九巴新車車頭唔裝除霧器,慳皮大個天!?

安全硬件都 cut

炒咗葵青區策劃部條友已經慳唔少啦

吹車外風一定無咩用....只係強行溫度平衡就唔結水

車內吹冷風定熱風都有用，都係靠吹

問題係唔夠風力都係無咩用....冷氣無辦法將車內濕度降低，長途不停增溫，更易結水....

加上車頭撞冷風，溫度更低....外國好凍既地方甚至要用到發熱線去解決問題....

今朝搭小巴險象環生，全車玻璃白濛濛一片，仲要在高速公路飛馳

所以九巴聲稱以客為尊,但安全硬件又唔肯加落車度咁班車長未日日爆哂粗,而家仲新請時薪車長

新城情況係點,我唔清楚,無從判斷
其實開水潑清d霧有無用?定愈開愈衰?

ATR83 發表於 2018-1-31 20:43
所以九巴聲稱以客為尊,但安全硬件又唔肯加落車度咁班車長未日日爆哂粗,而家仲新請時薪車長

新城情況係點 ...

啲霧喺入面，開水撥冇用

其中一個解決方法就係令到車內空氣變乾燥，冷氣應該有抽濕嘅作用，但係咁大架巴士，要抽乾晒啲濕氣談何容易

另外唔知乜嘢原因，舊曲梯車比較少起霧

neoplan720p 發表於 2018-1-31 10:27
其實而家黎黎去去的新車都係MMC同B9，而呢兩款車新城都有買。

咁而家新城呢堆新車有無遇到呢個問題？

三巴就算買同款車仔細規格都經常有唔同，
之前新聞有講新城新車係無取消車頭暖風裝置，所以無呢個問題。

但好似話最新既 MMC 都已經同九巴睇齊？

其實要車頭唔起霧，有幾個方法
其中一個就係死吹爛吹，不停吹風落去，等啲水冇辦法起上凝結出水點。有冇熱風都冇咩所謂，熱風只係多一個好處就係等嗰度嘅環境更乾燥，更難出水點。如果部車擺番咁上下時間入面起曬霧，熱風係會更快除霧，因為熱風有energy促進咗水點做蒸發過程。

不過熱風嘅作用只係除霧快咗，維持唔出霧就冇咩作用，因為想唔出霧就係唔好畀水點凝固上玻璃，熱風唔會幫好多，但有熱風的確係穩陣少少，但重申多次：冇熱風吹用涷風都冇問題，效果一樣

基本上死吹爛吹就得㗎啦。以前咁涷嘅天氣搭旅遊巴，問過司機起霧要點搞，佢話搵風吹佢就得，不過因為旅遊巴就冇獨立吹風機，要用冷氣嗰把風扇，結果搞到成車人都好涷

用防霧液的確係可以解決呢個問題，但價錢就真係有點貴，而且唔一定用佢先唔會起霧，所以人地都推薦就咁吹風就得

唔想用防霧液又唔想吹風，是但搵啲有油嘅嘢或者抗水嘅嘢茶上去又得，你走去買隻雞脾然之後將隻脾hi完成塊玻璃搞到成塊都係雞油先食都得(咁樣食完會唔會肚痛我就唔知啦)

各位有興趣嘅朋友可以睇吓呢條片，美國有人拍過片講呢個問題：https://youtu.be/qCmgWiEEZwA

依家各大公司都有防霧風機，不過就冇咗發熱線咁解(好似係，唔知有冇記錯)，就咁吹塊玻璃，理論上唔會有問題，不過都係要睇個風機有冇行到同埋風量夠唔夠，如果風機冇事嘅話好似尋日朝早咁涷都冇問題，用防霧液可以話係後備方案確保唔會起霧，但其實用風機死吹就得

而且發熱線要錢，畀我揀都唔要，叫佢吹風等吓把啦，還掂都冇咩影響

同埋有啲師傅都會開細細隻窗，都有助防起霧，原因就大家睇咗條片就會知

利申：DSE PHY 4

冇記錯嘅話九巴好似有自動恆溫系統，外面凍車箱就暖，甘樣應該都有助防起霧。

HKI 發表於 2018-2-1 02:13
冇記錯嘅話九巴好似有自動恆溫系統，外面凍車箱就暖，甘樣應該都有助防起霧。 ...

內外温差大就會起霧，同有冇恆溫系統無關，反而有冇防霧裝置先重要

今晚坐九巴一部facelift(非紅巴)，見到司機有開車頭風機，而車頭近錢箱位真係有風機聲