張建宗：靈活輸入外勞

darrelclever 發表於 2017-9-26 21:48
如果你坐巴士,個司機連廣東話都唔識講,你會點諗?

過多三十年連廣東話都唔講得，唔係，十年八載後的士司機去郵輪碼頭只可以講普通話。

唔好話新加坡，就算係深圳，根本就極少本地人做巴士司機，絕大多數都係外地人。

面對現實啦，巴士司機工作時間長、假期少、困身、欠缺晉升機會，呢啲都係死症，難以吸引年青人入行，家長亦唔鼓勵仔女去做司機，以上唔係加人工就可以解決。

好似而家新一代鍾意成日去旅行，成班朋友飛台灣飛韓國飛日本，你估二十年前坐架中巴珍寶去吓新界一日遊班司機就會好開心好滿足？你都識講社會進步，而家要想飛就飛，一買到廉航平價飛就即刻請假出發，巴士公司嘅編更制度係咪容許呢種生活態度？市民可唔可以接受巴士司機放假去旅行無咗班車？

事實係當而家呢班五十幾六十歲嘅司機退休後就會後繼無人，最後唯有「翻掩」繼續叫班老司機做到六十五歲、七十歲、你唔驚我都驚。就算好似地盤工人咁，人工翻幾翻，搞到香港建築成本倍數上升，但工人平均年齡都仍然係五十幾歲，後生仔入行人數少過退休工人數目。

有啲工種係註定唔會請到本地人，而家有無本地人肯打住家工？叫香港人唔請外傭然後將住家工加到5萬一個月係咪就可以製造就業？新加坡經驗係搵晒外勞做司機、建築工人等工作，然後本地人就做高增值職位，所以新加坡自2000年開始人均收入拋離香港。

支持巴士公司輸入外勞，只要做好培訓及提供宿位配套，對市民百利而無一害。

打工仔覺得待遇、工作環境唔好，企出嚟爭取，俾人話「嫌辛苦咪唔好做囉」。到真係無人做，又俾人話你班香港人唔主動去做奴工，要引入外勞，齊齊頂爛市。媽好亂呀。

張健宗係一隻賣港老賊

勞工短缺問題係要解決，一味話加工人根本解決唔到問題。
你話巴士司機人工應該加到3萬然後車費加25%，咁稍有經濟常識嘅人都知咁做只會引起惡性通脹，到頭來可能保安又話缺人要加到25000去爭人，於是你又話揸巴士咁辛苦不如一個月搵少五千去做保安。

然後又話做巴士司機合理人工應該係六萬，最多車費又加多50%，於是人工不斷加、車費不斷加，最後搞到搭一程車用冥通銀行嗰種大額鈔票俾錢都唔掂。

唔輸入外勞，或者可以集中資源研究無人駕駛技術，深圳已經開始試驗無人駕駛巴士，技術成熟後，巴士司機呢個工種直程可以喺巴士公司編制入面消失。

053h4 發表於 2017-9-26 22:43
深圳2000萬人，緊係無本地人做啦
改革開放前，深圳得番幾十萬人，個個去晒香港你唔講？

按照你嘅道理，只要深圳巴士集團將巴士司機加到5萬人民幣一個月，就自然吸引到嗰200萬深圳本地人去做司機啦。