19 平田－長沙灣 (經麗港城)

MM3891@16 發表於 2017-10-23 14:25
如果16x照而家咁去到興田轉落將軍澳道靠左上返啟田道 停啟田再上繞道呢

睇你想點停啟田：係行曬成條啟田道再進鯉魚門道同偉發道上觀繞(又係嗰句，冇得啟田道經鯉魚門道直上觀繞，要經偉發道)，定係其他方法

不過與其陪塞將軍澳道，倒不如直接碧雲道左轉連德道仲好，如果要兜平田圈之後經藍田分科診所落觀繞(好似88X去沙田咁)都方便啲

10598C 發表於 2017-10-17 07:50
係喎仲有613，差啲都唔記得，但係最大問題214油塘至石硤尾本身都獨市緊，除非到時候你加返613↔縮短後嘅2 ...

近期好忙，遲咗回，抱歉

係喎仲有613，差啲都唔記得，但係最大問題214油塘至石硤尾本身都獨市緊，除非到時候你加返613↔縮短後嘅214

但係問題又嚟，而家214都做緊油塘↔荃灣轉乘，又點算好呢... 唯一諗到嘅係613↔290...
總結其實214有啲剪不斷理還亂嘅感覺

不過假若用旺深線換214縮短，其實又唔係諗唔過嘅

翠屏個case，佢地係有小巴，但係轉乘線始終都係冇，有優惠係差好遠

至於藍田站，我係指鯉魚門道嗰個站唔重要，因為可以康田嗰邊行返落去

但係如果16X係咁行，康田都係依舊冇車，再者其實啟旺樓差唔多係最格攝嘅站位，無論安田啟田都唔算方便，更加莫講康田匯景

其實又唔係冇辦法，16X去程兜埋平田，落繞道直飛太平道，抵消行觀塘道嘅時間，回程跟88X落橋去康田

第二個方法，去程跟215X去到藍田站，入偉發道上繞道，回程同上

油塘碧雲道至石硤尾，兩邊都係住宅區為主，需求好有限
但如果真係要補償，16X<>87B以及14/16<>6D兩組轉乘
會有用過613<>214好多

至於荃灣，好懷疑有無人會走去214轉290
16/14轉40實際好多
而將來有油荃，某幾個位甚至車都唔使轉

翠屏問題
轉乘線本身無肉食，除非有本身小巴轉地鐵/紅小既人改乘巴士轉巴士
否則開咗唔會有著數
而就算計出來係值得做，11B/11C加新界線轉乘，效果同開新線無異
翠屏有資源開新線，肯定係旺角/尖咀線優先

最後藍田站位問題
啟旺樓站位絕對唔差
建議你開中原地圖，留意藍田山個天橋網絡
藍田邨同康逸苑，天橋都係駁落啟旺樓
啟旺樓本身係藍田邨、康逸苑、啟田邨三條邨最方便既站位

至於平田康田，無錯，啟旺樓係無啟田商場咁就腳
但平田行去啟旺樓，仍然係近過行落地鐵站
其餘安田康田興趣啟旺樓都係合理步程
只要16X本身夠快，唔使一定停正啟田商場先有吸引力

要康田安田行多3-5分鐘去啟旺樓，啟旺樓上車直落觀繞
絕對好過
為咗康田安田樓下有車搭，鯉魚門/油塘/碧雲道/藍田邨/康逸苑/啟田全部兜多5分鐘偉發道

hellomato 發表於 2017-10-17 18:02
這個路線我在Plan 6P全日版的時候也有同時考慮
問題是落觀繞之後點樣去旺深；目前想到的是跟2X咁行
甚至 ...

先斷症
東西九龍重組點解咁難處理，係因為本身兩邊有唔同需要
深水埗班人，想條線入邨行青山道，然後東九段要做到觀塘道或者九工偉業街
相反，東九龍班人其實對青山道無興趣
佢地想行長沙灣道食正深水埗市中心，再入埋長沙灣工業區
東九部分地區更加會想條線入埋旺角太子

你個solution，係玩88X兩種唔同走線既長途循環
我覺得，唔實際，班次太垃圾而且走線好容易搞到兩頭唔到岸
考慮埋車務因素，流水線盡量做到兩邊客，特快線group埋跳飛機其實效果更佳

要幫到蘇屋，應該早繁6-9開條6X，走線如下：
https://goo.gl/maps/rhht5z97AYu
咁做既好處，係可以善用16X私牌車跳飛機開線，完全唔使額外資源
甚至可以考慮16X部分班次改做荔廠派車，先行一單6X回程跳過去行16X
反正九廠長期缺車，本身已經有九廠線要改荔廠派車

流水有兩條可以考慮
19A——蘇屋<>白田<龍翔道>黃大仙<>觀塘道<>麗港城
15B——長沙灣<>長沙灣道<太子道西/界限街>啟德啟業<>九工<>（觀工）

前者俾到蘇屋白田去黃大仙觀塘道既全日服務，有助重組2B/2F/214
同時俾到麗港城一條40以外既選擇去觀塘道龍翔道沿線，方便他日重組荃葵線

後者肩負啟德西九線角色
同時食埋長沙灣道入九龍灣/觀塘工業區既半獨市客，達致雙向客源

麗港城旺角，我建議group翠屏，搵13D改
13D——翠屏<>麗港城<觀繞>旺角<>維港灣
當然前提係觀塘道西行右轉翠屏道車長限制可以豁免巴士

castanopsis 發表於 2017-10-29 08:57
近期好忙，遲咗回，抱歉

油塘碧雲道至石硤尾，兩邊都係住宅區為主，需求好有限

翠屏問題

我唔係好明點解加轉乘會同用新資源開線冇分別，如果加11B/C轉乘新界西同九龍西路線，係唔駛加任何資源落去

開旺角線固然係需要，但係如果想做翠屏麗港觀繞特快去旺角，要牽涉新資源，就係另一個故事

我一次過覆埋下面啦，你話直接用13D資源去做翠屏麗港旺，其實係有難度，因為牛頭角道嘅議員其實唔肯放走13D，而事實上嗰邊有唔少長者，係需要搭13D去亞皆老街沿路嘅醫院，而另外維港灣去觀塘亦都係需要搭13D

翠屏或許還可以做，麗港就真係比較難，建議13D直接縮短去翠屏，來回經寶佩出入翠屏，而啟業至九龍城警署中間唔停站做特快

至於16X，我諗你有少少誤解，我唔係話行啟田道再兜偉發道，而係入安田街兜一個圈，只停平田總站一個站，再經啟旺同藍田分科診所落繞道(不過都係要兜)，不過既然啟旺站位都算方便嘅話，行啟旺之後直落觀繞絕對係一個好嘅選擇


講真，其實轉乘係巴士公司好應該做嘅野，尤其係本身九龍東咁大，冇可能條條線都入邨，咁做轉乘其實係基本野

例如碧雲道應該用16做轉乘線
麗港城：40
平田啟田：15
油塘：14
秀茂坪：1A
翠屏：11B/C
牛頭角道：13D
樂華：2A
三彩：2X(我心目中仲有分拆出嚟嘅9X)

10598C 發表於 2017-10-29 12:42
翠屏問題

我唔係好明點解加轉乘會同用新資源開線冇分別，如果加11B/C轉乘新界西同九龍西路線，係唔駛加 ...

翠屏問題

我唔係好明點解加轉乘會同用新資源開線冇分別，如果加11B/C轉乘新界西同九龍西路線，係唔駛加任何資源落去

開旺角線固然係需要，但係如果想做翠屏麗港觀繞特快去旺角，要牽涉新資源，就係另一個故事

我一次過覆埋下面啦，你話直接用13D資源去做翠屏麗港旺，其實係有難度，因為牛頭角道嘅議員其實唔肯放走13D，而事實上嗰邊有唔少長者，係需要搭13D去亞皆老街沿路嘅醫院，而另外維港灣去觀塘亦都係需要搭13D

翠屏或許還可以做，麗港就真係比較難，建議13D直接縮短去翠屏，來回經寶佩出入翠屏，而啟業至九龍城警署中間唔停站做特快

講到尾問題其實係，13D究竟有幾重要？
你所講既所謂獨市位
其實所有乘客都可以行5分鐘路，甚至原站搭到更為密車既1A/16/2A
而實際上條線客量亦唔好，角色純粹流於執雞
本版絕大部分建議，唔係叫13D取消就係轉型，唔係無原因
除非你同我講，13D其實打得爆，取消咗既班客會走落鐵，否則無保留既意義

我建議既13D仲做得返維港灣<>九龍城一段流水，擦邊做到觀塘，已經仁至義盡
絕少少甚至可以推曬班客落16算
（唔入大角咀走線仲可以靈活少少，去長深荔又得，落油麻地都得）

至於16X，我諗你有少少誤解，我唔係話行啟田道再兜偉發道，而係入安田街兜一個圈，只停平田總站一個站，再經啟旺同藍田分科診所落繞道(不過都係要兜)，不過既然啟旺站位都算方便嘅話，行啟旺之後直落觀繞絕對係一個好嘅選擇

我停啟旺樓，係覺得停埋都唔會點拉慢油塘碧雲道既車程，但同時做多大半個藍田山
如果要入平田兜圈，分分鐘趕返前面堆客，未必值得

講真，其實轉乘係巴士公司好應該做嘅野，尤其係本身九龍東咁大，冇可能條條線都入邨，咁做轉乘其實係基本野

例如碧雲道應該用16做轉乘線
麗港城：40
平田啟田：15
油塘：14
秀茂坪：1A
翠屏：11B/C
牛頭角道：13D
樂華：2A
三彩：2X(我心目中仲有分拆出嚟嘅9X)

誤解咗你開轉乘線既意思
同意東九好多線都可以加新界線轉乘

不過again，加轉乘真係要視乎效益
以樂華翠屏為例，其實你加轉乘同唔加轉乘班客都係咁搭，未必好有效益
或者可以學新城咁加$1.5轉乘應付下算
反而油塘藍田呢種就應該俾得爽手少少，事關你唔加人地真係轉身就落鐵

castanopsis 發表於 2017-10-29 17:52
講到尾問題其實係，13D究竟有幾重要？
你所講既所謂獨市位
其實所有乘客都可以行5分鐘路，甚至原站搭到 ...

其實我相信13D依然有佢嘅重要性，特別係受制於唔少長者居住係牛頭角道沿路，而曾經亦都有版友表示過區議員有挽留過13D行牛頭角道，維港灣亦都係13D另一個取消嘅阻力

係我心目中，13D可以做嘅野就只有縮短去翠屏同改做半直通特快(飛走部分站，例如淘大-九龍城警署之間唔停站)，順手加價到7.2

要取消嘅話，除非加車比16，部分班次拉過去維港灣開，同埋牛頭角上邨班人行去牛頭角搭2A，玉蓮臺班人出創記之城搭16，但係睇落就覺得好遠囉...

castanopsis 發表於 2017-10-29 17:52
講到尾問題其實係，13D究竟有幾重要？
你所講既所謂獨市位
其實所有乘客都可以行5分鐘路，甚至原站搭到 ...

之前無時間爬晒咁多 posts，不過有幾樣野想講

一條巴士線，客觀上重要與否，同埋你實際上有無辦法拎走，係兩件事，
89D 個例子已經說明左，人地唔放行，就算客觀重要性低，
有晒數據說明需求低，兼有替代品都好，你唔足本補償都拎唔走

我覺得 13D 正正係呢個例子，牛頭角道唔放行係一件事，大角咀問題更大。
尤其是佢地爭取左咁耐，前幾年先回程十點後改到路，服務到中匯街一帶居民。
想拎走？應該無咁易…

所以我今次認同 10598C 的睇法，可能最好的出路係縮落翠屏，來回牛頭角道
（雖然我平時唔係好同意佢講既野，而且我之前有提過類似諗法）

不過我覺得 13D 可以考慮不同時段單向經常怡道天橋、宏照道，做埋九龍灣商貿區來往旺角同大角咀

有時就係有D巴士線，改唔到，咁就一世，只能無奈接受現實，最多只能減班減到盡。
不過 16 如果拆得成 16X，13D 的重要性其實會增加，尤其是東行

===

去返觀深問題，其實觀塘區真係對深水步線有較大需求的，係山上同山腰，而唔係觀塘道沿線

因此類似 214 走線的觀塘道觀深線，對觀塘人其實無乜存在意義

反而係 15B 類似我之前一路提過的建議，入九龍灣避開同鐵路直接競爭，
然後轉返出觀塘道，在客量基本盤唔太足夠的情況下
做返青山道觀塘巿中心直達線，由其他客源補充令到條線夠客做全日，都不失為一條出路

不過係應該行青山道元州街，遠離鐵路，貼近民居

除此以外，應該無其他唔需要用大量額外資源的方法，回復觀深全日線

214 已經好地地，實在無必要再搞佢。
就算再開 16X，都無必要縮短 214，而且 16X 到時可以改去油麻地佐敦做真空位，
或者就咁旺角循環都可以

反而如果 296C 296P 可以同時全日的話，其實有想像空間，不過都係車從何來

10598C 發表於 2017-10-29 20:28
其實我相信13D依然有佢嘅重要性，特別係受制於唔少長者居住係牛頭角道沿路，而曾經亦都有版友表示過區議員 ...

只靠牛上同牛頭角站幾棟樓既懶人
真係好難justify保留13D

如果本身有醫院線包袱
我建議搵兩部車做一粒鐘一班 觀市<>維港灣 補償算
反正13D個班次本身已經垃圾，觀市開牛頭角道到站時間仲好預

（諷刺既係，你個飛站方案其實一樣會令班老人家去唔到醫院）

S3BL100 發表於 2017-10-29 23:49
之前無時間爬晒咁多 posts，不過有幾樣野想講

一條巴士線，客觀上重要與否，同埋你實際上有無辦法拎走， ...

有一點需要留意
我本身並無抽走維港灣條13D，只係新13D唔到淘大/觀市而已
13D維港灣大角咀本身就已經唔多客
去到大角咀去牛頭角道，佔既客量就更少

而維港灣，就算13D撒手唔做，其實仲有其他方法處理
最簡單，group埋24/15B一齊搞

24：維港灣—旺角—亞皆老街—啟麗啟德—九工
15B：九工（觀工）—啟德啟麗—太子—長沙灣道—長沙灣
新13D：翠屏—麗港城—旺角—（佐敦油麻地 or 長深荔）

對維港灣大角咀而言，多咗條線去九工
應該仲有用過13D

長遠而言
中九龍幹線會連接九龍灣工業區同大角咀
到時好有可能會再洗牌

不過 16 如果拆得成 16X，13D 的重要性其實會增加，尤其是東行

我覺得唔一定
16真正藍田去旺角既客，佔比例其實比想象中低
就算16X開，都未必好影響到16班次，尤其本身我係打算16食埋16M

去返觀深問題，其實觀塘區真係對深水步線有較大需求的，係山上同山腰，而唔係觀塘道沿線

因此類似 214 走線的觀塘道觀深線，對觀塘人其實無乜存在意義

反而係 15B 類似我之前一路提過的建議，入九龍灣避開同鐵路直接競爭，
然後轉返出觀塘道，在客量基本盤唔太足夠的情況下
做返青山道觀塘巿中心直達線，由其他客源補充令到條線夠客做全日，都不失為一條出路

不過係應該行青山道元州街，遠離鐵路，貼近民居

除此以外，應該無其他唔需要用大量額外資源的方法，回復觀深全日線

反而如果 296C 296P 可以同時全日的話，其實有想像空間，不過都係車從何來

我上面講既19A（蘇屋—白田—黃大仙—觀塘道—麗港城）
開線誘因，從來都唔係想做觀深
而係想填補白田去觀塘道、蘇屋去黃大仙、麗港城去觀塘道黃大仙既空白位
同時促進2F/2B/214/40重組

提19A，主要係想講觀深有好多唔同可能性，唔係一定要以觀深為目標開全日線
而客觀而言，19A做觀深，效果好過你拉15B落觀市

至於你個15B方案
都係一句，啟德啟麗線本身有需要去長沙灣，行青山道唔太符合東九居民需要
講真，九工本身巴士已經有好大優勢
深水埗段就算行長沙灣道，都唔見得班客會落地底

214 已經好地地，實在無必要再搞佢。
就算再開 16X，都無必要縮短 214，而且 16X 到時可以改去油麻地佐敦做真空位，
或者就咁旺角循環都可以

都係一句，石礦場點搞？
就算你唔跟我建議順便食埋42，石礦場都要處理

我會覺得214條線太長，多客既得彩虹—安達一段，其實好唔efficient
如果可以將油塘藍田一段交俾16X
兩邊可以獨立調節班次水平，會靈活好多

16X改去油麻地佐敦，我唔係無考慮過
但佐敦道日塞夜塞，附近最近總站要去到渡華路/中港碼頭，望見都唔開胃
長深荔客源穩陣，交通情況好好多，我覺得比較值得做

循環就真係唔好啦，16X條線咁長玩循環真係死得人多

最後想講一點
16/214只係做到碧雲道
我建議既16X做埋平田邨啟田邨藍田邨康華苑
加埋鯉魚門，個覆蓋人口係大好多好多
16X取代214做碧雲道長深荔，絕對唔係單純做返214舊客
呢個transition，係可以好有效地做大 藍田山—長深荔 個餅

castanopsis 發表於 2017-11-3 13:05
只靠牛上同牛頭角站幾棟樓既懶人
真係好難justify保留13D

留意返我架13D係九龍城警署至淘大之間唔停站，唔會影響到去醫院嘅乘客

同埋一粒鐘一班會唔會進取左少少...