是次調整用多九巴億幾？

053h4 發表於 2018-2-24 07:57
http://gia.info.gov.hk/general/2 ... 1_1508913615142.pdf

唔係全部都大部份lor(個數應該計埋兼職半職 ...

既然你咁多資料，麻煩你答一答，點解舊補水計法個分母係300，新計法個分母係240？
如果將分母視為每月工作時數從而得出車長時薪，
以一個車長每周返6日計，未改前九巴已經預計車長平均每日工作11.5小時？
但最終車長平均每日工時只係9.9小時
是否代表一開始九巴就向到搵車長笨呢？
究竟呢個分母係點得出黎？點解要改？係咪變相承認一直搵車長笨？

月薪車長既月薪究竟包左車長每月或者每日幾多個鐘呢？
再根據你既圖表，九巴總車長人數係7800，
但2016年年報話8600人，咁相差個800人去左邊？

根本而家有啲嘢就係本末倒置咗，點解要日日加班先叫正常？
又點解咁多人想搏補水？

另一方面，話多人鋤假，點解會出現咁既現象先？
大時大節得嗰雞碎咁多津貼，有冇誘因吸引人返工？
又唔見人地龜鐵啲車長走去鋤假？

Quanta 發表於 2018-2-25 01:40
工會班友就梗係想日日唔駛做有錢收啦
市民喺佢哋眼中係咸魚, 任佢哋劏架嘛

但事實上咁既優化又唔係好改善,但難免令大部人都覺搵苯

AV385 發表於 2018-2-25 04:27
既然你咁多資料，麻煩你答一答，點解舊補水計法個分母係300，新計法個分母係240？
如果將分母視為每月工作 ...

愚問而家係米日/月薪車長工時都係9小時, 其中包含一個小時食飯

ME9661 發表於 2018-2-24 17:03
愚問而家係米日/月薪車長工時都係9小時, 其中包含一個小時食飯

我都想知，最想知點解要改個分母，意思係咩？係咪暗示左一d野但冇講清楚


其實好多野都唔係咁清楚，例如而家表面上加左$50
但運吉講到明要減工時，一加一減人工真係高左？
如果一加一減打個和，六月個加薪又會發展成點呢？
係真加薪定只係跟返大圍環境加呢？

如果呢一刻就講九巴係真加人工，
分分鐘去到六月佢話今次已經係真加薪，六月只係跟大隊加
下年再跟運吉指引減工時，到時市民以為車長係已經真加薪，
但實際上車長人工又冇加過，市民甚至會覺得車長得寸進尺，車長到時就更慘

冇錯，巴士公司係拎多左錢出黎，呢一刻亦真係落左現職車長袋
但到減工時既時候，cut既必定係補水時間，到時d錢就唔係落現職車長袋
係用左黎請人頂呢d被縮既時間
所以好多野未肯定同搞清楚之前，我唔會視之為加人工囉

回覆#5，#12
似係於僱主角度保持
「彈性」到日後更多鐵路
通車或經濟下滑時,可以說
只係減去「加班」而非底薪。

「預設加班」而看似收入
穩定咗(銀碼實際變化不大)
都唔係運輸界獨有嘅支薪模式
而且其他回應都提出,如果直接
加底薪,連同病假/有薪年假嘅支出
會大幅增加,故以「津貼」「補水」
嘅做法其實好常見。

尤其是後者情況
可能整體巴士服務
未必顯著萎縮,但係
一旦出現人搵工嘅情況
大可以表明某個時間後
入職行新制,無論每天工時
幾長均不以補水計算,造成
一廠N制,令員工無咁團結。

日薪(舊制)同月薪(新制)
唔係無辦你睇,僱主等候咗
呢類經濟下滑嘅機遇好耐…
而家就希望捱到咁嘅一日…
明明營業額唔係差,但就可以
用低價請人。

053h4 發表於 2018-2-25 09:33
你估用營業額差時重會請咁多人咩。巴士長遠需求係減少，年長車長撐場的日子重有一日完結。

而就係因為鋤 ...

就係唔直接加底薪
到需求低時自然流失
已經可達到目標啦……

仲有舊制日薪已經買少見少
可見整體服務品質將每況愈下