城巴機場快線來回票應否可補錢搭NA線？

如題
現時城巴預售車票只限用於 A 線
但係隨住更多航班清晨起飛 , 未能趕及頭班 A 線
或接近午夜降落 , 拎埋行李無可能搭到尾班 A 線
但係買來回票就要買一對
即係話如果只要其中一程飛機係上述航班就成套車票廢左
特別係香港人假少計到盡 , 好容易出現呢個情況 ...

其實應唔應該比拎住車票既乘客用補現金形式搭 NA ?
( 追加 , 其實對觀塘客 , 拎住九龍車票補錢搭 A29 回程可能都吸引 )

你叫城巴出多套包埋NA線嘅套票可能會易D

上車補錢咪盞增加同車長間拗撬嘅機會,而家NA唔比人用飛D人都有一大堆理由同人拗

頂樓，你容許觀塘人"濫用"將軍澳A29資源?!

除左巴迷，真心想問有幾多人會買/或者知有來回票

又或者有無數據平均每班車有幾多來回票？

ky927 發表於 2017-4-16 21:12
除左巴迷，真心想問有幾多人會買/或者知有來回票

又或者有無數據平均每班車有幾多來回票？

咁又唔好講到咁小人知咁,其實都好多香港人用來回套票

有d經旅行社買仲可以平過原價

ky927 發表於 2017-4-16 21:12
除左巴迷，真心想問有幾多人會買/或者知有來回票

又或者有無數據平均每班車有幾多來回票？

我識人為左平少少
左搵右搵點樣最平搭機場快綫

AP149 發表於 2017-4-16 22:11
咁又唔好講到咁小人知咁,其實都好多香港人用來回套票

有d經旅行社買仲可以平過原價

去旅行社買車票仲好過去客務中心好多。

話說有一次我去新巴金鐘中心買車票，
收錢後我話要出返張單，個服務員竟然話「上面已經印咗價錢」唔開收據俾我；
先不論我點解要拎收據，但我到你中心買任何野要返張單並非不合理要求！
我只回應：「咁我諗應該都得掛。」

其實先前都有到過旅行社買車票，
有單拎返之餘，職員好心地的仲會提醒一下個日期印未乾；
幫趁過一次新巴客務中心之後就無再去過買嚕……

（僅此溫馨提示 ：如欲購買城巴機場快線預售車票之客人，
本人並不建議閣下到新巴或城巴顧客服務中心購買城巴機場快線預售車票；
尤其是幫他人購票／須另外出數者。）

AP149 發表於 2017-4-16 17:50
你叫城巴出多套包埋NA線嘅套票可能會易D

上車補錢咪盞增加同車長間拗撬嘅機會,而家NA唔比人用飛D人都有一 ...

愚問, 唔俾用有咩 Argument ?

poohpter 發表於 2017-4-17 20:12
去旅行社買車票仲好過去客務中心好多。

話說有一次我去新巴金鐘中心買車票，

吓
我有次係中環碼頭新渡輪個度買，佢都有出返張單比我 wor

其實不論是自己旅行時坐城巴也好，還是幫朋友購買也好，我時常都去銅鑼灣『E X L』旅行社購買城巴機場快線車票。每次旅行社職員為我辦理購買車票事宜時，我都望到佢地銅鑼灣分行的售票記錄，印象中每天他們都有出售記錄，有時一日賣出一兩張，有時則是每日四五張。


雖然與城巴機場快綫的客量相比，這些數字都是九牛一毛。但我相信除巴士迷外，城巴機場快線車票其實不乏捧場客。