鐵枝插爆796X上層車頭

tomchen 發表於 2017-11-24 21:10
我都無話反光衣係當紅旗，唔明你講乜...

只係想講，坐司機位係唔會清楚得晒支野有伸得幾出，撞埋去唔代 ...

無話你話，呢家係我話。
前面貨車d野一支一支隊曬出黎，司機又是旦拎件反光衣當紅旗掛係犯法，大家都知呀。
但係貨車司機就算有犯法，係未代表巴士司機無責任保障乘客安全？
咁巴士司機見到前面咁危險又唔清楚環境下仲隊埋去，考車果陣無考危機意識定點？
除非貨車溜後插埋去部巴士，但睇爛嘅情況又唔似係低速拍埋去，定係呢家D玻璃好易爆定點？

你只係想講撞埋去唔代表發緊夢，咁即係暗示咁乜呢？希望閣下小心自己言行

就算用反光衣都應該掛喺最尾支鐵枝而唔係掛喺尾板，唔知你有無坐過喺司機位，正常後方視野係判斷唔到突出左幾多，你可以自己搵枝飲管試下，插盲左後果自負。

飲管愈近，你睇到嘅飲管唔係就會愈大嫁咩？
判斷唔到係未應該收油慢車甚至停車留返幾個身位？
危機意識？今次好彩碌野個位唔係對正樓下，一個唔好彩已經直插司機位啦。

lwb701 發表於 2017-11-24 10:06
飲管愈近，你睇到嘅飲管唔係就會愈大嫁咩？
判斷唔到係未應該收油慢車甚至停車留返幾個身位？
危機意識？今 ...

你真係講得輕鬆,你有冇車牌?你揸過車未?你揸過大車未啊?

揸車係一眼關七,路面上有咁多野可以變化,仲未計車箱裡面既問題如乘客、八達通、報站等
個幾枝鐵通又唔係靠近尾燈位置,正常一個司機跟住一部大車,
向望唔通前面路面既情況下都會將注意力集中向同前車間距及前車尾燈
有時間都留意左右線路面情況,萬一有需要都可以抽頭
邊個會無啦啦向上望一個佢本應就唔太需要留意既位置

再者,巴士停車間距合理,而且鐵通冇完全插入車箱,即係話當鐵通插爆玻璃個一刻
車長已經可以停定,車長係留有同前車足夠既距離
亦無跟車太貼或車速過高,根本鐵通完全超出合理既長度


危機意識？我唔知點樣既危機意識先足夠?
使唔使向每條天橋底經過前都拎把尺度一度條橋夠唔夠高?
所有過海線都要配有氧氣罩同救生衣?
在靠近行人路的行車線或經過沒有欄杆分隔行人路及行車路的路段時,車速不可超過每小時15公里
我諗第三項最應該實行,因為涉及行人既交通意外比涉及鐵通過長既意外多太多啦

ps:以我一個揸十幾年車,經常要掛紅布既人經驗估計,前車開車時
    鐵通應該冇問題,但經過一段路程,鐵通移位褪左出黎,應該唔係前車唔掛紅布,係佢根本唔知
    但呢個唔係藉口,因為佢冇固定好D鐵通,我以前都試過差D出事,今次好彩係錢可以解決到既問題,當交學費啦

司機位向前望只會見到車尾近乎平面視線，通常根據車尾燈或紅布(如有掛)判斷剎車點，車長有一定責任，但唔係主要果個，希望拎人地條命靠飛只係情感上表達。除左呢啲突出黎一枝枝難睇，升到一半落貨尾板或者揭起左尾門都一樣難睇，應該要規定裝燈。要避免到同類意外要靠平時睇多啲前人經驗，增加腦海對路面危機意識數據，先可以建立一套防衛駕駛減低意外發生機會。

AV385 發表於 2017-11-25 07:45
你真係講得輕鬆,你有冇車牌?你揸過車未?你揸過大車未啊?

揸車係一眼關七,路面上有咁多野可以變化,仲未計 ...

由頭到尾我又無話過貨車佬無錯wo，照你分析咁講貨物會移位甚至有可能跌落地就已經有問題啦。
除非鐵通係距離巴士好近先跌出黎，否則巴士司機係未可以獨善其身都係未知之數。
點解次次講親巴士司機都有錯果陣，呢到d板友咁鐘意話人唔應該話埋個巴士司機？做人係未應該是其是非其非呀？

危機意識要幾多先夠，你渣左10幾年車唔洗人教啦。咪係到同我講埋D悔氣說話。
你話洗唔洗自己度埋天橋高度，咁正路巴士批得你行都唔會出事，除非司機行錯路或者違反交通標誌/規則。間唔中啲貨車超重載貨，一個月一次搞響Over height alarm又或者睇新聞間唔中見到d龍門架無啦啦掃爛曬，呢d又叫唔叫做危機意識唔夠？

香港大把人渣左十幾年車就以為自己車神、渣壞曬手勢，一樣咪一單野收佢皮。搵食車黎講由其是的士行業幾乎一個月一單新聞死一件，個個渣左10幾年車神上身夾線重油門咬住人屎忽咁渣法，咪又係一腳油門一腳鬼門。希望你唔係果一群人囉。

053h4 發表於 2017-11-25 09:12
其實重有可能係件貨係架貨車停車時貨物向後衝，有cam有黑盒好易知架新巴要分擔的錯誤係幾多，未必有錯睇第 ...

邊種物理係停車時貨物向後衝？

lwb701 發表於 2017-11-24 16:43
由頭到尾我又無話過貨車佬無錯wo，照你分析咁講貨物會移位甚至有可能跌落地就已經有問題啦。
除非鐵通係距 ...

首先,我冇講過獨善其身,但有陣時當錯對明顯偏向一邊既時候,
我地有冇必要刻意講出對另一方的不是呢?
情形就好似一個人身上帶住好多珠寶首飾大搖大擺周街行最後比人打刧;
或者一個女仔夜半一個人行經一條幽暗既街最後比人強姦,
以上兩個例子,明顯受害人既危機意識不足,但既然人地都受到傷害,
你有冇必要將自己放向道德高地,指出別人的不足?


一隻手從來都唔可以拍得響,無一件意外既發生真係可以完全歸咎於一方既責任,
只要任何一方,無論對與錯,諗多少少,做多少少,呢個世界所有既意外都可以避免
做人做事,唔需要律己以嚴,待人以嚴,
你撫心自問,呢到d板友真係咁鐘意話人唔應該話埋個巴士司機嗎？
舉個例子:E21A長沙灣道剷上行人路;亞皆老街A21車斷女遊客腳,
有冇人出黎講唔應該話個車長?
今次呢件事,巴士司機既責任真係大到應該要拎出黎講嗎?
如果咁都要拎出黎講,咁以後每單交通事故又係咪要拎出黎講?

從意外既結果明顯睇到兩樣野,
1:車長冇跟車太貼,2:正常情況下,車長停車間距合理
如果咁都叫危機意識不足,我真係好想聽下咩野既危機意識先叫夠?
條界係點劃?有冇法例可以跟?
我唔覺得我講咩悔氣說話,我亦唔需要講咩悔氣說話
你話"洗唔洗自己度埋天橋高度，咁正路巴士批得你行都唔會出事"
咁一部泥頭車正路都唔應該有條咁長既鐵通伸左出黎?
咁個司機用一個正路既方法去駕駛點解又會有個"正路"既人出黎話個司機唔正路?

你話"你渣左10幾年車唔洗人教啦"
講得出呢D說話既人大部分就係"以為自己車神、渣壞曬手勢，一樣咪一單野收佢皮"既人
學海無崖你聽過未?揸左十幾年,得到既係經驗,但有十幾年既經驗唔代表唔洗人教
任何一單意外都係提醒自己既清泉,我唔介意新牌仔同我分享一D佢遇到既怪事同處理既方式
路面上每一刻遇到既問題都係不能複製,處理既手法亦都唔係每次都一樣
憑咩可以話揸十幾年車就唔洗教?

epsilon 發表於 2017-11-25 23:54
邊種物理係停車時貨物向後衝？

查實﹐成單野會唔會係 "起步開車" 時發生意外﹐而不是停車期間發生意外?

貨車上的鐵通不穩固﹐行車一段時間後便開始鬆甩出來。

當貨車於此位置停車﹐巴士跟隨後面停定﹐意外都未發生。

貨車開動時﹐鐵通便向後甩出來﹐直插入未起步/剛剛跟隨起步的巴士﹐做成此效果。


純講理論﹐都唔係無機會發生﹐但是否可以插穿車窗﹐我就唔知做唔做到了。
如果2車都係已經起步﹐鐵通才甩出向後飛﹐加上巴士的衝力﹐穿車窗都唔係出奇事。