究竟點樣由東九龍去機場?

三巴合一 發表於 2017-3-4 07:18
搭機巴一定係搭飛機既咩？就算係搭飛機，搭290轉A31,A32都好方便。' d; w5 K% C" t7 [! N! S

就算係搭飛機，搭290轉A31,A32都好方便。

首先，普通香港人識哂樓下嘅巴士線已經好叻，你叫佢去荃灣青衣轉，唔會個個都熟路。若然壞報站，成程42C/38要提心吊膽，驚死落錯站轉錯車，慳得嗰幾蚊唔會值。

成日話拎行李，去機場個個都要拎行李咩？
10個有5個唔拎行李，呢班客九巴已經可以撬得走。
而且有行李搭290轉A31,A32都好方便。
落一落車個個喊死，咁S1無人搭架啦

冇錯，如果大家都冇行李嘅話，行李帶唔駛成日delay啦，就算搭廉航都有大背囊呀，普通一家人飛日本已經幾個gip，唔理上唔上到九巴嗰程，上上落落唔係少野。同埋至少一家人唔會咁搭，朋友十居其九都喺機場等，所以只淨自已去機場嘅廉航客，都係嗰句，幾蚊慳唔過。S1印象中都係翻工客多，同埋有幾多地方係E車到唔到機場要S1轉？定係呢班人係S1轉鐵，轉得鐵嘅人佢會有幾多行李？

又係你話機票成幾千蚊，其他錢唔志在，原來搭的士既錢就唔同，搭的士就要慳。

係呀，原來每日比多幾蚊係可以直接同一程二三百蚊的士比較。阿聯酋chaffeur service幫到你。

去旅行我唔會慳，但唔表示我會做水魚。

佢係話緊你駛完幾千蚊揸住幾蚊喺度慳。其實就算冇六蚊優惠，你咁轉都係平過一程過，九龍人亦有AE線任揀嘅幸福，你唔係焗搭冇人逼你搭。你上得車比呢個價，佢就比翻比其他服務更高級嘅服務你。我唔搭629搭70係我嘅自由，但我比多幾蚊換我直入海公，對唔識路嘅人嚟講都值回票價。

你攰成咁無話可說，但個個都咁攰咩？

其實唔攰唔代表會想走嚟走去囉，如果我一精神就去做gym我今日已經唔同依家咁款啦下話，同埋你試下搭完長途機咁轉，包你jet lag。

去旅行唔係抖足先去？

咩料...咁係咪唔抖足唔比去先...

講多樣野就係，如果要慳嘅，我相信大家寧願搭尾班巴士入機場都唔會想比N車價，平啲喎，機場訓陣先翻工或者訓陣上頭車囉。點解968新元中會頂閘嘅？搭68M上欖隧轉會平喎...有時，慳唔過就係慳唔過，閣下太睇小一程過嘅威力啦。

橫睇點睇九巴都係諗住搶

1) 藍田 - 觀塘
嫌 A22 兜 E22 慢既客

2) 康盛 - 四順
密過 A29P 既客

三巴合一 發表於 2017-3-4 08:13
普通人唔會識晒d巴士線，
所以咪要宣傳囉，所以九巴咪掛個牌響度囉，
唔掛個牌宣傳，相信呢個post都唔會存 ...

290途經咁多基層市民，
總有不少人會省得就省，
包括去旅行

將軍澳有E22A，我當你focus喺秀順客度。秀順本來就要轉車，啱時間先會坐A29P（太疏），所以入荃葵轉都唔算太麻煩，同埋比落觀塘轉E車平三蚊度，但係觀塘黃大仙已經可以用E車代。我當旅行社做緊平價短程機trip，比你慳少少錢咁轉冇所謂，但係飛遠少少件行李大啲已經上唔到。

S1大把行李客，
人地都係坐東涌線轉S1,
又唔見人地瓜瓜叫，

我真心想問，上水又入得gip，東涌又入得gip，行李附例去左邊？同埋點解班人有E車唔搭走去轉？你話東區南區或者荔景青衣仲講得過。

佢地唔搭機鐵一程過，
選擇平既方案，
已經證明，經濟實惠都好重要，
夠平既旅客會選擇轉車。

你用AEL同TCL比，咪姐係等於攞A車同的士做比較。我食飯加多兩蚊要杯凍飲可以叫奢侈，但係我冇去食自助餐喎，你唔可以話：你咁奢侈去加杯凍檸茶，唔爭在去食自助餐啦，咁架話。同埋你自已睇下AEL走線，有幾多旅客係真係住喺站嘅沿線，根本除左九龍站上蓋同青衣北外大家都要轉車先坐到AEL，咁搭得鐵就預左要轉車架啦，唔想轉咪E車A車囉，有幾多人會真係喺AEL同TCL中間揀？仲要價位爭以幾倍計嘅情況下。A車同入荃葵轉，真係只係爭得幾蚊雞。
係咁嘅話，閣下似乎係針對緊選擇唔多嘅秀順人喎，總有人會咁轉嘅，冇閣下想像中咁多囉。

題外話，勸你都係唔好去咁多日本，
個核電廠爆到咁，你唔要命，
但都唔好影響到家人，核電放射性唔係講玩。

有心，兩年前去完關西翻嚟，依家都仲上緊Italk，何況幾個月前同朋友去食半價壽司，依家都未食物中毒。

三巴合一 發表於 2017-3-4 08:13
普通人唔會識晒d巴士線，
所以咪要宣傳囉，所以九巴咪掛個牌響度囉，
唔掛個牌宣傳，相信呢個post都唔會存 ...

啊版友
我真心欣賞290/290A既走線/車程/班次
所以我覺得要去荃葵屯元天既人都應該要考慮用290/A去轉既方案
但你一講去機場 我實在無辦法認同以290/A轉A31/A32等等既走線
你要咁堅持你對慳定唔慳錢既睇法 我唔阻止你 亦唔否定世界上有咁樣諗野既人
但我好肯定 我所認識既朋友都不會考慮同時間同行李同自己過意唔去
眾人皆醉惟你獨醒 我都好希望你岩
惟有希望轉A32既人冇漏低一件半件係上一班車 轉A31既人唔會比橫龍街影響塞到遲到機場

*BTW 請問熟客們 每日有幾多個客會帶行李搭290/A係葵興/大窩口落車?

1. 我去得旅行真係唔在乎果幾蚊, 整其量買定城巴來回套票
2. 識搭巴士真係已經算係咁, 要我一次上車時間已經幾煩, 仲要搵埋轉車方法, 上落行李, sorry, 我唔覺得有咩意思咁做
3. 去旅行尤其上機時間準確性好重要, 轉多次車時間更難掌握

以將軍澳來講, 多人坐的士的確係化算
講完

三巴合一 發表於 2017-3-4 01:00
290，290A轉E32就死撐話慢啫，
今次轉A31,A32仲有咩好講？

一程過以巴士來講正正就係重點
唔係點對點巴士存在價值已經大減