[無人提？]明報：九巴拒加薪 工會威脅罷駛 明決定是否按章工作 新巴城巴或跟隨

整個載通國際2005年純利有5.94億，數字雖高，但其實比2004年o既7.44億下跌兩成。

以司機角度o黎睇，目前香港有1.9%通漲，而且本港各大公司今年平均都3%人工加，面對
凍薪有不滿實在好正常。一次個派$250實在得啖笑，如果一位司機月入$12,000，十三個月
糧，咁呢$250只等於一年0.16%加幅。響通漲之下，呢位司機一年變相唔見1.74%。

但響九巴角度o黎睇，佢又有一本難唸的經。載通去年響人工方面支出近三十億，如果成個
集團好似其他大公司咁加3%，咁九巴一年就唔見一億，等於純利再跌17%。

純利連續兩年有雙位數字下跌，我睇John Chan都唔駛撈。何況做巴士唔係一定穩賺，而且
投資巨大，九巴幾十億資產，一年賺五六億真係唔算暴利。而且呢五六億唔係由一個人賺
晒，好多小股東(特別係鍾意買公用股o既老股東)就係靠呢少少股息幫補家計。

其實問題唔係唔可以解決，只要俾九巴調整一下車費就得。面對通漲同人工上升，我覺得
俾九巴加少少車費(如2%)都好合理。不過，現實係雖然有可加可減機制，但如果九巴而家
申請加價，我估議員一定鬧死。

政治環境唔容許加價，拎錢出o黎o既股東又需要回報，結果就只有犧牲工人。我成日都話
，如果我係九巴，將o的地賣晒之後，不如交番個牌俾政府，然後將o的資金拎去做其他生
意仲過癮。

但對上果次加人工都係加左好少,好似得1 蚊(日薪)..月薪就好似得5 毫
其實九記真係要加番D 人工啦....成日都用D 籍口CUT 車CUT 人CUT 補水,另外又以一個講都唔信的工資請新人黎慳一筆...雖然賺5 億同賺7 億差2 億....以而家咁的市場真係幾難搵番果2 億...但都唔應該用前線員工祭旗...話哂都同甘共苦左咁幾年

回樓上版友....按章工作即係好似新城之前咁....應該行50 既行50...站站停,站站開哂前後門等幾秒先開車

做運輸呢行有得你加人工都
偷笑

原帖由 238X 於 2006-6-14 20:12 發表
基本上，我覺得九巴話自己乘客量跌係
咎由自取，唔係好值得同情。

好多線又慢又疏又貴，有 D 線只要改一改、
加班、加分段，賺多 D 唔係問題，偏偏九巴
鍾意趕客搭紅綠小西鐵地鐵，又聽政府話，
自然會客量 ...

同埋九巴賺少左唔係員工的錯,
係佢的路線定線和經營態度有問題,
從來唔覺九巴有反省一下為什麼有些
路線會客量下跌, 商討對策挽救,
淨係一味減車減班,
佢沒落的路線可以咸魚翻生真係少之有少,
咁攪法想賺多些都難0拉 !

原帖由 PB602 於 2006-6-14 21:43 發表
純利連續兩年有雙位數字下跌，我睇都唔駛撈。何況做巴士唔係一定穩賺，而且
投資巨大，九巴幾十億資產，一年賺五六億真係唔算暴利。而且呢五六億唔係由一個人賺
晒，好多小股東(特別係鍾意買公用股o既老股東)就係靠呢少少股息幫補家計。

其實問題唔係唔可以解決，只要俾九巴調整一下車費就得。面對通漲同人工上升，我覺得
俾九巴加少少車費(如2%)都好合理。不過，現實係雖然有可加可減機制，但如果九巴而家
申請加價，我估議員一定鬧死。

政治環境唔容許加價，拎錢出o黎o既股東又需要回報，結果就只有犧牲工人。我成日都話
，如果我係九巴，將o的地賣晒之後，不如交番個牌俾政府，然後將o的資金拎去做其他生
意仲過癮。

睇見呢種言論真係令人黯然神傷......逐一簡單回應：

1.好幾位站友都講緊"股東交代"，但究竟有冇諗過股票唔係剩係睇"bottom line"。否則每間
公司公報完業績，股價大升大跌一日後，就可以半年冇起跌啦。股價一樣要睇業務前景，
甚至"炒概念"，John Chan帶到公司去大陸發展搵錢，股價自然會升。一間公司如果年年都
有罷工，即係唔係一間"良好管理"既公司，投資者一樣會有戒心。

2.講左好耐好多次，如果佢而家加價，即係當年佢通縮時冇減價係不合理。

3."結果就只有犧牲工人"：而家做生意唔係咁做，呢樣叫做"剝削員工"，幾十年前可能得，
而家..........。仲有呢種思想，打工仔就真係慘。

原帖由 pochi 於 2006-6-15 14:39 發表
2.講左好耐好多次，如果佢而家加價，即係當年佢通縮時冇減價係不合理。

唔係話幫住九巴，而係呢個行業根本無得同出面比。香港做生意最大成本
係租金同人工，但當年通縮時，九巴無減過現有司機o既人工(中間仲加過)
，而且租金大降又唔關佢咩事，英國佬又唔會因為香港市道唔好而平o的賣
o的巴士同零件俾你，油公司亦唔會唔加你油價。

雖然新入職司機人工係低o左，但九巴流失率唔高，你睇番九巴盤數，即使
香港最差o既03年九巴o既經營成本都無咩點降。反觀沙士時要大量收車，
收入下降，機場線更加蝕到七彩，你叫佢當年點減價？

九巴有John Chan日日係道搞搞震
又搞歐四 - ISO --再搞大陸--廿又點..D服務又係一日不如一日
成日話成本上升--搞小D野---可以減彽成本

最好罷駛 --我望九巴結束
不過工會廢廢地--次次話罷駛
香港人--「廢」

港島城巴下周五罷駛

http://www.mpinews.com/htm/INews/20060616/gb51953c.htm

睇黎係迫城巴回應
我相信罷駛最終不會發生

原帖由 ahbong 於 2006-6-16 20:02 發表
港島城巴下周五罷駛

http://www.mpinews.com/htm/INews/20060616/gb51953c.htm

睇黎係迫城巴回應
我相信罷駛最終不會發生

九巴、龍運會否響應一同罷駛??