[極珍貴影片] 60年代 VS 2017年 東京300%奪命通勤

60年代東京早上繁忙時間平均300%載客率，總武線更達平均314%的殺人載客率，日日搵命搏打扙返工



2017年東京早上繁忙時間平均180%載客率，但部分通勤急行班次仍可達300%載客率，乘客被推壓到不似人形，車門都分分鐘爆開

咁混雜法如果發生係香港，啲乘客分分鐘鼓譟到暴動都有份

可能係日本先唔會xd

K.C.R2007 發表於 2017-8-8 12:41
咁混雜法如果發生係香港，啲乘客分分鐘鼓譟到暴動都有份

香港唔算大，鐵路相對簡單，嫌迫又有其他選擇，根本唔會自己迫入去。日本搭得鐵路通勤的車程，通常都係替代方案不切實際（如巴士太慢甚至無、的士太貴、私家車養唔起）而被迫要搭。第一次自由行試過貪得意由原宿搭巴士去池袋，要用成九個字（私家車都要行30分），距離大約等於由尖沙咀碼頭行彌敦道長沙灣道到美孚。香港唔想慢碌都有快路揀，東京都心連高速都塞車。咁你諗下如果本身搭鐵路都要30-40分鐘，用道路交通隨時要兩個鐘，完全無得揀。　

K.C.R2007 發表於 2017-8-8 12:41
咁混雜法如果發生係香港，啲乘客分分鐘鼓譟到暴動都有份

香港o個種一對車門閂唔實，要全部同一邊車門重開既傻的嗎設計，咁樣的話根本連門都永遠閂唔到。

mckhgc 發表於 2017-8-8 19:27
香港o個種一對車門閂唔實，要全部同一邊車門重開既傻的嗎設計，咁樣的話根本連門都永遠閂唔到。
...

我上月返港見C-Train同K-Train都唔駛全部車門重開

DIH 發表於 2017-8-8 16:55
香港唔算大，鐵路相對簡單，嫌迫又有其他選擇，根本唔會自己迫入去。日本搭得鐵路通勤的車程，通常都係替 ...

佢地根本係自願迫入去，佢地大可以等下一班，或者唔轉乘「急行」，依d車站上「急行」咁得人驚係因為依d車站都係「各停」/「快速」乘客轉乘「急行」的車站，日本人係會為左快幾分鐘而無所不用其極

K.C.R2007 發表於 2017-8-8 12:41
咁混雜法如果發生係香港，啲乘客分分鐘鼓譟到暴動都有份

除左奪命推擠外，東京仲有「通勤運動會」，最出名係離東京市中心50公里的總武本線佐倉站，每朝早由銚子黎的總武本線遠郊普通車的乘客在佐倉站轉乘當站始發的總武快速線的誇張情境，離東京市中心50公里已經好遠，乘客仲要係由再遠d的地方過黎轉乘，班遠郊普通車要用到成8卡車，東京人口真係多得好誇張

去完東京旅遊自己都領教過,0730左右新宿去東京中央線快速,列車到站後車廂已極度擠迫,當時還擔心能上到車嗎?因要趕乘新幹線往輕井沢
列車開門後雖然已有一部分人下車,但車廂仍似香港早上南昌站往香港咁,似無位上了,正當猶疑之際,後面的人不停推你上車,轉眼間已在車廂中間位置
同行的女性朋友已大叫「唔好推啦,無位啦」,佢講廣東話當然無人聽得明.我只好說這就是東京,個個趕上班,所以香港已經好幸福了

Kaix 發表於 2017-8-9 03:26
除左奪命推擠外，東京仲有「通勤運動會」，最出名係離東京市中心50公里的總武本線佐倉站，每朝早由銚子黎 ...

宜家好似終於明白點解總武快速線啲車要長到15卡咁誇張
不過有得同台轉乘總好過香港九龍塘站或鰂魚涌站要走一大段仲要日日都咁迫

不過話時話，既然總武快速線轉乘需求咁大，點解普通線列車的停車位置同對面快速線相差咁遠？