九鐵黃頭列車編組一問

想問問大家九鐵年代既黃頭列車，當時12卡列車，佢既編組係咪每3卡就有駕駛室，而唔係好似宜家咁每卡之間有「風琴位」(頭等除外)ga??
另外當時既黃頭車，頭等車廂係位於第幾卡ga(羅湖方向同埋九龍方向)??
Thanks~~^^

12卡黃頭﹐是否真係每3卡就有駕駛室﹐要睇唔同時期買的車組﹐以及點去組合成12卡長度而定﹐沒有一個肯定的答案。

初期買車3卡為一組﹐每組首尾卡都係駕駛室﹐中間為動力卡。如果當時要出動6卡車﹐便會用2組車組合而成﹐即全車有4個駕駛室。

之後再買車有6卡車1組﹐即係 3,4卡之間再沒有駕駛室。因為當時已經知道唔會再以3卡車去營運﹐所以把3,4卡改為普通車卡﹐節省駕駛室的成本。


至於12卡編組問題﹐好似真係睇當時去編組。
因為可以因應不同情況去組合﹐理論上有機會出現4組3卡車﹐亦有機會2組6卡車﹐2組3卡+1組6卡車。

除了12卡編組﹐當年亦有9卡編組的。用 3+3+3 定係 3+6 做編組﹐又係睇當時車廠安排而定。


頭等位方面﹐初期係無定的﹐可以一抽車(6卡或以上)有2卡頭等。
唔記得邊一年(有舊文話係95-96年期間)﹐統一每抽車只有1卡係頭等﹐並且統一在現時北行第4卡。
聽聞其間用了2日去做調卡工作﹐這2日乘客可免附加費坐頭等。



可以參考以下網頁 : http://www.hkrail.net/index.php? ... &alias=KCR_MetroCam

kei_hk 發表於 2017-3-16 14:13
12卡黃頭﹐是否真係每3卡就有駕駛室﹐要睇唔同時期買的車組﹐以及點去組合成12卡長度而定﹐沒有一個肯定的 ...

兩組六卡車的組合從未出現過，九卡車亦未出現過3＋6的組合。

9卡車年代, 通常一抽車有兩卡頭等, 位於南行第三卡和第六卡,
後來6卡一組車到港, 全部變成12卡一抽, 慢慢開始一抽車一卡頭等, 位於南行第三卡, 多出來的頭等卡變為普通等
後來因為遷就車站電梯位置, 頭等改為北行第四卡

如上所說, 6+6組合沒出現過, 因為沒有頭等卡
9/12卡混編時代, 也沒出現過3+6組合,
當時6卡一組通常是這樣編排:
南行3+6+3北行, 南行3+3+6北行,
當頭等卡改為北行第四卡, 6卡一組統一編在南行車頭

廿多年前回憶, 有錯請指, 9卡車年代南行第三卡肯定是頭等, 另一卡頭等在哪不是十分肯定

火車電氣化初期，分為近郊(沙田以南)、遠郊(全線)兩段，列車亦分為近郊型、遠郊型兩種。
兩種列車均為3卡一組，近郊型為全普通卡，遠郊型北端一卡設有行李卡、頭等、洗手間及普通等。
理論上，近郊線不會出現頭等，而遠郊型頭等車廂數目則與編組相同，位於北行第1、4、7、10卡。

ArnoldC 發表於 2017-3-17 22:24
火車電氣化初期，分為近郊(沙田以南)、遠郊(全線)兩段，列車亦分為近郊型、遠郊型兩種。
兩種列車均為3卡一 ...

有分開近郊型同遠郊型的年代，因最多只有九卡車，係唔會出現第十卡車的。