九巴建議2A往樂華方向繞經保安道 (蘇屋、李鄭屋)

S3BL100 發表於 2017-11-10 12:14
偷換概念你最叻，偷換完後再不斷偷換

點樣先為之「受惠」？如果有條線係度，但來往兩區的乘客唔搭，走 ...

但而家 6P 明明係兜緊彩虹道，兜彩虹道時間同兜九龍灣相約，
唔兜一度改兜第二度，無慢過，都會倒客走，咁既論調真係笑大人個口

時間真係"相約"?
尋日已經用官方資料證實左，跟15A/24兜九龍灣 慢過 6P兜彩虹道 喎。

其實我都覺得啟德同九工唔係冇需求
之但係無論係西九<—>九工 定係長沙灣<—>啟德點睇都只係兩繁位
反而觀塘道又有淘大牛下同一堆住宅 又有好幾個大型商場 點睇都似係全日位多啲
如果係要開全日線嘅話 應該要俾個方便啲同快啲嘅選擇佢地(特別係假日)

6P之所以客少 其一係班次少又疏(繁時開但20分鐘一班) miss左尾車就要轉車/搭鐵
二來又兜彩虹道又兜石硤尾(同以前40一樣) 去深水埗打後會明顯慢過地鐵好多
另外油塘果邊同214同路果段簡直多餘 214唔係快但6P只係更慢

至於40改道前少人搭除左因為兜同疏之外 深水埗方向收荃灣價俾人唔抵感覺
同埋果時未有ETA 有地鐵嘅情況下你等埋我果份啦

所以 如果新全日觀深可以做到明顯比6P快(飛更多橋 skip彩虹道同石硤尾)
同埋唔好太疏(非繁唔疏過15分鐘一班) 配合ETA同全日服務嘅賣點 上座率唔會差得過而家嘅6P

與此同時 觀深雖然有296C做緊 但大家服務範圍有唔同 兼且296C要經萬年塞嘅旺角
預計新線可以搶到一啲本來搭296C去黃金同西九龍中心一帶嘅客

不過都有版友提過 觀深客搭慣左港鐵同紅小 所以我唔會expect一開頭條線就好好客
初期唔需要開太密 後來就要靠宣傳同口碑嚟吸客 到時再諗辦法加密/減班都唔遲
到咁上下啲人就會發現佢比搭鐵唔慢得幾多 而且平過鐵同紅小 上落站位又更加方便

一開頭提過嘅啟德同九工 由於係兩繁位 所以建議將現6P改道嚟做 另外加密少少班次
至於啟德來往深水埗呢個potential全日位 可以等啟德將來發展更成熟再決定點處理

hon_son_wilson 發表於 2017-11-10 14:58
時間真係"相約"?
尋日已經用官方資料證實左，跟15A/24兜九龍灣 慢過 6P兜彩虹道 喎。
...

差果兩分鐘都係相約

況且你的比較入面，6P 係觀塘道隧道，15A 要塞迴旋處。
如果你唔係由法院或者泳池起計，而係創紀之城起計，兜九龍灣啟德應該快過兜彩虹道，尤其是西行

而且兜九龍灣應該會真係有更多深水步居民上車

對於觀塘黎講，根本無論係兜彩虹道，定係入九工，都唔算係一個有競爭力的路線囉。

所以就算彩虹道快，定係九工快，都係唔足以吸引觀塘客上車。

************
正正因為觀深的競爭對手相對較勁，所以巴士先要用最快捷的方式去將乘客送到目的地。

地鐵基本上全程要企，有時太子轉車又唔可以一班車上到；
紅小就貴，兼繁時都係有排等車。
所以巴士係咪無市場？
我唔覺。

**********
至於九工，可見將來都係繁時位。
所謂假日行街客，咪又係得個MegaBox，話多人唔多人，話少人又唔少人，尷尷尬尬咁。

全條觀塘道一定唔會少過一個九工的客。但為左一個九工，而犧牲觀塘道的乘客潛力，我唔認為有足夠值搏率。

**********
至於啟德，繁時爭取SSP、CSW線係合理，但非繁倒不如爭取加密24，兼加埋同觀深長線的轉乘優惠算。

S3BL100 發表於 2017-11-10 23:03
差果兩分鐘都係相約

況且你的比較入面，6P 係觀塘道隧道，15A 要塞迴旋處。

但如果行"15A分屍"方案，觀啟深有得唔塞迴旋處咩?

hon_son_wilson 發表於 2017-11-10 23:34
但如果行"15A分屍"方案，觀啟深有得唔塞迴旋處咩?

有無得唔塞迴旋處係一件事，但大部分來往深水步的乘客唔會經過迴旋處，唔會因為塞車而影響行車時間

neoplan720p 發表於 2017-11-10 23:34
對於觀塘黎講，根本無論係兜彩虹道，定係入九工，都唔算係一個有競爭力的路線囉。

所以就算彩虹道快，定係 ...

問題係：

1. 無資源走去砌一條半直通，直飛太子道東的觀深線，
除非真係好似 D 版友，亂取消人地有客線去做

2. 觀深的 fundamentals 其實係唔 work，
淘大全日位已經有 2A 2X 6D，山上大部分屋村都有自己深水步長沙灣車，
變左觀深半直通，新客真係只係得觀塘巿中心

唔似得觀塘去其他區的巴士線，例如去沙田或者大西北，一條掃晒成條觀塘道，
無一條牛頭角止步的線分走乘客，而且仲有轉乘客加持

淨返真係得觀塘巿中心算係新客，觀塘巿中心（包埋創紀）
來往深水步係有客，但唔會有足夠人數搭巴士

所以直接拉長 6D，或者 6P 全日，
無其他山上/山腰持份者下，一條掃晒觀塘山下，不無道理，
只係咁都係要兜彩虹道，都唔係有D人想見到的直通線，亦唔見得好過兜九龍灣

兜九龍灣啟德，我覺得會 work 的原因，除左因為有啟德同九龍灣外，
亦因為真係有條 15A 可以拎去玩。如果無後者呢個條件，一樣都唔會 work

S3BL100 發表於 2017-11-10 23:51
問題係：

1. 無資源走去砌一條半直通，直飛太子道東的觀深線，

一、我認同資源係一個問題（即如果要一條有合理班次的觀塘道直通去SSP的線）；
但呢幾年我見到的係Quota已經無過往呢10年咁手緊。
好多時都係從石頭「爆」車出黎。
例如930、934系拆線 / 延長服務時間，其實都係無端端有車爆出黎咁，而唔再係線換線。
所以，係咪一定要用現有資源去做，又未必一定，差在老九有無心。（當然，你可以話隧道線同本土線係有兩個標準）

二、以淘大黎講，2A、2X、6D雖然話就話去觀深，但三條都唔算係合理走線。
6D兜彩虹道；2A入旺角；2X疏，兼東行入旺角。
至於觀塘山方面，如果以荃葵黎比較，
其實山上都有290A，但下面的38、40、42C都有客量。
當然，上述幾條線係荃葵都各自有獨市位，但SSP、CSW果邊，其實都不是有美孚、青山道等等的潛力位嗎？

三、我認同「15A」係一個契機去做觀啟深，
但呢種走線我覺得最後個結局都係塞住人地把口，而唔會有咩好局。
始終觀塘道上車，要兜完九工出返黎，就算時間唔差多過10分鐘，但種感覺已經差好遠。
最終觀塘道無乜人show，變左得返靠九工同啟德。
但咁樣非繁都未必夠客。

四、所以我唔認同6D拉去觀塘 / 6P全日，係解決觀深的好方法。
因為觀塘班客見車程咁慢，一樣去坐返鐵 / 紅小。

neoplan720p 發表於 2017-11-11 00:22
一、我認同資源係一個問題（即如果要一條有合理班次的觀塘道直通去SSP的線）；
但呢幾年我見到的係Quota ...

淘大堆線雖然唔係直達，但始終深水埗客係有一定比例
296C時間同走線上都較理想，沿途亦唔多人死等
用荃葵比較，已經有40呢條非繁東行較少客既路線
而且深水埗大多地區已經有線去東九，地鐵又較荃葵就腳，效果難與荃葵相比