九巴新例家屬証每日限坐8次, 否則收証?

053h4 發表於 2017-12-4 13:50
張証有相, 根本只係一個人DO
重有, 八達通理應有限制隔幾分鐘先有得再DO

根本乘車證轉八達通呢樣嘢就係巴士公司一步步侵犯員工私隱同減員工福利


病咗點休息又關巴士公司事
以往晒證無限搭
大家通常都俾埋同行嘅人上車

改八達通一排
就即刻出通告話一張證一個人用
而家直頭話疑似限次數
再搞落去隨時唔駛十年冇埋乘車證

巴士公司一面話請唔到人
跟住自己走去連啲零成本嘅福利都要cut

053h4 發表於 2017-12-4 15:18
病拎錢你有權放病假，公司亦有權查你有無濫用

https://www.hk01.com/港聞/52995/車長被指-呃病假-遭炒-揭新巴疑擅取員工八達通資料掌行蹤

員工冇同意過喎
再唔係，巴士公司如果話要俾公司睇紀錄先可以攞證嘅話
員工有得say no咩？

其實九巴要查一定查到，如果唔系太過份點會無緣無故收起你張卡，而事實就系有濫用情況出現！

其實咩係商業活動同濫用呢啲根本好難界定，簡單講就龍門任佢搬
例如個家屬返工期間要搭車去唔同地方，無貨無盛，咁呢個行為係咪商業活動？
又或者成日搭一個站就落，咁樣又算唔算濫用呢？

即係咁講, 本身轉八仔職員證之後, 九公司亦試過叫站長或維記抽樣拍卡確認方向同收費正確,
已可見八仔有另一用途

都係果句, 如果正當使用係冇問題, 假如巴士公司需要收緊用證條款, 有責任通知持證者,
當白紙黑字寫清楚, 又唔見龜記限制員工使用機快同過境車程有人嘈
再者到現時為止, 九公司都冇證實真偽, 只靠 so called 工會人士同 whatsapp 相傳,
可信性幾高呢到底

家屬放假唔使返工周圍去，於是一日搭多過8次，要收證，根本就唔合理。

有免費乘車證既，部份路程當然會變左搭幾個站就落車，放假狂搭車有幾奇？

拾顓豭 發表於 2017-12-4 19:50
即係咁講, 本身轉八仔職員證之後, 九公司亦試過叫站長或維記抽樣拍卡確認方向同收費正確,
已可見八仔有另一 ...

可能﹐真係有人被捉到濫用得好緊要﹐比人提點之類。(甚至可能借証給予其他人使用斷正)


但係個別事件就講到要全部人都要大幅收緊﹐被誇張化了。



九巴一日未出聲証實﹐此時此刻好似又未見報﹐成件事根本無法引證是否大幅收緊家屬證的使用限量。

有更多資料再討論這個安排是否合理都未遲。