MTR若興建荃沙綫對撼九巴，勝算能有多大?

咁不如起 上南線：上水 <-> 大埔 <-> 沙田 <-> 葵涌 <-> 南昌
北面做東鐵複線，南面打通新界東西交通

shing2664 發表於 2018-5-17 22:26
同埋港鐵經常被指獨大，九巴在某些地區佔著獨市位，點解仲要扼殺佢既生存空間呢?
...

如果MTR係憑自身優勢寡頭壟斷市場，咁係冇問題嗰喎。

正所為適者生存，弱肉強食，

香港係自由經濟市場，競爭力弱而被淘汰，喺商業世界乃正常不過之事。


何況公共交通係應該以大眾利益為第一順位，冇理由為左巴士公司利益，犧牲市民福祉。


當年巴士公司開辦多條過海隧巴線，搶走渡輪唔少客，條數又點計?

巴士又算唔算係扼殺其他公共交通工具生存空間?

ryulky 發表於 2018-5-17 23:01
我去羅湖都係被迫搭港鐵, 係咪又要開條巴士線去競爭?

你個構思要實行, 起碼要大圍同荃灣做到中環同尖沙 ...

http://www.hkitalk.net/HKiTalk2/forum.php?mod=viewthread&tid=1063712&extra=page%3D1&page=1&mobile=2

之前已經有人提過羅湖口岸引入巴士路線，但具體可行性就另一回事。


唔見得新界東<>荃葵嘅需求，會低於新界東<>尖沙咀/中環等商業中心區。

新界東城隧線嘅數量，不少於過海隧巴線。

香港黃毛小子 發表於 2018-5-18 18:14
如果MTR係憑自身優勢寡頭壟斷市場，咁係冇問題嗰喎。

正所為適者生存，弱肉強食，

呢個post前面版友已講MTR對隧巴可以話冇咩影響，問題係港鐵計過條數，冇咩效益就決定唔興建了，如果講速度，咁電車一定輸蝕了，但電車，巴士，小巴可以打價錢戰
同埋如果你要講渡輪，又唔講MTR，只講巴士?

shing2664 發表於 2018-5-18 18:59
呢個post前面版友已講MTR對隧巴可以話冇咩影響，問題係港鐵計過條數，冇咩效益就決定唔興建了，如果講速 ...

唔知你係咪講緊24#/35#，但我已有回應過(31#/39#)。

怒我直言，其他人嘅講法唔一定啱哂，攞一個人嘅意見作為事實代表，係武斷嘅做法。


電車對比MTR有廉價優勢，唔等於巴士都有。

假設MTR落實興建荃沙綫，

基於東鐵綫廉價優勢，沙中<>荃葵分分鐘平得過47x/48x/49x，但就可能快10mis以上。

馬鐵綫都唔係話貴，最多可能只係貴40x/46x/47x幾毫子，但就可能快15mis以上。

以此情況黎睇，巴士對比MTR係處於下風。


53#我嘅意思係，

公共交通應以公眾利益作為第一考慮點，冇可能為左巴士生存空間而犧牲市民褔????，呢個先係重點。

香港黃毛小子 發表於 2018-5-18 20:03
唔知你係咪講緊24#/35#，但我已有回應過(31#/39#)。

怒我直言，其他人嘅講法唔一定啱哂，攞一個人嘅意見 ...

呢個post主流既意見係暫無需要興建，而家某d人反而認為一鐵獨大，之前我也說過了，同埋之前某版友說要填平金山，你估咁簡單?那裡住了一群猴子

shing2664 發表於 2018-5-18 20:17
呢個post主流既意見係暫無需要興建，而家某d人反而認為一鐵獨大，之前我也說過了，同埋之前某版友說要填平 ...

睇黎你仲未明白我意思。

52#我已經講過，如果MTR係憑自身優勢寡頭壟斷市場，咁係冇問題。

即係話MTR憑自身優勢佔據市場大部分(獨大)，係冇錯嗰喎。


仲有，鐵路係可以用鑽挖式隧道貫通荃灣/沙田，點解要填平金山?

38#其中一句係話「鏟平金山起插針樓先養得起條鐵」，冇話過興建呢條鐵路一定要填平金山。

香港黃毛小子 發表於 2018-5-18 20:40
睇黎你仲未明白我意思。

52#我已經講過，如果MTR係憑自身優勢寡頭壟斷市場，咁係冇問題。

你以為咁簡單，唔好咁天真，之前我也說過慈雲山居民爭取鐵路多年，最終也落空，我認為點解石蘺要興建鐵路，慈雲山就冇，而你之前講話青衣南冇咩所謂，點解呢?

shing2664 發表於 2018-5-18 21:15
你以為咁簡單，唔好咁天真，之前我也說過慈雲山居民爭取鐵路多年，最終也落空，我認為點解石蘺要興建鐵路 ...

我認為先搞掂需求大的地區(青衣南,南區,東九,北葵果D)先囉.

樓主以「對撼九巴」作前提難免會令部分站友不快，但如果單睇荃沙本身，要在山中鑽隧道的距離未必長過南港島線好多（假設用地鐵規格，開支亦差唔多），而南港島線大費周章都只係行三卡車。

荃灣沙田之間的客流的確唔少（如果係屯荃沙則更多），東鐵同馬鐵亦將服務範圍拉到大埔同馬鞍山，呢條線如果起得成，客量唔會少過南港島線。如果能夠駁到青衣，則更能提供往大嶼山的另一選擇。鐵路有全空調候車及班次密集的優勢，即使要轉車都未必冇吸引力，到時巴士未必會被打敗，但應該會重傷，開唔到10分鐘以下班次城隧轉乘就玩完。

我認為香港係好缺乏東西向快速鐵路，荃沙係好明顯的gap，東西九龍之間都需要快速連接。講真丫，政府連只服務居民而不經商業區的東九龍半山線都肯做，點解荃沙要打落地獄？