九巴9,28服務調整消息(12/2起）

neosan 發表於 2017-10-12 14:16
柯士甸站行過去都係10分鐘內，係無冷氣姐。同埋11號平均每班次都唔知有無10個人係九龍站。

...

別忘記高鐵西九龍站開通後有地底通道貫通柯士甸及九龍站，所需時間與路面相若。

其實都真係唔明係山頭起幾條邨，又唔近地鐵站，都可以淨係起一條坑俾巴士算數.........

ky927 發表於 2017-10-14 19:23
其實都真係唔明係山頭起幾條邨，又唔近地鐵站，都可以淨係起一條坑俾巴士算數......... ...

偉大嘅運吉覺得起條天橋畀你落山搭港鐵已經夠哂數

夏天三彩行落去搭地鐵好攞命，條天橋又熱又焗，未落到去都全身濕晒，唔想行又焗住比4蚊搭程兩分鐘到嘅綠Van，一程九龍區內地鐵再加Van仔分分鐘仲貴過過海

巴士可以居然完全冇規劃就入伙，入伙成10年連一條係屋村樓下去油尖旺嘅線都冇其實都幾失敗

FBI2 發表於 2017-10-14 00:02
28會用一條獨立坑,另外1和7會同坑,即係7會泊雪糕車隔離等夠鐘埋坑上客.

...

1號同7號另一邊總站都好近下，兩條綫完全共用車隊會唔會更加好？
即係邊條綫要開車就攞泊最前嗰架，唔怕畀另一條綫嘅用車塞住

Brianonly 發表於 2017-10-15 02:40
夏天三彩行落去搭地鐵好攞命，條天橋又熱又焗，未落到去都全身濕晒，唔想行又焗住比4蚊搭程兩分鐘到嘅綠Van ...

其實應該研究6D改經山上彩福以擴大該區全日路線服務範圍。最大考慮係影響到去程啟業邨出石硤尾同彩虹道嘅客。
另外當區較早曾爭取13X彩福特班加班，唯九巴當時以未能調配資源為由拒絕。


前排朝早有時見到13X彩福特班落到牛頭角都未坐滿，
我估計九巴底裡認為加埋牛頭角班客填倉都未必有so，故拒絕加班。

lwb701 發表於 2017-10-15 08:05
其實應該研究6D改經山上彩福以擴大該區全日路線服務範圍。最大考慮係影響到去程啟業邨出石硤尾同彩虹道嘅 ...

同時又要顧及麗港城坐40轉6D去石硤尾的需求。把13D改經彩福可行嗎？

yclam 發表於 2017-10-15 08:09
同時又要顧及麗港城坐40轉6D去石硤尾的需求。把13D改經彩福可行嗎？

13D本身行車時間已經好長，山上班友已經炸曬形，
比佢兜上彩福再出太子道東車程將會更慢，因此相關提議我個人覺得可行性不大。

較早前有版友提過彩福落觀塘道天橋係禁止巴士使用，
相關路段似乎未有禁止路牌，所以本人未能証實真偽。
假若巴士能行走該路段，則可解決啟業邨/40轉乘6D問題。

ricky 發表於 2017-10-14 16:59
搞好後111P都可以全日

加多兩個泊位咋，點俾111P全日啊?

FBI2 發表於 2017-10-15 08:53
加多兩個泊位咋，點俾111P全日啊?

死得，彩福總站本身先天有問題，又掘頭路又細，放唔到大線。