落客站

部份巴士總站會設有落客站，
唔少落客站都設於較方便乘客的位置(如轉乘、通往商場入口等)，
好多時總站的落客站所有乘客都會落晒車，
而好多時乘客都毋須鐘車長都會主動停車落客。
但亦有部份落客站位置未必係乘客最方便，
車長會因應有否人按鐘要求客車而停車。
而本人又試過搭13D去到維港灣總站時
車長晌落客站熄燈熄匙要求全部乘客落車。

問題：
1. 論理上設有落客站的總站乘客是否必須於落客站落車？
如否
2. 車長能否要求所有乘客於落客站落車？乘客又能否要求巴士駛回總站後才落車？

以前﹐荃灣碼頭係設有落客位的﹐位於3條自動梯上平台及碼頭入閘位附近。
當然﹐而家乜都拆晒啦。

這個落客位﹐九巴有一塊牌講明乘客必然在此處下車的。
換句話說﹐當時乘客一定要在此處下車。


至於其他總站的落客位﹐如果無標明一定要在此處下車﹐理論上真係可以坐埋部車入埋坑才落車。

有啲落客位，擺明要你落。如荃灣西，或新式用中間泊車形式既新總站。如果司機好好聲氣叫你落客站落左佢，而你又唔係唔方便既，咪落囉

寶林巴總係可以唔係新都城落車嘅

車長熄晒燈熄埋匙親自走埋黎請乘客落車, 唔想落都唔得.

正常部車要駛返入該線泊位, 要泊在站中間泊車區的總站例外, 又有可能跟住要食飯, 部車泊開落客站食飯都冇辦法.

九龍城碼頭 尖沙咀碼頭 觀塘碼頭 藍田站都唔一定要在落客站落晒, 大埔墟站 沙田站搭得少, 自己就未見過有人等到轉埋入總站先落車.

九龍城碼頭如果冇人在落客站打鐘, 有機會直駛入總站, 因為總站對部份居民來講會近好多.

藍田站的過海路線比較無定向, 鍾意就停落客站, 唔鍾意就入坑.