為什麼荃葵青往來觀塘的巴士咁賺錢？

三巴合一 發表於 2017-7-7 23:59
學樓上講, 多客唔代表賺錢

可以咁講既

少客同樣唔代表蝕錢

幾年前聽聞過荔廠最好賺既係 171、6C 同埋 42C
38 都有錢賺, 40 條數就唔多掂

三巴合一 發表於 2017-7-7 23:09
其實42C早上東行多客D定西行多客D?

冇290之前應該係西行多人
有290之後就掉轉掛

以前朝早去觀塘望對面38/42C部部都爆門口先搞得掂
宜家唔計中途起載搞到部車吉吉地
好多時都未必企得滿

kei_hk 發表於 2017-7-7 14:37
這些無錯係要睇數據﹐但係唔係一定要好精準﹐完全無誤的數據? 現實係唔係做得到? 值唔值得去追求完全精準 ...

每部車肯定會保存維修紀錄，記低維修詳情，架車留廠幾耐，用佐幾多man-hour，零件等﹙如果唔係，每單大鑊野點可能咁快同傳媒公告，話架車幾時維修過？﹚

每條線、每個車長都有更表。入幾多油更唔可能無紀錄

外人無呢D數據，或唔可能响討論區公開呢D數據，就話唔可能好準確咁計，焗住用年報個大數估計啫。巴士公司掌握呢D數據，要獨立詳細計算有幾唔可行呀？

講到意外開支，小弟唔係巴士公司做，唔知會唔會篤落路線營運度丫。個人覺得就算計都唔會影響大局
細細單意外，佔條線整年收益可以有幾大？
大大單嘅，傻嘅都知當個別事件處理
細細單又發生得頻密嘅，正常人都會睇出佐乜問題去減少意外，而唔係從營收著手吧。

s3n370 發表於 2017-7-8 00:58
每部車肯定會保存維修紀錄，記低維修詳情，架車留廠幾耐，用佐幾多man-hour，零件等﹙如果唔係，每單大鑊 ...

所有紀錄﹐巴士公司當然會有啦。
但係﹐學你所講維修工時﹐1個工時值幾「錢」?
不同級數的師夫﹐不同部門的師夫﹐唔係相同人工的。

仲要有些部門﹐專門整一樣野﹐之後交給另一部門去維修車輛。
又有些部門﹐不停流水為所有車做後勤支援(例如入油員工)。

這個情況點去計算維修成本?


如果所有人都係相同薪酬﹐都叫做易計算一點。
但係﹐人又多﹐工序又多﹐又有唔駛落手做野的"監工管理"﹐點去計算1個工時值幾「錢」?


細公司﹐人數少﹐好多工人都係一腳踢﹐都尚有能力去逐part去計算。

但巴士公司唔係細公司﹐分晒部門﹐這便好難去精準計算出成本。
於是﹐會用一套方式程去計出相關的總成本。這條方程式可以好簡單﹐亦可以複雜到外人唔會睇得明。
(例如輪呔組佔 ?%﹐入油組佔?%﹐電工佔?%﹐車身維修佔?%﹐員工福利佔?%.........)

當用到方式程去計算成本/收入﹐這便會包含了 "平均" 這個既念﹐便不可能去到100%精準。

前面有人強調做到完全精準﹐細公司人手少係做到。
但大公司人手部門及分工都多的情況下﹐係唔係真係做到完全精準﹐極之成疑。所以便要定出一個標準方程式去計算﹐接受一個運算上/統計上的誤差。


正如你所講﹐我在前文#81都提及﹐這些資料(計算方程式)係唔會公開。

只要全公司統一用相同的方程式去計算收入及支出﹐這便可以得出一個客觀的成本及收入計算標準﹐睇到每部車/每條線的成本及收入。

我一直都係講﹐巴士公司不是沒有數據得知每條線的成本及盈利﹐只係點去計算成本/收入﹐以及計算方法包含了幾多的誤差範圍。

YY487 發表於 2017-7-8 11:17
大埔對外特快線重組
近年得一條 271 藉重組分拆 271X 加價

竟然係271蝕錢
窩打老道／廣東道塞兩塞都唔出奇

如果73X行大大條吐公都蝕
恐怕46X／49X都要蝕
佢地冇吐公段公路追行車時間
同收平＄1-2

pccpkl 發表於 2017-7-9 01:01
竟然係271蝕錢
窩打老道／廣東道塞兩塞都唔出奇

73X近廿幾年都係KMB最賺錢十幾條路線之一

十幾條有B1,968,74X,73X,58M,1A,5C,27,211,276A,38,42C......

n281 發表於 2017-7-9 01:32
73X近廿幾年都係KMB最賺錢十幾條路線之一

十幾條有B1,968,74X,73X,58M,1A,5C,27,211,276A,38,42C......

211?
你係打錯字定攪錯咗?

條線雖然係短, 係用單層每班車客量有限,
轉乘仲要蝕做

kei_hk 發表於 2017-7-8 11:16
所有紀錄﹐巴士公司當然會有啦。
但係﹐學你所講維修工時﹐1個工時值幾「錢」?
不同級數的師夫﹐不同部門 ...

工時值幾錢點會計唔到呀？
薪金加福利開支除番工時，點都有個數走出黎掛？
（嗱，有個數咋，仲有好多野未計架）

你講果D所謂好難分，根本全部都係易到暈，一隊人入油入幾多架車計唔到？

九巴行ISO，要跟程序，做足文件講traceability。
分哂工都好，有呢D資料，要追蹤量化有幾難呀？

就算係你所謂唔駛落手落腳監工，去到呢個境界，
段估要做嘅係管理團隊、監督進度、驗收及技術指導吧？
全部工作都清清楚楚，點會量化唔到？

講到尾，要去到Admin, HR呢支援部門，總部燈油火蠟呢D先難量化…
最常用手段係先計quantify到果部份，
支援部門呢D難以quantify果部份，就按quantify到0既按比例去攤分


咦，要攤分，咁咪俾磚家大大講中佐“要平分，唔百分百準確”囉

錯！個重點係就算點攤分，都好多種方法，

點計點拆根本係睇目的，用“精準”呢個科學嘅term係九唔搭八。
最近磅應該係公允。
可惜各種目的，包括公允與否，都因時地人而定，無一個絕對準則
按開支、收益、工時、里數拆本身應視乎開支相關性而定但亦各有利弊
我舉個例，有個部門專門入紙做路線改動，
咁按路線、開支比例定收益比例拆好？
按路線拆，一日一班嘅路線overhead咪大到暈？
按開支比例或收益比例呢？唔公平喎，按理條線一日一班定一日一百班好，paperwork唔會差太遠
中間落墨又如何？比重又點定？
成件事D根本係管理層決策，見仁見智，同精唔精準完全無關

至於大公司做唔到而細公司得，就更荒謬絕倫。
大公司部門多，分工仔細，亦有資源請專人去做。
不就是更易更有本錢去計嗎？

以上只係最最最基本嘅管理知識，磚家竟然可以完美吹錯。
又一開頭就話唔可能仔細計開支，只能用大數除。
到053h4兄提出好輕易量化，就搬龍門話唔可能準確計。
原來個龍門不自覺搬佐去外太空，九唔搭八
呢D磚家功力真係學十世都學唔識