當年城巴點樣用8X打殘中巴8號車?

當年狙擊10號是兩路出擊
5B係想做快線，順便狙擊埋紅小
同10號同路的狙擊係5,5A，因為都行大道東
之後十號都成為自己旗下，5號咪5B化

未聽聞過8X打殘過8號，8號做大流水，銅鑼灣去北角，北角去太古／筲箕灣／柴灣，仲要連DM都唔夠載，中巴後期要換大車改行DL，又係少數中巴有冷氣字軌車嘅市區流水線，都不知幾好生意。

YoungMan 發表於 2017-6-11 22:21
8號10號係當年中巴兩大現金牛阿爺睇中呢點，用5B,8X狙擊中巴兩大現金牛

8X一啲都唔好做，路線超長，由金鐘去小西灣，全程行車時間長，但又做唔到流水客，多數一個單只做到一批客，車費又只係收得四個幾。反而中巴8號線繁忙時間每架車平均都做到兩批客，講緊一個單三百幾客量，收入都遠超8X。

咁當年都用40追擊23，好多人見23熱狗唔上寧願上40M經中環。反過來，當年103起唔到咩作用，一來海皮遠，二來價錢好像差$0.1？

PB602 發表於 2017-6-12 00:53
8X一啲都唔好做，路線超長，由金鐘去小西灣，全程行車時間長，但又做唔到流水客，多數一個單只做到一批客 ...

根本中巴晚年8即使有8X狙擊客量仍然不錯，做流水客已經夠做；
真正陰乾8的是新巴，個人覺得當年近乎全線改派單層車才是趕客關鍵。

PB602 發表於 2017-6-12 00:53
8X一啲都唔好做，路線超長，由金鐘去小西灣，全程行車時間長，但又做唔到流水客，多數一個單只做到一批客 ...

師兄非常正確，8X同5B一樣係表面風光，實際上負資產。
根本就損人不利己，唔太覺得當年8X好好客，特別係西行方向，小西灣開出小貓幾隻，對面8號仔幾分班車上五六十人。
全程$5.8 ，8號$3.3/$4.1 ，80 $4.5
差距咁大，8號站頭位置有利，班客又搭慣，重點係以前中巴揸車流水都唔會慢得去邊。

GD1570 發表於 2017-6-11 23:54
如果你去北角打後，聽到唔經筲箕灣至鰂魚涌，加埋空調巴士服務及理想嘅班次，
我相信都係一個首選啦！

係鬼，$3.3同$5.8既分別，差$2.5。

PB602 發表於 2017-6-12 00:47
未聽聞過8X打殘過8號，8號做大流水，銅鑼灣去北角，北角去太古／筲箕灣／柴灣，仲要連DM都唔夠載，中巴後期 ...

淨係睇小西灣總站每班外檔開既8號要司機早5分上客拉龍出去，同對面開車前5秒上埋走得，已經得出事實！
好心出文果個唔知實況咪亂亂UP

38．HKT．138 發表於 2017-6-12 15:00
師兄非常正確，8X同5B一樣係表面風光，實際上負資產。
根本就損人不利己，唔太覺得當年8X好好客，特別係 ...

8X東行過灣仔柯布連道後有分段，收4.2，的確係吸納到一部分銅鑼灣去柴灣嘅客，但行禮頓道站位唔就腳。

最致命傷係一條線老遠由金鐘開要去到禮頓道先開始多客，而且只係一個單頭銅鑼灣落柴灣，無咩流水客。調轉頭東行又因為無分段收費貴過8號好多，所以客量又比西行為低。

做巴士最怕做著呢類線：行車時間長，回車慢，用車多，成本高，有流水線嘅價錢同派車數目，但無流水線嘅客量。重要全部派新車行，折舊開支大，另外架架車問銀行借錢買仲要俾緊十幾厘息，呢吓先攞命。

雖然中巴80都有改道，定線同8X相近，但即使有怡和街靚站位，中巴自己都唔敢投放太多資源，繼續18分一班（用車少）派雞車（折舊成本低）去招呼你班老細。同一時間8號車就全線三軸車兼三分一冷氣字軌，仲印埋傳單「令你早出晚歸更悠遊」重點宣傳（又唔見佢宣傳吓80號），兩條定線，邊條線搵到錢，可見中巴心中有數啦。

bombmanhk 發表於 2017-6-12 00:10
80改完路都唔見得好得去邊
8X 班次又穩定D, D人見俾多幾毫又有冷氣又多車
80通常執下死雞

有用, 始終柴小都多老人家, 3.3 vs 2 當然係人都識揀....