本帖最後由 HZ8186 於 2018-11-15 08:30 編輯
之前考完試之後獨自落英國南部散心,一次過去曬 Portsmouth, Isle of Wight 同 Southampton 三個地區, 一炮過試曬 LU Tube 1938 Stock, 來往Ryde 同 Portsmouth 既氣墊船, 全英其中一條最靚景既巴士路線 Needles Breezer, 同埋試搭 Flybe 既 DHC Dash 8, 海陸空樣樣齊, 對我呢個小薯黎講,真係一個 Dream Trip~~
當天小弟係 Shanklin 既酒店食完個Full British Breakfast, 寄左張Postcard翻香港, 同行一陣個海灘之後,就搭左架 Island Coaster 去 Yarmouth,準備乘坐呢條可能係全英格蘭最靚景既巴士路線 - Needles Breezer
The Needles 為英格蘭南部 Isle of Wight 最西部既一點,設有一個炮台同兩個燈塔, Chalk Cliffs 的浪漫白色配上 British Channel既 (del) 迷人景色 (del/) ,為呢個島必去景點之一。 天色好既話,該處可以飽覽修咸頓以西既地區 Lymington, 甚至可以隱約看到法國北部的海岸線。
Needles Breezer 為當地巴士公司 Southern Vectis (Vectis 為羅馬時代 Wight 既名稱) 營運,使用雙層開篷巴士行走。 (而Southern Vectis 同 Vectis Blue 為 Go-Ahead group既子公司) 當天小弟坐上一架配置East Lancs車身既N94 -上層採用一個半開縫設計, 上層頭半設有空調,通過一道門之後就進入車廂後半的露天空間
從Yarmouth開出的 Needles Breezer為循環線 - 先遊覽Isle of Wight內陸的小景點及鄉郊小鎮, 沿着Wilmingham Lane 到達Freshwater Bay後就經海岸走線到當地著名主題公園 Alum Bay。 係呢個站稍作停留之後,巴士就會駛上 The Needles, 之後原路折返 Alum Bay 及 Yarmouth。
車箱內設置報站系統,在各大站有廣播之外亦對沿途各景點及地標加以介紹。 上層露天部分亦設有Speaker,唯車輛以時速四十係Wight既鄉郊小徑上飛馳時,其實風聲真係大到乜都聽唔到 (講明先: 係英哩 係英哩 係英哩)
另外一樣嘢要注意係: 真係唔好隨便伸手出車 - Yarmouth-Freshwater Bay既路段好多樹枝係伸出馬路 - 一般黎講個車長係會踩住中線行,不過如果對頭有車黎既話,上層坐左邊既乘客真係食曬樹葉咁 - 大家可以想像下用人力躉行14既情況 (利申: 唔係巴士迷企赤柱廣場影標準會有幾壯觀,而係上層既乘客死傷有幾慘重)
車費方面,此路線係設有雙向分段收費,全程收十鎊。 留意翻Southern Vectis 其實係有全日通,成人都只收十鎊,小童半價,18~19歲既乘客亦可以用 Young Adult Fare 七鎊半 買飛, 相信單程車票既價錢都係象徵式, 上得車既 個司機都會 建議/要求/威逼 位乘客買翻張全日通。
講翻程車先啦~~ 架車由 Yarmouth 去 Alum Bay 係幾好飛。 係路面無其他車既情況下,個車長一直踩住去, 可能小弟去 Isle of Wight 既時候未算係旅遊旺季,該班車到 Alum Bay 都係無人中途上落,大約二十分鐘就到達 Alum Bay 既主題公園。
係 Alum Bay 等左十分鐘之後,架巴士就開始駛上 The Needles 既山路。 該路段實為封閉路段, 基於路面狹窄既關係, 只有燈塔既員工同行駛呢條路線既巴士係有權限可以使用呢條山路。 條山路既斜度目測都有1:8, 而個車長鎖死二波之後就開始直衝上山。
上山上到一半,小弟終於明白呢條路線何方神聖 - 從巴士上層望出去, 英格蘭南岸一望無際。 清涼海風配上海鷗清脆叫聲,叫遊人嘆為觀止。 在峭壁上府望海浪拍打五十米下的石灘,給每位遊客一種居高臨下既感覺
The Needles Breezer 過多一兩分鐘已經到達山頂既循環線中途站。 係呢個站放低左d客之後,架車就 U-Turn 原路落翻 Alum Bay,雖然小弟係好想行下山頂既炮台,可惜因為行程關係 (同埋個炮台收£7.20既天價入場費), 小弟係 The Needles 既山頂陪徊左二十分鐘就搭翻下一班Needles Breezer 回 Yarmouth, 為小弟既 The Needles 之旅話上一個完美句號。
Hampshire之旅並未到此結束。 乘搭 7 號巴士前往 Newport 後,小弟就轉乘 5 號巴士前往 E. Cowes。 使用 Cowes Chain Floating Bridge (顧名思義, 係一個有鐵鏈既浮台) 渡河到 W. Cowes 後,就乘搭 RedJet 雙體船到 Southampton, 繼而展開修咸頓三個小時之旅。
總括 Isle of Wight 既旅程, 今次乘坐 Needles Breezer 真係一個畢生難忘既經驗。 除左可以有咁靚風景之外,咁靚天氣亦都係極之罕有。 雖然今次行程都比較緊逼,不過能夠乘坐 1938 Tube Stock 同呢條 Needles Breezer 已經非常之滿足。 各位 hkitalk-ers 下次去英格蘭 Hampshire遊玩時,不妨抽半天時間試坐呢條巴士線吖~~
去片啦 Freshwater Bay 往 Alum Bay 既路段 | 
樓主