為何東涌綫既閃燈圖要特登採用相反既著燈概念？

kei_hk 發表於 2017-5-19 13:54
在自動梯/電梯加display﹐係唔係個個都會睇先?

有幾多人當左係廣告牌﹐無視左

意思係九龍塘站由大堂上到月台的扶手梯, 乘客臨踏出月台前就已經見到好大隻字寫住本班車同下班車的目的地, 俾乘客一個預算.

東鐵綫好似仲有啲去沙田, 去大埔墟, 停火炭不停馬場, 停馬場不停火炭, 然後再crossover埋去羅湖/落馬洲, 往新界有咁多種配搭, 往紅磡早繁都有唔少客由九龍塘上車.

九龍塘係大站, 乘客來自四面八方, 加多啲指示其實好合理.

去寶琳上錯康城車, 應該將軍澳上車先大機會搭錯入康城, 因為由北角到將軍澳行車期間不斷有廣播, 乘客搭錯車只係佢唔聽, 唔係欠缺指示, 真聾就會望清楚先上車.

EX-TL 發表於 2017-5-19 23:39
意思係九龍塘站由大堂上到月台的扶手梯, 乘客臨踏出月台前就已經見到好大隻字寫住本班車同下班車的目的地 ...

我完全明你想點﹐但係正如我所講﹐有幾多人會 "無視" 這些display。

另一問題﹐便是 "送車尾" 問題。
上緊自動梯見到部車去 XX﹐當係踏出月台時﹐當前的列車又是否真係去 XX 而不是去YY?

例如個客在自動梯上到一半時看到部車係去旺角東﹐同一時間列車已經關門。
個客上到月台﹐列車剛剛起動離站。
唔好理個display未轉得切﹐定係乘客無在臨踏入月台再睇多次﹐個客便會以為接下來一班車便是去旺角東﹐這便會做成誤會。

當然你可以講﹐這個情況個客應該再睇月台display獲取最新資訊﹐但係是否可確保他們會再睇?
但係有晒display﹐有晒廣播﹐一樣可以有人坐錯車。

既然有些少技術性問題﹐令到作用性大減﹐實行的機會性便不高了。


另一真實情況﹐紅磡站大堂的display與真實月台情況﹐有無時差?
點解大堂會提早消失班次?
現實你在消失班次的一剎那入閘以偏快的步速﹐又是否可以趕到這一班車 (以中層月台更為明顯)?

這便講到﹐乘客有時太早取到班次資訊﹐未必係好事﹐反而會增加誤會/不便。
而加入一些方法去避免﹐亦不能完全處理問題。

kei_hk 發表於 2017-5-20 11:18
我完全明你想點﹐但係正如我所講﹐有幾多人會 "無視" 這些display。

另一問題﹐便是 "送車尾" 問題。

整左可以冇人睇, 但唔整就一定冇人睇囉!

話說我每日搭港鐵返工, 由大堂搭電梯上到月台一刻都會望到大大個好搶眼嘅指示牌喺正我眼前, 寫住左邊往調景嶺, 右邊往黃埔, 係唔到我唔望嗰隻.

以你認知, 其實呢塊牌係多餘到極, 因為月台閘門或者幕門頂已經有清晰標示, 而且搭開都知邊個月台去邊個方向, 月台廣播亦只有單邊月台播出某一方向的廣播, 唔會係A月台播往B方向的廣播, 所以稍微有sense嘅人都知去邊個月台上車.

不過我始終認為, 唔係人人都咁醒知道晒每條鐵路綫如何運作, 方向感亦未必個個咁叻, 同一個人30歲同60歲認知事物程度總有唔同吧, 如果在可行情況下加設便民指示, 就算100個客得一個人睇, 都叫做方便到乘客.

其實我諗法只係將顯示嚟緊兩三班車去邊嗰個mon, 由靠近月台, 加裝多一個在一條柱位後的電梯口, 就能夠令到剛由電梯上來的乘客第一時間知道本班車去邊度, 從而減少搭錯車機會, 呢個建議唔難做到, 但就話裝左唔知有幾多人會睇, 咁我不如建議港鐵站所有指示, 包括月台站名都拆除, 橫掂香港人搭左咁多年地鐵, 站嘅顏色同裝潢大概係點已經記得晒.

呢隻mon如果真係裝, 反對點應該係會增加乘客衝門機會, 構成安全問題同埋影響班次, 絕對唔係裝左冇人睇呢點.

EX-TL 發表於 2017-5-21 01:13
整左可以冇人睇, 但唔整就一定冇人睇囉!

話說我每日搭港鐵返工, 由大堂搭電梯上到月台一刻都會望到大大 ...

這些display 的位置係好緊要的﹐可能我有誤會﹐你在自動梯位置整﹐令到最頂及最底(或者係中間)的人都可看到﹐這會產生上文提及的另一問題。
有機會在列車剛關門離站﹐但自動梯中後段的人﹐更新時差上做成誤會﹐同樣地會有機會坐錯車。


你而家補充的回帖﹐要做便相當簡單。
由於已經在月台上面﹐其實只係將而家的「電視機」擺位及面向的方向調整一下便可。

不過﹐都要顧及其他客觀問題﹐例如樓底高度。

其實上水北行﹐紅磡站早已經做這些野﹐旺角東站亦轉左﹐只係睇下成條東鐵線會唔會借沙中線工程﹐更新及增加這些PISD。


PS. 衝門問題﹐應該係要加「閃燈」﹐有時月台聲浪大﹐都未必聽到提示廣播﹐或分唔到邊一個月台。
而加閃燈亦是一些聽障團體所要求增加的。

kei_hk 發表於 2017-5-21 16:21
這些display 的位置係好緊要的﹐可能我有誤會﹐你在自動梯位置整﹐令到最頂及最底(或者係中間)的人都可看 ...

一個乘客有心衝門, 係唔會理啲聲柔和定粗暴, 由嘟嘟嘟變成嘭嘭嘭, 有無閃燈, 佢一樣照衝.

咁樣一講, 關門聲日日唔同, 吸引班客留在月台聽聲, 似乎先係減少衝門的良策.

EX-TL 發表於 2017-5-19 13:10
如可在各電梯上到月台一刻有大大個mon寫明呢班車去旺角東/紅磡, 強迫乘客去睇應該可以減低搭錯車情況.

...

要整都應該要等到時裝晒幕門後，將顯示下兩/三班車果個芒裝係個幕門隔離，其實就類似上水站北行果個裝法，不過可以裝返低D。

Man@MFHK 發表於 2017-5-21 23:58
要整都應該要等到時裝晒幕門後，將顯示下兩/三班車果個芒裝係個幕門隔離，其實就類似上水站北行果個裝法， ...

若果螢幕裝在閘門上（見日本例子、Gilgen 設計），將被兩邊排隊人潮阻擋，後方將無法清晰看見螢幕，
吊在月台上蓋上似乎還是比較可取。

若為幕門車站，則可以參考機場 APM 幕門，在門口對上安裝 LED 屏幕。

kei_hk 發表於 2017-5-21 16:21
這些display 的位置係好緊要的﹐可能我有誤會﹐你在自動梯位置整﹐令到最頂及最底(或者係中間)的人都可看 ...

閃燈嘅話旺角站嘅幕門係有裝到LED燈一條過咁喺門邊同門頂嘅位置

不過唔知試驗嘅成效如何

另外講開東鐵綫嘅新PIDS
我覺得東鐵綫新裝嗰隻真係太細喇
旺角東樓底矮都算
大圍沙田粉嶺呢啲站都用番一樣Size
真係唔知點睇

dogdog002 發表於 2017-5-13 12:09
仲要睇番時序

東涌綫列車係96-97年出廠

其實要改閃燈圖嘅著燈邏輯，唔係改唔到。
廣州地鐵2號線列車用嘅果種閃燈圖，係用連續燈帶（站同站之間都有燈）。
以前會用移動嘅熄滅燈帶來顯示列車方向，宜家冇左。

ytxmobile 發表於 2017-6-5 13:38
其實要改閃燈圖嘅著燈邏輯，唔係改唔到。
廣州地鐵2號線列車用嘅果種閃燈圖，係用連續燈帶（站同站之間都 ...

講真﹐現時市區線的閃燈圖+箭咀﹐係最易明白理解部車去緊邊個方向﹐去緊邊個車站。