布牌鷹在中環華富的最後穿梭 - DA43 @ 4X (29 Mar 2011)

七年前的送別仿如當天一樣, 呢架布牌鷹 DA43 在同批中有與別不同的歷程,
少數在中巴果陣長掛區內線595 (而新出佢有做 504 / 537);  
唯一 FT 牌可以在98年在黃廠驗車, 亦係最後一批可以在黃廠驗的冷馬,
(另有VA48 都係, DA6 都好似係, 但佢在門位出面印的限額係藍色)
亦係唯一 FT 牌 DA 可以在黃廠裝修新巴內籠.....
佢亦係在 DA中最後一批上新巴色 (1999年中先髹上),
入新巴後, 佢有機會周圍走.....

入新巴後, 我坐過佢做38, 跑香隧好爽呀!~~
千禧年秋天我坐佢做970, 下層車頭玻璃換左密封,
出西隧後更越過前車 DA36 (果陣 DA36 好野來),
令我愛上佢, 亦開始留意佢, 果次坐佢做970, 無左車長名牌,
在車頭入面車號右邊印有 "98-6.R" 的字樣, 直到年尾入黃廠裝修為止....
架車在2001年初復出, 轉眼就12年, 就到佢最後服務......

Last day: 4x 華富 -> 中環特快 -> 華富
佢係 Last day 前三日做590, 在海怡私牌, 之後無出車消息,
五年前的尋日, 我剛岩要清年假, 就在下午過中環交廣望,
突然見到 DA43 車尾顯示 4X 牌, 就即時上行人天橋,
再跑去恆生由上影, 再過馬路, 終於追到, 架車表現同從前無分別,
都係一樣的爽, 坐到佢返華富, 就落車留影, 再影佢梯位入站,
影埋佢在華富南入面, 見到架車由 DA53 尾日車長接左,
就再影佢出站, 就再通知戰友一齊於放工時間一齊送別......

放工時間的相下面再貼, Stay tuned~~~

當晚通知我友好後, 就在交廣再上車返華富, 車長亦特意在尾單都轉牌, 顯示 "中環特快",
我地都趁開車前都影下佢內外, 開車前同車長吹水, 就係上次 DA53 尾日4X 果位,
佢當時都為好多架F牌布牌鷹埋尾, 好似第一架退的 板友車 DA54,
同埋之前分享的 DA47 都係佢拉上天台封車,
今次的 DA43 係佢下午被安排由黃廠拉出來做, 亦有幸去閉幕.......

轉眼到4X 尾班開車時間, 就靜靜地最後一次聽佢澎湃引擎聲上落薄扶林道,
過信德之後就攪 "華富邨" 牌, 中間果陣交廣車頭相其實係尾二單果陣影,
只係為左跟路線途經次序而擺中間, 回程亦係佢最後一次行走大道西,
上李陞小學, 再上落薄扶林道, 每次架車中門關上警告聲亦難得清脆 (3, 4 聲咁好爽快)......

到晚上九點, 返到華富南, 就係架車終結之前, 見到架車車頭的暫時服務牌,
即係架車要踏上歸途. 當晚氣氛平靜, 我同友人亦把握最後時刻去影,
不久車長為全車熄燈, 再渣車出站返廠榮休, 結束 DA43 光輝一生......

當晚送別亦令我憶起佢新出頭兩年做504 / 537 由灣仔去華富的光境,
亦在中巴後期 做區內線, 可能因為咁架車底子較佳......
最後一程都返回新出的活躍區, 亦係完美終章........

三年後, 同一更就派左水塘豪 VA41;
4年後的2015, 送別神鷹全是歐一電牌,
貼文當日就係4X 最後一次用2手車埋尾的日子, 轉眼就三年,
按下重溫 DA85 尾日 4X 的分享:
http://www.hkitalk.net/HKiTalk2/thread-964316-1-1.html

長文分享完, 多謝點閱.....

用呢批車就真係做到中環特快
呢批車真係好爽