出事後雙層難以再現?

自從LX9991果單野之後九記會唔會落禁令只淮單層行872?再過一排等件事淡左之後先派返雙層。
但有左872X之後客量應該大不如前,真係單層都載得曬。

其實有872X唔係仲好咩
多d人搭，又快回車

Lelouch 發表於 2018-2-20 22:53
其實有872X唔係仲好咩
多d人搭，又快回車

根本晨早就要改行吐露港啦

JH3666@71K 發表於 2018-2-20 23:31
根本晨早就要改行吐露港啦

872 號線如果在1970 年代已經開辦，即係開線時未有吐露港公路, 只能行 "舊路".

之後吐公通車後上面亦都可能比較少諗起872 要改, 直到出事後才格外 "關注" 呢條線。

呢次特事特辦搞提速 (可能已經在議會為事件call meeting 時順便講咗一聲吧), 應該都冇人會在傷心事上搞事質問路線改動吧, 反正亦有一兩班行舊路。

JH3666@71K 發表於 2018-2-20 23:31
根本晨早就要改行吐露港啦

可能係今次意外帶來的唯一好處。


PS. 根本係司機本身問題﹐與路線及車輛本身無關係。

PS2. 司機之前已經做過同一條線﹐有無做路線實駕訓練﹐又有什麼重大關係? 唔通一個有車牌的人(任何類別的車輛)﹐未有高人指點的情況下﹐就不可以獨自駕駛某一些道路?  司機係唔係應該有常識知道 "車速與路面" 要配合?

D人玩到出曬面
經過呢單野比人整頓下都好嘅

lwb701 發表於 2018-2-21 10:29
D人玩到出曬面
經過呢單野比人整頓下都好嘅

又公平D講..今次單野, 原因其實唔關管理不善定係車長係咪兼職, 甚至當中有冇中層人士有心玩野亂派車..

單意外擺明就司機駕駛態度問題大於一切...

只係..各方勢力都想借今次事件大造文章去達成自己背後想達到既目的..

全職車長就怨兼職令佢地人工議價能力減
有部份社會人士就借位炒作關心社區
有部份前線就唔妥班管理層好耐..
班管理層又唔妥下面部份老鬼一段時間..
部份老鬼又唔妥上面空降人士一段時間..
部份人士唔妥巴士迷
巴士迷間又唔妥一D較出位既巴士迷..

基本上大家做既都係..借位炒作以達成自己自身目的...

呢場大龍鳳角力, 仲有排玩...

053h4 發表於 2018-2-21 11:41
意外有遠因有近因。
唔可以忽視管理問題只歸咎於個別人仕駕駛態度。因為管理及監管目的就在於發現及管理潛在風險。
另外，其實大埔道等同南風道，如果有相同線行公路，咁大埔公路的巴士線需求就會急跌

單從呢件意外看來, 其實兩者係咪真係有咁大關連? 我有保留...

因為管理不善而導致呢單意外? 係咪車長入職要CHECK EQ? 唔通真係要好似之前話事解, 個個車長戴條HAND BAND監察佢地既心跳正唔正常, 有冇發脾氣?
由始至終傳聞既遲左開車都冇人證實過....鬧車長既事更加係不了了之... (咁呢個亦唔係管理問題掛..係D客既素質問題)..
話太多巴士線無需要地行大埔公路所以出事? 唔好玩啦..其實多極有限者..條路未炒車時又唔見有人話巴士行個度有危險? 又咪係一班提速派想借故掟D線落吐公者...

唔講呢件事, 九巴有幾管理不善就你同我實知啦...

所以咪話, 包括呢度唔少板友, 其實好多既言論, 只係將平時對九巴不滿一鑊過轟出來者...真正同件意外有關既論點, 其實唔多..