【消息】沙中綫東西走廊已定名為「屯馬綫」(TML)

20160424 發表於 2018-5-25 22:32
都係果句，東鐵一詞係建基於西鐵，既然西鐵已不存在，為何要留低東鐵？
...

我覺得只係班人未商量好東鐵線要改做咩名
以MTR「去九鐵化」嘅性格，唔會由得「東鐵線」呢個名長存嘅

淨係「東北線」都諗得過啦（新界東北嘛）
「沙鐘線」、「北鐘線」食字又得
「北沙線」（北區至沙田出入市區）都講得通
要屯馬style講兩邊目的地仲有「深鐘線」、「羅落鐘線」......

其實嗰啲夾硬要把現有路線改名做點對點嘅人有無諗過呢條鐵路同以往嘅鐵路有咩分別? 一般而言, 香港核心CBD係指緊港島北岸(舊維多利亞城)同九龍半島(特別係油尖旺), 以往鐵路鋪設係由一個非CBD地區駁入CBD, 所以就以另一端命名, 所以有荃灣線, 觀塘線, 東涌線 同將軍澳線, 南港島都係類似情況。 東西鐵係另一套系統, 因為九廣鐵路起, 所以一條叫東鐵, 一條叫西鐵, 馬鐵係匯入東鐵嘅支線, 所以合併叫馬鞍山線都係同樣原則。 但"屯馬線"係香港第一條鐵路兩端總站都唔係以傳統CBD地區作為總站嘅鐵路, 而係穿過市區, 駁住兩個住宅區, 所以以往命名方法唔啱用, 咁以兩端各取一字可能係最好嘅方法, 雖然屯馬線個名係唔好聽, 但可能呢個方法係最清楚

20160424 發表於 2018-5-25 22:32
都係果句，東鐵一詞係建基於西鐵，既然西鐵已不存在，為何要留低東鐵？
...

連接新界東既鐵路叫東鐵有咩問題?

Snoopy@FB8617 發表於 2018-5-28 19:09
連接新界東既鐵路叫東鐵有咩問題?

最主要嘅問題就係連接新界更東嘅係馬鐵同將軍澳綫而唔係東鐵

sancouve 發表於 2018-5-28 19:55
最主要嘅問題就係連接新界更東嘅係馬鐵同將軍澳綫而唔係東鐵

原來新界東既最東部先有權用個東字?

Snoopy@FB8617 發表於 2018-5-29 10:37
原來新界東既最東部先有權用個東字?

又冇話唔俾嘅

始終香港係個大城市，本地人知道咩事之餘仲要照顧埋遊客；尤其是而家嘅情況，個名有些少唔導已經即刻會有人嘈，所以改個好啲嘅名都少好多麻煩

最後，我哋嚟呢度都係想輕輕鬆鬆咁傾吓啫，唔需要一下子就用咁強烈嘅語氣嘅

東西線>啟德線 南北線>沙田線 南港島線東段>海怡線 西段>華富線

053h4 發表於 2018-5-29 12:31
遊客係事少, 因為其實好簡單, 好似深圳咁用括號寫名係原東鐵線就得

最大問係係港鐵系統所有涉及東鐵的指示 ...

換指示牌只係日常維護黎，唔可以因為有成本唔去做

sancouve 發表於 2018-5-29 12:16
又冇話唔俾嘅

始終香港係個大城市，本地人知道咩事之餘仲要照顧埋遊客；尤其是而家嘅情況，個名有些少唔 ...

問題係東鐵叫東鐵係唔係真係有誤導成份先?
你可以從方位上話佢唔夠其他兩條線咁東
但唔等於佢冇向過東走
無理由所有野都要係方位既盡頭先可以用得上東南西北掛...

同時間我亦可以話佢係去新界東所以可以叫東鐵
咁又有無誤導成份呢?

如有冒犯我係到講聲對唔住
不過反問一下亦唔見得語氣有幾強烈