港鐵車站可否加設 同線其他車站月台配置圖 方便乘客

例子:
http://farm8.staticflickr.com/7020/6485852579_edfe9ee598.jpg

有咗其他月台既配置圖, 乘客如在長沙灣站搭車到旺角站E出口,就可以喺等車時, 就去返相應車卡上車, 節省乘客時間。
乘客到達目的地站後, 就可以快速乘扶手電梯/升降機到達目的地。省卻乘客「盲中中」搵升降機/扶手電梯。乘客可迅速離開月台,  更方便快捷到達目的地。
為何港鐵小小的貼心事情也不做, 要由坊間手機程式提供?

喺日本連車上嘅mon 都會顯示下一站樓梯啊扶手電梯啊lift啊喺邊卡左右

hkcctim2012 發表於 2017-7-3 18:19
喺日本連車上嘅mon 都會顯示下一站樓梯啊扶手電梯啊lift啊喺邊卡左右

係呀，好似係邊個出口用邊部電梯都有講埋

呢間咁既野，除左起屏風樓起車站舖，仲有咩係用心有心做丫。同日本比，不如講下日本有乜唔係完勝吊打香港(除左樓價)。

同類既直立式路線圖，龜鐵得一條線幾個圈，同大日本比，真係雲泥之別。

我唔明，點解幅圖明明有大把位，都唔加多D資料入去，唔敢要求佢有大日本水準，最起碼，個圓圈入面寫個預計行車分鐘既數字，只係咁簡單，都唔去做 。

當然，以呢間公司既格，唔拎黎狂賣廣告已經要還神。

呢樣野以前九廣東鐵有既，但不知為何後來(大概尖東站通車時)取消。

另一樣野，就係月台上D站名牌，東鐵就係掛牌，其它線印o係幕/閘門上，唔印埋前後站名？
尤其係東鐵D大大塊掛牌，大把位。

mckhgc 發表於 2017-7-3 20:51
呢間咁既野，除左起屏風樓起車站舖，仲有咩係用心有心做丫。同日本比，不如講下日本有乜唔係完勝吊打香港( ...

呢樣野以前九廣東鐵有既，但不知為何後來(大概尖東站通車時)取消。

因為成日都唔準時所以咪取消左囉

港鐵一定唔會加咁的指示,
佢就係唔想你班客迫死某卡某門上落車,
要將d客打散去最頭最尾,
係咁話「前面等車會d容易d上門」

cx734 發表於 2017-7-3 23:14
港鐵一定唔會加咁的指示,
佢就係唔想你班客迫死某卡某門上落車,
要將d客打散去最頭最尾,

試下去上水站睇下，向羅湖方向頭果卡一定最多人，羅湖開出嘅通常頭果一至三卡最少人。響而家大部分路綫都超載嘅情況下，其實整呢D指示真係冇乜用，就算畀你最近又點，上到車先講啦

cx734 發表於 2017-7-3 23:14
港鐵一定唔會加咁的指示,
佢就係唔想你班客迫死某卡某門上落車,
要將d客打散去最頭最尾,

其實邊D線，邊個方向，真係「前面等車會d容易d上門(車)呢？」

荃灣線 荃灣方向(只限頭幾站)就係

觀塘線 黃埔方向、荃灣線 中環方向 肯定唔係

mckhgc 發表於 2017-7-4 07:36
其實邊D線，邊個方向，真係「前面等車會d容易d上門(車)呢？」

荃灣線 荃灣方向(只限頭幾站)就係

個人經驗，任何路線，任何時間，任何車卡，肯行入去就會令人容易上車。
完。

金鐘站成日睇，車頭車尾都剩人龍，不過那些相關車卡的中間位，真係俾狄易達跳Hip Hop都得。(即使繁忙時間)我諗就算剩低既人龍，有入面既人行入去既話，佢地都唔會係逼到車門邊既沙甸魚啦。