城巴所有路線已啟用實時抵站時間查詢服務

呢兩晚搭 690 都撞正出「非實時」，
但個「非實時」時間又出奇地神準，就算係到站前 20 分鐘顯示既時間，同架車實際到站時間都只係差 1 分鐘，
甚至試過「非實時」班次行行下出得返距離，我估有 d bug，但其實個「非實時」班次有時都係實時黎。

不過準確度計，真係大巴大巴車落九巴度，
因為九巴搶完頭香，但聯營線個 ETA 到今時今日都仲係垃圾，疏車線港島總站永遠無 ETA，架車行左兩三個地鐵站都仲「安排中」，
最正係自己時段脫班，老屈係人地時段，試過九巴時段中段收到 30 分班，夠膽死前後夾住個「城巴時段班次」，你無野啊？

ATE24 發表於 2018-5-29 22:52
因為 14:49 係九巴時段頭車，所以早過 14:49 o既車請睇新巴城巴 App
修頓未有九巴時間因為九巴時段頭車仲 ...

我係客又點知14:49前係新巴時段, 九龍公司係唔係應該出返「非九巴服務時段」之後先至係14:49呢?

JZ3968 發表於 2018-5-29 22:13
睇開九巴用x分鐘, 一睇新城用時間顯示真係有D唔慣, 下下都要睇返手機時間先知幾耐有車,
希望將來三家統一下 ...

識得睇當然係睇距離倒數

3ASV174 發表於 2018-5-29 23:04
呢兩晚搭 690 都撞正出「非實時」，
但個「非實時」時間又出奇地神準，就算係到站前 20 分鐘顯示既時間，同 ...

你咁樣講，我記起九記初初出ETA嘅時候，有幾次搭681返屋企，check ETA寫「安排中」，我就以為咁啱遇到轉時段所以出唔到ETA，跟著我無聊睇其他港島區站都一樣，點知一過唔係港島區巴士站個ETA就冇問題，真係比佢吹脹。

其實同報站機一樣
一個早早整左冇改善
一個後來但做得完善好多

寧願放錢搞個上層計座都唔肯整好D個ETA
又行返舊路

3ASV174 發表於 2018-5-29 23:04
呢兩晚搭 690 都撞正出「非實時」，
但個「非實時」時間又出奇地神準，就算係到站前 20 分鐘顯示既時間，同 ...

非實時都可以用past history 來推算ETA，個system應該會越來越準
你個case都可能部車載機有時無signal返server

Snoopy@FB8617 發表於 2018-5-30 00:47
其實同報站機一樣
一個早早整左冇改善
一個後來但做得完善好多

嚟緊新城實時系統重有唔少新功能推出。

搞掂ETA之後, 點對點搜尋嘅行程時間會根據實時系統數據實時調整, 依家見到嘅時間只係基於過往行車數據。
不過無論個行程時間係根據實時定歷史數據估計, 新城個點對點搜尋估算嘅行程時間 (包括步行時間和某時段嘅候車時間同行車時間) 都比九巴嗰個只基於全日平均行車時間而且冇考慮班次間隔/候車時間嘅點對點搜尋/ "上車功能" 好得多。

nwfb23 發表於 2018-5-29 10:19
係透過車載機輸入/確認開車時間

另外站友提及新城係有入埋對家班次

我今日Check 690
佢係直接寫下一班嘅九巴班次，之後所有冇Show直接到佢自己頭班車為止

3ASV174 發表於 2018-5-29 23:04
呢兩晚搭 690 都撞正出「非實時」，
但個「非實時」時間又出奇地神準，就算係到站前 20 分鐘顯示既時間，同 ...

尋晚坐嗰架7055@690壞報站，上車前check時間都係顯示「非實時」，上到車就見主機出現企鵝公仔，而個動態顯示屏就貼張大字寫住「壞」。