為什麼容許炒樓?

原帖由 053h4 於 2006-6-3 23:34 發表
樓市是"自由", 但並不"有效率"的市場
所以, 容易抄起, 無資金時容易大跌....

政府其實應該定期賣地
現在地產商勾地, 人為地供應減少, 過幾年重有排升....

香港土地供應有限,難保有日賣哂
賣哂的話樓市就更加難以下跌
現在地產商手上既地唔少,
只係佢地慢慢先拎出黎o者....
即使增加賣地,塊地到手後,佢唔起無人有佢辦法
到時樓市就更加人為

政府唔洗干預...因為新一代的工資已大減
(不是銀碼上,而是指購買力) 到 97 年之前聘用的人
置業甚至退休之後,樓價自然會有價無市,所以各位要
面對的是,多數人將難以買樓,結婚率和出生率將會急降的
香港. 總之,我的原則是最緊要有人陪! 因為比我們工資高的人,
係有份造就炒家,除左等佢地老的老,死的死,否則我們沒有辦法.

所以我認為自住的人面對負資產,政府應援助,
但炒樓的人欠債,那就任由他好了.

[ 本帖最後由 kitarolo 於 2006-6-4 00:47 編輯 ]

原帖由 kitarolo 於 2006-6-4 00:32 發表
政府唔洗干預...因為新一代的工資已大減
(不是銀碼上,而是指購買力) 到 97 年之前聘用的人
置業甚至退休之後,樓價自然會有價無市,所以各位要
面對的是,多數人將難以買樓,結婚率和出生率將會急降的
香港. 總之 ...

有人陪還有人陪,自己都要住o嫁,咁陪分分鐘死o左都未有樓住

另想問問點去定邊o的人係炒而負資產,邊o的係真正用家而負資產呢?

原帖由 doink 於 2006-6-3 21:35 發表


香港係自由市場，如果政府直接干預，會對外來投資者有好負面既影響

政府 D 0野真係唔知點講好,
交通方面就干預, 保鐵,
但樓市方面就聽晒地產發展商話,
人地叫佢停售居屋保私人樓

另外, 二手樓也不見得便宜,
如果炒樓的話, 二手樓可能甚至比新樓更貴!

各位,退而求其次,租樓吧.

要分出自住還是炒家實在好容易,只要查核水電等戶口
註冊人名稱是否單位持有人就可以...或者持有多於一個單位...
當然資助自住而負資產的人仕,都會被指為干預市場而已.

當然我們許多人認為應該重售居屋,
但各位有留意新聞,即使停售居屋已達
兩三年,私樓市場的成交量和呎價仍是漸漸下跌.
如各位都是 1998 年後才投身社會,都知我們的工資
只有 97 前入職者的五至六成,而且僱主亦比以前缺德.
交通費沒有減過,剛是 97 年入職的人現在都差不多結婚了.
這些人做一個技工,文員,新入職都月入過萬,以為自己了不起,
學人供樓,這些人差不多全被樓宇按揭困住後,只係剩下我們工時
長,只有六七千月薪的人,我相信停售居屋甚至停售土地亦無法阻止
樓價下跌,因為已是有價無市,「高收入」的人也是自身難保.

現時的收入水平和樓價,單身租房就很勉強地生活到,
如是長久與家人同住就好一點,除非是大量推出那種
「一房一廳」的單位,就算四千元一呎,都可以一百萬
以內成交,反正單身/只結婚而不生育的家庭已是很多,
而且這些樓宇(例如深水埔已有數幢)交投低,買入自住後
炒賣情況好少,那就算是地產商做了生意,又不用政府干預.

[ 本帖最後由 kitarolo 於 2006-6-4 10:32 編輯 ]

原帖由 60M 於 2006-6-3 16:03 發表


因為D人都係認為賺就係應份

賺果時唔見佢講D乜野架

哦

到輸果時就望政府出手

正所謂有來有往

點可能咁著數先?

有時候d 香港人
確係有輸打贏要既心態

記得我阿媽果時講俾我聽
佢話佢唔知響邊度聽番黎
話一日有個幫一個某個好有錢既地產商做球僮既人
響呢個地產商打波果陣求佢r
叫佢可唔可以幫佢r
因為佢緊負資產既樓
但係地產商斷然拒絕

原因係呢個球僮又係炒家一名
地產商話如果你座負資產樓係自住既
佢會覺得你係值得憐憫
或者佢會考慮幫忙
但家陣你係炒家
咁響樓市好果陣
你有油水果陣
又唔見你走黎多謝佢r
甚至以禮相贈？

佢最後同呢個球僮講句：
「請你都對我公平d 好唔好？」

真係難聽講句
或者以前香港人實在太幸福喇
每當危機出現
確實可以殺到好多人一個措手不及
太平盛世經濟繁榮果陣
我諗冇人會問「為甚麼容許炒樓」呢個問題
就正如唔係有沙士既出現
又邊會有人咁高度強調注意個人衛生呢樣野丫...

原帖由 kingprowm 於 2006-6-2 21:57 發表
樓起出來主要應該是給人住的,
但因為有很多人炒樓,
攪到樓價高到令很多人有需要的人難以負擔,
公屋, 居屋就超過政府條件, 但私人樓就買唔起,
點算好?

首先，你點定義”炒樓”？
樓價高，有幾多是因為你心目中的炒樓做成，有幾多是因為正常供求做成？

另外，住的問題，不一定要買樓，租樓也可以．
等經濟實力好轉才再買也可以．

原帖由 kingprowm 於 2006-6-2 21:57 發表
D 人成日話負資產有幾慘, 但每樣0野的價格都可升可跌,
好心政府顧及0下真正有需要買樓住的人感受!

那些負資產是因何而來？
若買賣是自由定立的，那麼買入後樓市下滑，經濟不景致令供不起，
這也是買家自己的責任吧？任何買賣都有風險，
若買家因負資產而喊冤，那麼在樓市升，買家轉手有利潤的日子，
賣家是否也應該喊冤，原因在價錢賣低了？
若不可以，為何買家可以？

原帖由 kkkwok 於 2006-6-3 21:28 發表


呢o的人真係唔少,我身邊既人大部份都係
包括我自己都係,我唔認同你既說法,既然付出
咁多錢去買層樓自住當然係想要層新o嫁喇,
買一件衫都唔會想買二手,何況係樓呢o的咁貴既
物品,既然比咁多錢梗係想要層新o嫁喇...
現今香港根本反映唔到真正要樓既需求,
點解個價炒咁高仲有人要,係因為有另一炒家
覺得呢個價錢仍然有利可圖而購入,並唔係有
用家覺得呢個價錢"物超所值"而購入,其實呢個市場係點
明眼人無理由睇唔到,係咪?

首先，一手樓與二手樓係有分別，
但一手樓與二手樓價錢不一定相差很遠．

所謂”現今香港根本反映唔到真正要樓既需求”，
請問是主觀感覺，還是有客觀證據支持？

若你的那句”點解個價炒咁高仲有人要,係因為有另一炒家
覺得呢個價錢仍然有利可圖而購入”是全對的．
那麼那些趁高買的人，用你的理念，都只是炒家而已．
但實況是如此嗎？

自由市場，低買高賣，人之常情，
買任何東西都有價格上的風險，
差在這風險是否高得令人要考慮再三罷了．

原帖由 kitarolo 於 2006-6-4 00:32 發表
政府唔洗干預...因為新一代的工資已大減
(不是銀碼上,而是指購買力) 到 97 年之前聘用的人
置業甚至退休之後,樓價自然會有價無市,所以各位要
面對的是,多數人將難以買樓,結婚率和出生率將會急降的
香港. 總之,我的原則是最緊要有人陪! 因為比我們工資高的人,
係有份造就炒家,除左等佢地老的老,死的死,否則我們沒有辦法.

什麼為之”比我們工資高的人”？
工資比”你們”高就是原罪？
在”你們”當中，難道沒有工資高的一群？
回歸後畢業的一群，很多現在已到適婚年齡，
他們要置業結婚，原來又係幫凶？

要等你口中的”比我們工資高的人””老的老，死的死”，
仲有最少四五十年，你等得起？
這些人的年紀，最多只比你多十年八載而已！

原帖由 kitarolo 於 2006-6-4 00:32 發表
所以我認為自住的人面對負資產,政府應援助,
但炒樓的人欠債,那就任由他好了.

為何要援助？若強積金投資虧損，政府又是否應該援助？