[多相 (12 + 5 pics) + 長文] 願你當夜別離去 - DA85 最後一單 @ 4X

去年復活節前夕 (4月2日), 係新巴歐二換牌鷹 DA85 最後一天行走的日子.
亦是 華富-中環 4系線 最後一次用前中巴二手車來埋單的一日.
這重任很榮幸落入換牌鷹 DA85(BJ6626) 身上, 舊車牌配老牌屋村, 別有一番滋味在心頭...

當日佢被編配穿梭華富邨至中環的 4X, 中間跳去4號, 再在晚上近八點跳回4X 做 8: 20開的尾單......

我返工果陣在天橋上見到 DA85 做4X 滿座上斜, 就坐其他車去中環, 過山道天橋見到佢,
之後在 IFC 落車影佢門位 再返工...

在放工後坐車去蒲飛路,等左一陣架車就到, 便上車享受回味一下...
(*DA85 出牌頭數年都係俾東區, 千禧年後 - 應該係換電牌後先長期行南區線)

架車其實好一般 , 但因有塞車, 車長都盡力追回因塞車而廷誤的時間, 冷氣都涼........
終於在晚上近8點返華富. 之後車長按下 4X 電牌, 在晚上8:20開出佢最後一單
我再上車後打電話通知兩位行家去按時上車. 佢地分別在瑪麗同中環登上這最後一單,
一起見證DA85 在港島區的 最後時光.........

梯位廣告亦有金句王黎明的肖像伴架車走向終結,
估不到一年後(今年)佢可以真人踏進中環碼頭地帶開 SHOW, 帶各位回到那些年....

回正題, 做完尾單後, 司機按下"暫停載客"牌 離開華富總站回廠
回廠後, 佢被拉上黃廠天台; 第二日到附近睇廠頂, 佢同DA88 都在同日泊在天台 -
佢地都係在紅日到期, 依黃廠慣例, 係不會出車 就知架車已不再行.
估計佢在尾單回廠就被通知不用補油, 終其十七年多的載客生涯......

三星期之後, 佢同DA88 都被拉落鴨橋底停泊, 等被拖走....
(架車車頭車牌同編號, 同埋兩邊新巴LOGO 字樣都被塗去)

自那次之後, 再沒有二手新巴 , 3A黨 在最後一程行走4系線....

回到多年前, 新巴4系線在2001年用過雞車 (LV5)走最後一程,
轉眼到2011年, 我生日當日(2月)起, 4系線 (特別係4X) 尾班車偶而會安排尾日車行走...

當時 到期的 全是 第三批 (布牌) 鷹, 有 DA53同埋三月尾埋單的 DA43,行走的4X尾班 都安排同一位車長操刀.
我都有約上後所述的其中一友伴一齊見證佢地最後一單......
最後一架埋單(布牌) 鷹 DA49 在到期的早上都做左三單4X (尾果單中環收)(但下午就拉去海怡做595來往香港仔)...
(容後再分享)

過三年後 (2014年5月19日), 4系在下午突然被派出水塘豪 VA41 做 佢最後服務
到去年三月, 4系都獲派尾日的歐一電牌鷹 DA80-82...,
在DA81/82 埋單前一兩日4X 尾班更臨時由42拉架前銀豪 VA58做, 方便佢早過12點收工
( VA58在當日到期, 已做Training Bus, 都係容後再分享)

說真的 新巴冷鷹是我的良伴,到現在我還很懷念 DA 周圍走的時光,
現送上多張DA85 做4X 同埋退役後的相懷緬一番......
(除第一張不是尾日相, 其他全部在尾日或之後影)

最後, 送上黎明的舊歌做總結:

<願你今夜別離去>
多少個夢已累  多少次再失去　
是你伴我渡過了最空虛

願你今夜別離去　在我依稀的愛裡
那一刻美麗是錯對　不管有沒有允許
願你今夜別離去　但你匆匆的告退
那披星戴月前塵裡　為了伴著誰

The End....歡迎大家跟 DA85 的相....
(UPDATE: 加左 DA85 在同一總站 的相 與 DA89 同埋 尾日車 VA41 合照)

上文提到 VA41 在尾日都係做4X, 尾單收工後 10分鐘 DA85 剛好入站,打出 "黃竹坑車廠" 電牌,
同 VA41 打出的終站 "創富道車廠" 成有趣對比

之後VA41 回廠, DA85 再入坑後面, 就影左數張...

車內車頭車號字體轉左, 不再是紫色......

加番張 DA85 尾日返廠前同 DA89 合照, 後者同樣在華富埋單, 不過上一點.....
DA89 尾日相請 CLICK下面 LINK
http://wwww.hkitalk.net/HKiTalk2 ... tra=page%3D1&page=1

有空再貼 VA41 尾日相.....