282將增設與280X及287X轉乘優惠

如果281M、82K、87B都有類似優惠轉287X就更好

petcity 發表於 2018-6-8 23:02
真心講，咁有咩用？

87B有左282←→287X基本上係新填地個度可以唔駛坐

我諗佢想話281M、82K、87B可以同站轉287X，方便過搭282要過對面馬路轉287X

petcity 發表於 2018-6-8 23:02
真心講，咁有咩用？

87B有左282←→287X基本上係新填地個度可以唔駛坐

其實倒返轉講，
根據耀東經驗720一樣有722轉乘時...

282轉得287X，咁不如加87B<>287X⋯⋯起碼同方向同站唔駛行

[無可避免都要講講政治](純綷推測)上次立會新界東補選，新田圍既票站係建制贏；區議會選舉新田圍選區係程張迎險勝，我估佢如果唔做返d野，下屆隨時議席不保(雖然佢都危)。

回正題：如果同287X做轉乘，理應加埋82K、281M和87B，因為可以做到同站轉乘(車站係車公廟/新明樓/田心村)。280X係去程點都做唔到同站轉乘(不論用282又好，81K都好；btw，其實應該加埋81K落去)。
不過最實際應該係解決第三程BBI的問題。(按：有部分BBI組合係轉第三次車係無優惠)

的確如果想搭282轉287X出九龍、或287X去返新田圍，都唔可以喺返同一個站轉車。反而281M／82K／87B就可以做到。呢個都係我知道消息之後嘅即時感覺。（利申：程議員果區）

JD3215 發表於 2018-6-10 02:49
的確如果想搭282轉287X出九龍、或287X去返新田圍，都唔可以喺返同一個站轉車。反而281M／82K／87B就可以做 ...

我估計282班次夠密，又可以於沙田市中心轉280X，先提供282與280X/287X轉乘優惠。不過如果提供87B轉乘287X優惠，除了方便轉乘287X外，更可以轉乘286X往深水埗一帶。那麼新田圍居民便更方便便用青沙巴士網絡了。

流星☆雨 發表於 2018-6-8 22:40
如果281M、82K、87B都有類似優惠轉287X就更好

我唔清楚他們出九龍點轉287X。但回程我見得多搭287X在大圍站落, 見281M/87B/82K就上車。
如果回程比埋82K有bbi, 間接幫了等唔到804的乘客。

AVW28 發表於 2018-6-9 09:09
[無可避免都要講講政治](純綷推測)上次立會新界東補選，新田圍既票站係建制贏；區議會選舉新田圍選區係程張 ...

我睇未必，立會補選係今年3月既事，但去年8月開始佢已經做遲來既正經野。同埋下屆區選佢都60+，係咪時候退休呢？

工X會近年多次貼poster，表示爭取改善新田圍若干設施及交通，其中一點，就係新田圍欠城隧線，要求47X繞經新田圍。

2017年7月，程老伯出poster還擊，話呢樣唔可行o個樣唔可行，現有乘客「不會輕易同意勢招反對」乜乜乜，真係離晒大譜！


跟著我寫左封好唔客氣既email狠批佢，我特別指出一點，自1990年城隧通車，新田圍一直係沙田唯一冇城隧線既公屋，已經係非常不公平不合理，你程老伯咁多年唔出聲唔爭取，已經係唔稱職表現差，而家人地出聲，你就口口聲聲「現有乘客」，程老伯你係代表新田圍定「現有乘客」？新田圍被開刀咁多次，唔通新田圍居民又唔會「不會輕易同意勢招反對」？你程老伯又有冇幫新田圍居民講過半句公道話？？同埋47X增繞新田圍，只係出入秦石巴總前兜一兜，又會影嚮到「現有乘客」乜野？

跟著佢覆幾句打官腔，話會跟進反映要求老狗運吉考慮。再之後，佢就不時出poster話新田圍欠城隧線，要求47X沙田總站改為新田圍云云。

[img]http://w[/img]

有圖有真相，左圖出自2017年7月，真係睇見火滾難聽過粗口，我寫左email狠批佢。2017年8月，佢就出右圖。到底應該話佢從善如流，定自打咀巴？

工X會係提議47X繞經新田圍，程老伯就提議47X沙田總站改為新田圍，邊一個比較可行合理，看倌考慮新田圍巴總空間後，自行定奪。

坦白說，唔係我寫左email狠批佢，佢未必會做返D野。

溫提：老九對新田圍既虧欠，至少仲有282 BBI263/269D。

搭單一講：講起城隧線，原來，1984年時，新田圍曾經有條去荃灣碼頭既巴士線48A。

http://hkbus.wikia.com/wiki/%E4%B9%9D%E5%B7%B448A%E7%B7%9A

但開左唔夠兩個月，就開87B，可能因為唔夠位，48A就搬左去秦石，自此新田圍就冇左去荃灣既公交。幾年後城隧通車，48A等沙田來往荃葵線就重組成城隧線，也是冇新田圍份。

點解可以將48A既有服務話cut就cut而又毫無補償？我明白當年冇八仔，但如果88M轉型為281M，要281M兜埋顯徑個角落頭至係合理既；紅梅谷路冇左87A，就要87B兜埋紅梅谷路都係合理既，咁48A係咪都應該繞新田圍一圈？尤其新田圍人口係多過秦石。

而家講九巴對新田圍既剝削打壓，仲總有人人口老化前人口老化後。咁試問1984年時，成個沙田都冇幾多屋邨屋苑，新田圍亦只係入伙三四年，何來人口老化？但九巴一樣係咁樣洽你唔使本，又點解釋？