南北綫應否取消頭等車廂?

053h4 發表於 2018-5-22 07:03
Cover唔到港鐵一早取消左啦你估佢開善堂

有得cut既話你唔想cut咩, 頭等tiu以我所知最少10個s10, 加一大堆g3/40+contractor,
唔計背後其他後勤既人, 剩係計你s10既最基本開支, 就算每人只計佢拎接近minimun既16000x10x13=一年連年尾雙糧已經要二百個
除返開,每日要接近5700既收益cover, 當6000啦, 除開亦最少要有12個逃票者, 先可以勉強cover剩係s10既最基本開支, 仲未計其他g3/40+contractor/back up/其他成本
至於東鐵一日有無查中12個逃票者, 可以答你一定有亦都唔止, 但當中有幾多成既人係以op240處理,有幾多case真係有收益, 就閣下自己判斷了

頭等查飛既目的, 絕對唔係為左收益, 而係港鐵在經營頭等上, 是一個無可避免既開支同經營責任, 確保仍然有基本的秩序

mckhgc 發表於 2018-5-22 10:02
管理級/退休管理級會唔搭私家車，只有一條綫有、亦唔一定有位座既頭等對管理級/退休管理級好重要，長見識 ...

管理級/退休管理級既人, 或者叫有資格搭免費頭等既人, 係多到一個點舊制既k記s30(shsm) or above 已經有資格搭, 計埋其他非車務, 例如pj果班, m10更多不勝枚舉
仲要係其配偶子女都有資格搭免費頭等


你話多唔多人搭, 免費頭等呢項福利對坐開既果班高層/中高層重唔重要, 得佢地答到你
但呢項始終係佢地既福利, 點解作為高層要自閹大棚福利 (尤其在m記呢d咁官僚/山頭既半公營機構)   
無錯, 的確係無人知佢地既 既得福利 在買新車呢d大是大非既前提下的相對重要性
所以我只係當呢個係一個內部阻力

053h4 發表於 2018-5-24 12:03
其實論點都幾有趣, 先話福利, 再話收到的罰款唔夠查票隊人工
正常生意人角度唔係頭等幾多人入去坐或企 ...

我唔明我既論點點樣有趣令你一笑置之, 我響#11的回應, 就係解釋你響#9既查票隊開支既質疑, 亦補充查票隊出現既目的
我所討論既查票成本效益, 一直都係從 罰款同查票開支既比較, 順道回應#3 ''$500一位頭等罰款夠出糧比班查票員有突'' 既睇法

我從來無講過, 亦無質疑過從單純既頭等車費收益點樣補貼到所有頭等管理既成本, 你可以睇返前文, 如果你要曲解我講既野或者刺稻草人, 我無野好講
但若果純粹從車費收益既角度去論及頭等去留問題, 只會太過單一, 亦並非m記作為一間咁大間既半公營機構應考慮既單一問題
再補充一點, 頭等福利呢個問題, 牽涉既野實在太多, 合併之時, 有兩個乘車優惠plan 俾ex-k 中高級員工揀, 一係 all mtr network excluding 1st class, 一係 ex-k network+ 1 st class
所有有關頭等福利的改動以至去留, 會涉及好多合併時既制度, 所以要改動, 係存在困難

053h4 發表於 2018-5-24 14:11
港鐵作為一間政府不干預董事會運作的私人機構, 唯一目標就係錢

本人#9的原意係, 頭等額外收入係足以覆藝 ...

港鐵聲稱既九卡化既新車, 可以用速度優勢填補舊車時間差距, 增加載客量
作為市民, 我地無資料去比較/驗證/判斷 唔同方案既優劣, 所以呢樣係後話

或者我再重申, 我從來無對整個頭等服務既效益提出質疑, 我只係提出過 頭等查票隊既效益係唔夠, 但佢既存在係有必要性咁解
我亦無質疑過頭等既收益係m記對頭等去留問題為一個重大考慮因素, 我只係講, 響收益問題以外, 仍然有其他野牽制住頭等去留呢個問題(例如福利)

軒仔 發表於 2018-5-24 14:07
我唔明我既論點點樣有趣令你一笑置之, 我響#11的回應, 就係解釋你響#9既查票隊開支既質疑, 亦補充查票隊出 ...

有趣有趣，員工福利如果揀ex-K network，合併後建成的九龍南線、沙中線計唔計？

其實兩鐵合併都係一個歷史炸彈，倘若2057年有乜依郁，維持現狀、嘔返分家、中鐵吞埋都好，都好多手尾跟。就算舊制退休員工死晒，都重有資產同債務等問題，政府新建鐵路時亦不得不考慮兩鐵分家的可能性，而不能單純從技術角度出發。而家高鐵經營權都係搞到好複雜。

DIH 發表於 2018-5-25 09:10
有趣有趣，員工福利如果揀ex-K network，合併後建成的九龍南線、沙中線計唔計？

其實兩鐵合併都係一個歷 ...

其實兩鐵合併同97主權移交一樣，合咗就好難返轉頭
合併容易分家難，以而家個政府既心態梗係唔去理佢咪唔會有事囉