將軍澳單車徑斷續問題[29/10有相]

今日放假租左架GOBEE BIKE踩，踩到日出康城至環保大道單車徑斷斷續續，需要係行人路上推車到環保大道，
環保大道至峻瀅隧道只得一段小單車徑，之後有斷左，到石角路環保大道交界單車徑再現。
到底將軍澳工業村單車徑，當初規劃時有冇連接至坑口甚至其他地方?

環保大道近邵氏係條大斜路, 單車出入將工同坑口踩海皮點都舒服啲, 只係康城段未來點樣起法, 係咪會沿海岸線起落去, 似乎仲未有定案.

環保大道有無起單車徑都好，根本都唔適合人踩單車
旁邊行過啲車唔係泥頭車就係垃圾車，踩住單車同吸塵無分別

好奇怪係石角路峻瀅旁單車徑，經過一段小隧道卻中斷，要搭日出康城升降機才到地面。未興建日出康城前，一小段單車徑係唔係連接到工業村呢？

日出康城至浚瀅隧道