成業街休憩花園(橫過茶果嶺道後轉左), 若明知道趕唔到11B, 同站等候14或15便行, 總車費為$16.6.

成業街休憩花園巴士站還有11D直達譽•港灣, 觀塘碼頭開10 30 50分, 5分鐘內便由碼頭抵達該站, 所以若乘搭694又不能直駁11B, 而又想搭平少少, 必須於1910前於觀塘警署下車, 往後步行橫過鯉魚門道後經觀塘法院巴士站, 再橫過茶果嶺道後轉左乘搭1910由觀塘碼頭開出11D.

紅隧該時段會塞車, 九龍城迴旋處亦會塞車, 唔建議經由紅磡 土瓜灣前往譽•港灣.

港鐵黃大仙站轉乘20M的話, 不如試下牛頭角站轉乘11B 11D.

港鐵柴灣至牛頭角$11.9(特惠$5.9), 柴灣至黃大仙$14.2(特惠$6.7), 小西灣藍灣半島至柴灣站搭47M的話, 前者總車費$20.3(特惠$14.3), 後者$21.1(特惠$13.6), 特惠適用於4/3星期六.

EX-TL 發表於 2017-2-26 20:03
港鐵黃大仙站轉乘20M的話, 不如試下牛頭角站轉乘11B 11D.

港鐵柴灣至牛頭角$11.9(特惠$5.9), 柴灣至黃大仙$14.2(特惠$6.7), 小西灣藍灣半島至柴灣站搭47M的話, 前者總車費$20.3(特惠$14.3), 後者$21.1(特惠$13.6), 特惠適用於4/3星期六.

搭港鐵去九龍灣會唔會好D，同站有更多選擇

jpoon 發表於 2017-2-26 21:20
搭港鐵去九龍灣會唔會好D，同站有更多選擇

11B 11D該時段行緊10分鐘聯合班次, 而且車費最平, 港島東至九龍東港鐵收費以牛頭角/九龍灣為界, 九龍灣車費與黃大仙相同, 樓主要考慮價錢的前提下, 如非下星期六出發, 不建議到九龍灣站轉巴士.

其實會不會先搭1830開的82X($5.5)，然後:
1. 出鰂魚涌轉地鐵去牛頭角轉巴士/黃大仙轉小巴，或,
2. 健康村落轉606去觀塘轉11B/11D/14/15/16/17，或,
3. 健康村落行去港運城轉601/619/671去觀塘轉11B/11D/14/15/16/17
會較穩陣?

tony223 發表於 2017-2-26 23:23
其實會不會先搭1830開的82X($5.5)，然後:
1. 出鰂魚涌轉地鐵去牛頭角轉巴士/黃大仙轉小巴，或,
2. 健康村落 ...

根據新巴官方資料, 694由小西灣邨開到新成街約14分鐘, 假設西灣河上東廊約20分鐘計, 82X北角健康村先轉東隧巴士路線, 唔知要等幾耐先有606, 最怕趕唔到早一班, 等到的是1830藍灣半島開出班次, 變成浪費時間和金錢.

由健康村行去港運城巴士站有少許障礙, 路途不算直接; 601 619 671由灣仔區過嚟, 一來時間海鮮, 二來有位坐機會不大(690除外), 過到九龍亦是在藍田站/觀塘法院下車, 跟694一樣, 好彩等到671就可以搭到大有街落車行過去, 不過要密切留意是否兩巴交接時段, 就算是九巴時段有ETA幫補, 難保時間就不來. 82X轉671在價錢上有優勢, 惟等車時間值博率不高.

乘搭694到藍田站不用轉車, 車費比82X轉港鐵平$1.8.

82X於北角海逸酒店往鰂魚涌站C出口, 搭港鐵過牛頭角站觀塘道巴士站需時大約18-20分鐘計, 連同82X車程約18分鐘, 用時約36-38分鐘, 694一程往藍田站時間佔優, 車費則平少少, 而且行少啲路(以藍灣半島行去小西灣邨 vs 北角海逸酒店行落將軍澳綫月台及牛頭角站月台行出觀塘道巴士站計).

如以4/3港鐵特惠日計係抵啲嘅, 不妨多搭港鐵, 到彩虹站轉27或29M, 或黃大仙站轉20M, 比在牛頭角站或藍田站轉巴士更為可取.