九巴個ETA好廢

「預計到站時間」會因實際交通情況而有所改變

你見到的情況係架車已經開走了，其實中途站見到剩2分鐘已經要打定輸數，我在葵涌道葵芳邨南行等車成日見到，顯示剩2分鐘但架車已到站，開走先同你講Arr/Dep，隨時開到荔景顯示先會消失。

另外，7-9班次行完大半條屯公相隔11分鐘（當佢真係有車），我唔覺得有幾甩囉。

至於你話城巴線同九巴搶客？城巴連全線ETA都未做到。

mrkelvinyu 發表於 2017-11-28 23:50
其實就無人叫你死等58M
去良田仲有大大條960同260X

咁我去建生邨（中學嗰邊），960已經唔啱，係爭在見260X上唔上嘅問題

DIH 發表於 2017-11-29 09:45
你見到的情況係架車已經開走了，其實中途站見到剩2分鐘已經要打定輸數，我在葵涌道葵芳邨南行等車成日見到 ...

apps 好多時追唔切，由其是夜晚順燈/少人上落果陣，好多時apps show 2分鐘果陣部車已經走左。
網頁版有時會準d追得切部車去到邊。
有時要轉車嘅真係無計，我通常會考慮過轉唔轉到先禁鐘。

DIH 發表於 2017-11-29 09:45
你見到的情況係架車已經開走了，其實中途站見到剩2分鐘已經要打定輸數，我在葵涌道葵芳邨南行等車成日見到 ...

咁如果真係有絕對必要要靠ETA轉車（例如要趕轉尾班車，嗰班車一走咗嗰度就完全無車返屋企，要去另一度搭車）嘅場合，個ETA反應慢咗，一落錯車咁咪仆街？！
舉例：我某次搭完通宵機，要返洪福邨屋企。但如果只搭N車嘅話唯一辦法係喺天水圍站行返去（因為嗰個時段真係無通宵車返洪福邨，完全係服務真空）。我坐上部N30S之後開九巴68A嘅ETA，喺屯門公路途中兩邊個數字係一樣（咁我咪即係可以喺紅橋跳車然後即上68A尾車返屋企？！）。但結果係喺部車臨到紅橋嗰陣，68A個ETA就話尾車走咗（即係真係服務真空），之後喺我部N30S上元朗公路嗰陣見到下面有部金巴過緊藍地交匯處條橋，結果只能喺天水圍站落車行返去（無晒K巴、輕鐵、小巴），無任何其它辦法。

咁如果嘅68A個ETA唔準，反應慢咗小小搞到我喺紅橋落錯車，咪要喺三更半夜行成幾公里返屋企？！（68A尾車同N969頭車之間有好大段服務真空）

miklcct 發表於 2017-11-29 12:36
咁我去建生邨（中學嗰邊），960已經唔啱，係爭在見260X上唔上嘅問題

屯門天主教？960總站行5分鐘就到wor........？

miklcct 發表於 2017-11-29 12:54
咁如果真係有絕對必要要靠ETA轉車（例如要趕轉尾班車，嗰班車一走咗嗰度就完全無車返屋企，要去另一度搭 ...

咁港島區居民咪唔使搭巴士？咁係2015年以前既香港人又唔使搭巴士？
佢地都無ETA wor

miklcct 發表於 2017-11-29 12:54
咁如果真係有絕對必要要靠ETA轉車（例如要趕轉尾班車，嗰班車一走咗嗰度就完全無車返屋企，要去另一度搭 ...

有條路線叫N969，如果你在屯轉等，基本上不用30分鐘就有一架，方便好多

AV296 發表於 2017-11-29 13:33
有條路線叫N969，如果你在屯轉等，基本上不用30分鐘就有一架，方便好多

佢個情況係九巴轉，叫人轉城巴係未要硬食$13.1？
唔洗30分鐘就有一架，岩嘅，20分鐘時班嘛

九巴ETA算準，始終路面交通情況有時好難去預計