108 將於 17/9 起改行啟新道 (新消息: 24/9 起 5D, 5M, 24 改道)

JZ3968 發表於 2017-9-13 22:40
即係都無辦法優化走線?

除非可以唔拆現時的K9天橋(連接協調道天橋)﹐否則唔可能短期內有優化方案。

但現階段唔拆K9天橋﹐又會阻礙其他工程的開展﹐又對成個區域發展有延誤﹐好難說服政府更改拆橋時間表﹐押後拆橋。

最多﹐就係迫政府加快/提早為 K72天橋 (太子道東東行向啟德方向斷橋)﹐啟德區的 D1 路﹐以及補回斷橋後﹐落橋位至 D1 路的 S15 接駁路工程。

leungky0528 發表於 2017-9-13 23:31
即係睇實108先頭一星期表現，一唔得就再遲

分批轉用新路﹐都算係好事﹐起碼有運作唔暢順時﹐都有走盞的空間。

而七寶街的死車問題﹐大致上已經解決(增加了雙黃線)﹐只係要睇下增加巴士後是否需要調校交通燈放行時間。

108乘客通告已出

如果只有 108 用新路，其他車和巴士線依然可以行舊橋，如果係為試驗就試唔出咩真實結果嘅。應該就其他車只准行新路，咁試就有意義。

條新路行過兩次,一次係太子道東入,一次係新蒲崗入
只講係太子道東入果次,雖然沿途有好多指示牌指示可以行啟新路去啟德.不過由於條路出入口係正橋底,同埋條橋又未拆,變相令其他車依然習慣行天橋,唔行啟新路
如果係未封橋前有巴士行啟新路,有機會引到其他車行...因為咁大架車都行到,冇理由細車行唔到

至於去到工貿大樓果邊,路面係有進行優化工程 比之前好行左,行車時間比行天橋,都係多三四分鐘.

FD_8592 發表於 2017-9-14 22:54
條新路行過兩次,一次係太子道東入,一次係新蒲崗入
只講係太子道東入果次,雖然沿途有好多指示牌指示可以行啟 ...

重點係 經得太子道東上橋既絕大部份都係去啟德同九龍灣..
就算佢真係去返九龍城..點睇都係K9橋稍勝
咁你話邊有人用啟新道??

運輸署出咗通告，24/9 起封 K9 橋，同日起 5D, 5M, 24 改道.....
http://www.td.gov.hk/filemanager ... 024%20sep%20chi.pdf

今日搭咗一次108，可能因為係星期日，由譽港灣站開出後大約3分鐘到工業貿易大樓站
不過響在下上車果個站都未更新108資訊，同埋同車唔少人都唔知改路，一見唔上橋就好多人嘩然以為行錯路，亦有人響巴士離開譽港灣站後就撳咗鐘，仲X到去到工業貿易大樓站就以為到站想落車，要司機提佢下個站係啟晴邨先知未到站
P.S.唔知點解工業貿易大樓個站係「臨時站」

臨時站可能性一：成個安排都係「臨時」，雖然都應該要臨時好幾年，情況即係好似協調道西行譽港灣站咁。臨時站可能性二：下星期加埋 5D, 5M(?), 24 落個站度先唔用臨時站牌。

jpoon 發表於 2017-9-18 02:27
今日搭咗一次108，可能因為係星期日，由譽港灣站開出後大約3分鐘到工業貿易大樓站
不過響在下上車果個站都 ...

睇黎之後有一排揸5D,5M,24,108既carlo都要比客做出氣袋。