田北辰議員屯九鐵路及第五條跨海鐵路構想圖

圖片取自田北辰議員的宣傳單張。田議員提出他的「屯九鐵路」及「第五條跨海鐵路」構想圖

屯元鐵路定站有優點也有缺點：
優點
- 沿途少站，屯門可快快出九龍
- 令一直無鐵路服務的灣景/深井/梨木樹/石籬受惠
缺點
- 荃灣市中心無站，取不到鐵路的最大客源，也解決不到灣景/深井/梨木樹/石籬現時須坐巴士小巴到荃灣市中心的問題
- 九龍終點站設在南昌，沒有獨立過海線，到時南昌變成三線(東涌綫、西鐵綫、屯元綫)交匯，過海返放工實塞上塞上
- 沿途地方已發展，興建鐵路須涉及拆卸現有建築

第五條跨過鐵路現階段則較難評論，因為東大嶼都會區尚未出現。以現時情況，可能方便屯門居民過海返工，以及港島居民前往機場。

歡迎評論﹗

尾站又係美孚同南昌，好似市區線同東涌線仲有剩餘運力咁樣

eternalflame 發表於 2017-6-28 13:49
尾站又係美孚同南昌，好似市區線同東涌線仲有剩餘運力咁樣

如果東涌(大嶼山)唔再大規模發展﹐東涌線又真係仲有餘運力的。(現時只需提升電力系統及買新列車﹐提升後勤支援﹐提升訊號系統(如有需要)﹐便可提升班次)


但問題係政府都打算再大幅發展東涌﹐又未有落實新鐵路﹐自然要留下餘運力給予日後發展。


我真係唔睇好這條走線。


都係跟番原來的計劃﹐荃灣設站﹐再伸延去其他區域﹐例如沙田﹐東九龍之類﹐以處理這些區的交通壓力(包括鐵路及道路)。

kei_hk 發表於 2017-6-28 14:33
如果東涌(大嶼山)唔再大規模發展﹐東涌線又真係仲有餘運力的。(現時只需提升電力系統及買新列車﹐提升後 ...

始終大西北出市區的客量會多於入沙田嘅客量，將屯門乘客帶入沙田再轉車返出九龍甚至過海，亦會佔用將會非常擠迫的南北線同東西線
所以屯九鐵路最終一定要拉入市區，最理想就係同九龍東西線及新東九龍線組合成另一條東西向鐵路走廊
龍鼓灘亦似乎會填海起樓，屯九鐵路拉埋入去走線相當順路，仲可以將屯門碼頭一帶發展成另一個交通中心添

eternalflame 發表於 2017-6-28 15:14
始終大西北出市區的客量會多於入沙田嘅客量，將屯門乘客帶入沙田再轉車返出九龍甚至過海，亦會佔用將會非 ...

東西綫依家已經有屯門客
大欖段仲可以多一半載客量(3分鐘1班>2分鐘1班)
屯荃入沙田嘅話
元朗人喺荃灣西轉綫去沙田
就有空間俾屯荃乘客轉東西綫出九龍
去東九啟德可以大圍轉返東西綫
出港島過海就東涌綫或者東大嶼新鐵路
屯門人出市區都有幾個方法
唔一定要直出九龍
對政府嚟講
屯門公路唔塞車就已經ok
冇乜需要一定要區區鐵路都可以直出九龍
如果十一號幹線起好之後
屯門公路仍然嚴重塞車嘅話就會考慮下嘅
但屯門公路依家只有汀九橋同荃灣橋有交通意外先嚴重塞車
平時嘅繁忙時間塞車情況都唔係好嚴重
比起沙田好好多
咁所以屯荃鐵路嘅作用主要都係完善鐵路網絡為主
屯荃鐵路伸延去沙田能夠分擔下屯門公路及大埔公路沙田段嘅客流量就比單單屯門出九龍更有效益
相信政府也不會把所有屯門出九龍嘅巴士客吸哂去屯荃鐵路

要發展東大嶼
政府會更加著重每一區點去東大嶼
而非再將新界人流用鐵路塞去九龍

eternalflame 發表於 2017-6-28 15:14
始終大西北出市區的客量會多於入沙田嘅客量，將屯門乘客帶入沙田再轉車返出九龍甚至過海，亦會佔用將會非 ...

另外龍鼓灘唔會起住宅
政府屬意發展工業、物流

屯荃鐵路或會伸延至洪水橋
以分流出九龍嘅西鐵客避免大欖段隧道變成東西綫最大樽頸

造價如何？
營運效益如何？
環評能否通過？

極粗略估算，屯荃鐵路屯門出荃灣距離大約等於西鐵天水圍出荃灣西。
按照港鐵資料，這等於大約減少7分鐘車程。
屯公沿線人口不多，而屯門人搭西鐵雖然時間耐但有頭站優勢。

長遠規劃都係港深機鐵+東大嶼比較正路。
我本來唔睇好港深機鐵，但如果連埋東大嶼出港島，整體效益則大為改善。