[日本]我覺得日本應該考慮在來線改軌

談到日本鐵路改軌問題，一啲人應該會同我講"直接起新幹線咪得囉，使鬼搞咁多野"
但新幹線(應該話全球大部分的高速鐵路)造價同營運成本不菲，唔可能好似傳統鐵路咁話起就起，而且爲了實現極高速行車，走線不能太迂迴曲折，車站也不能太密，這也限制了她的覆蓋範圍，終究只能作爲城際運輸嘅大動脈，覆蓋範圍十分有限
要真正便利大部分民衆，仍然必須依靠完善嘅接駁交通配套(比如現時日本的在來線另一個主要職責就係作爲新幹線嘅接駁工具)以新幹線車站爲中心，如一條條微細血管咁深入各區，先至可以令到住的離新幹線車站較遠嘅居民都可以享受到新幹線嘅便利。如果接駁交通工具的速度同新幹線落差太大，令新幹線乘客花費在接駁交通工具的時間與新幹線車程相若，甚至多於新幹線車程所需的時間，將會大大降低新幹線的效用和吸引力，影響民衆的選擇。而且即使不是新幹線乘客的民衆，太慢的速度也會對他們日常的通勤通學帶來不便，不要忘記日本的通勤鐵路營業里程和服務範圍均要大於香港，如果車速太慢將會係個死症。
所以解決辦法就是儘可能提升在來線的營運速度，但最大的障礙是日本鐵路軌距仍然以1067mm窄軌爲主流，窄軌限制實在太多，最高營運速度最盡只能去到160km/h，如果再超過這個速度行車安全性和乘客舒適性就已經不復存在(有關之前台灣鐵道學者蘇昭旭老師曾講過"歷史上南非的火車，還曾創下時速245公里1067mm軌距的世界紀錄"這一說，本人對其真實性和可行性仍然抱此質疑態度，所以不用作參考)

對比一下英國鐵路，英國鐵路列車尺寸同日本鐵路差唔多，但英鐵採用1435標準軌，在符合行車安全性和乘客舒適性的前提下，列車最高營運速度可達200km/h
比如最近日立出口去英國的Class 385通勤EMU，最高營運速度就可達160km/h，對於通勤列車來說已經很快了
仲有Class 800、801同802三款城際EMU，最高營運速度可達200km/h，如果進行改造仲可以進一步提升到225km/h，就係幾個好例子
反觀日本，大部分鐵路線最高營運速度都只有100-110km/h左右，頂籠去到120km/h，能夠達130km/h或以上的寥寥無幾，達到極限160km/h的更是近乎絕跡。
可以話英國同日本的地理環境其實相差唔大，兩者的鐵路列車尺寸也幾乎一樣，但英國鐵路識得用標準軌，列車平均營運速度已經大大拋離日本，情況實在太令人擔憂

所以我覺得比起維持現狀或研製可變軌距列車，日本鐵路應該進行全面的在來線改軌才是治標又治本的長遠之道
具體的改軌工程，可以效仿當年興建秋田新幹線的做法，在不更動原有走線、列車規格和信號系統的前提下，直接在1067窄軌兩端佈設1435標準軌
然後分批將既有的鐵路車輛（無論機關車、工程車、客車、貨卡、通勤列車、近郊列車定係特急列車）的轉向架改造成標準軌樣式，新造的則必須轉向架製成標準軌樣式
在這段過渡期內，讓1067窄軌和1435標準軌同時在同一條路線上並存，確保正常的列車服務不受影響
最後，當所有的鐵路車輛（無論係既有定系新造的）都完成轉向架改造成標準軌樣式後，就可以陸續將舊有的1067窄軌拆除和爲在來線的列車提速
個人認爲這個方法是成本最低、最可行和長遠效果最佳的方法
不需要更動原有走線、列車規格和信號系統，就能夠使在來線實現符合行車安全性和乘客舒適性的前提下大幅提升營運速度
縮小新幹線和在來線的速度落差，提升鐵路面對公路運輸和航空運輸時的競爭力
作爲新幹線的接駁工具，能夠使更多住得離新幹線車站比較遠的居民更能享受新幹線的便利
作爲通勤鐵路，能夠使市民的日常通勤通學更加方便快捷，節省更多時間
長遠來講利大於弊

歡迎討論和指正
聲明: 本帖雖然提議改軌，但個別路線存廢問題仍然有討論空間，可以另作別論，並不與我的建議相衝突

JR在來線好多隧道同橋樑都有好長歷史，改軌距等於叫佢地拆晒重頭再來，按今時今日環評要求好多路線都會因為改建成本太高而廢線，日本地方政府真係多謝晒你個建議

首先，我地要諗下點解日本窄軌最高時速點解得130 km/h，原因唔係列車性能唔夠路軌太窄等等，最主要原因係日本法例規定由緊急煞車到完全靜止要係600米內完成，所以日本絕大部分火車極限只係得130 km/h，當年北越急行同咪E 家嘅skyliner 因為冇平交道所以先可以行到160 km/h

另外，窄軌改標準軌需要完全停運先做到，當年秋田新幹線起嘅時候田澤湖線停運左成年先開得返，亦都係咁所以長崎新幹線佐賀段唔可以用迷你新幹線黎代替FGT

A285 發表於 2017-7-20 00:50
首先，我地要諗下點解日本窄軌最高時速點解得130 km/h，原因唔係列車性能唔夠路軌太窄等等，最主要原因係日 ...

JR九州之前已經講左唔用FGT方案黎起長崎新幹線

http://www.nikkei.com/article/DGXLZO17634030T10C17A6LX0000/

在日本，交通需求大的地方已經有新幹線，冇新幹線的地方，都係交通需求細的地方，唔好話行200kn/h，行160km/h都嫌浪費，莫講話要改軌重建

OTIS401 發表於 2017-7-20 01:25
JR九州之前已經講左唔用FGT方案黎起長崎新幹線

http://www.nikkei.com/article/DGXLZO17634030T10C17A6LX ...

我嘅意思係當FGT 計畫告吹之後，有人提議用迷你新幹線黎代替，但咁都唔得因為會嚴重影響本身長崎本線嘅運作，唯一可取嘅辦法係全規格新幹線

rickywk 發表於 2017-7-19 23:16
JR在來線好多隧道同橋樑都有好長歷史，改軌距等於叫佢地拆晒重頭再來，按今時今日環評要求好多路線都會因為 ...

我所講嘅尼個改軌距，僅僅改變軌距，原有的列車尺寸唔會改變(只係更改轉向架)所以橋樑同隧道個啲應該係唔駛點鬱的

A285 發表於 2017-7-20 00:50
首先，我地要諗下點解日本窄軌最高時速點解得130 km/h，原因唔係列車性能唔夠路軌太窄等等，最主要原因係日 ...

北越急行可以玩到160km/h，全線無平交道只是其中一個因素，主要仲係北北線咁好彩成條線大部分路段都係筆直嘅，除左十日町一帶以外無任何急彎同爬山路段仲有，京成Skyliner用嘅係1435標準軌，同北北線相比，成田機場線其實迂迴曲折好多

至於工程方面，我覺得可以把握夜晚時間施工
唯一比較傷腦筋嘅地方係工程隔音的問題

Kaix 發表於 2017-7-20 02:15
在日本，交通需求大的地方已經有新幹線，冇新幹線的地方，都係交通需求細的地方，唔好話行200kn/h，行160km ...

唔太認同
日本三大都市圈(東京都市圈、名古屋都市圈、京阪神都市圈)人口密集，交通需求龐大，圈內一樣依然有大量人口密集的地方無新幹線覆蓋
日本自從有左新幹線，都市之間的城際運輸主要由新幹線承擔，原有的在來線主要功用則轉變為新幹線的接駁工具和都市內居民的日常通勤通學

仲有，日本的模式似乎係先有鐵路後有居民，同香港正正相反

K.C.R2007 發表於 2017-7-20 11:54
我所講嘅尼個改軌距，僅僅改變軌距，原有的列車尺寸唔會改變(只係更改轉向架)所以橋樑同隧道個啲應該係唔 ...

咪玩啦細路，隻腳一改，車體擺動幅動都會因而改變，隧道，月台，橋樑淨空已經全部要大改

天馬行空之前諗清楚物理限制先得唔得