樓梯位設有玻璃的Wrights車身巴士

樓梯位設有玻璃窗近期成為香港熱話 人地外國有玻璃窗樓梯巴士出到街之際,香港方面會唔會封左先出街? 另外,仲有一個話題就係女士著裙行呢類樓梯會唔會走光?個人認為:外國都未有人出聲(有都應該好小),驚嘅可以貼磨砂貼紙就可以解决啦~

上次SD9537咁樣一塊玻璃仔都唔得，對於今次成條玻璃樓梯真係不敢抱太大期望，如果要貼磨沙貼紙，我情願貼單面鍍膜，起碼入面仲可以睇到出面外國未有人出聲啫，香港有個建制政黨會出聲嘛

其實上次SD9537點解唔批准要封返塊玻璃？

053h4 發表於 2018-3-2 20:59
玻璃成本貴過鐵皮，而且香港太陽咁猛烈，樓梯位無需要搞呢D野

但樓梯間可以透入多D光，減少同外間隔絕的感覺，總比樓梯間氣氛總係陰陰沈沉咁好好多吧?
香港人平時生活壓力咁大，更加應該接觸多D陽光"充電"，而唔係成日搞到陰陰沈沈咁，『常合上難怪不見光』架嘛

講返走光問題，我又唔覺得會係太大問題，否則香港有咁多玻璃幕墻的建築都中曬伏啦
又講到好似香港所有男士都係色狼咁樣
如果係比人長時間坐住停留個D地方（如M記）對正住有落地玻璃窗，被視為走光黑點仲可以理解
但巴士樓梯間係俾乘客上上落落，起碼唔係for人長時間停留個D地方吧?
僅僅因為會見到女生的裙腳位=走光黑點，按照尼種邏輯咁點解唔索性立例禁止男士直視女士?或者學伊斯蘭國家禁慾，規定男女都穿長袍?真係笑大人個口囉
不過講返正題，如果真係驚尷尬，可以改良一下設計，將窗台稍微加高一點剛好遮蓋到女士的裙腳位的位置，就可以防止走光