Delta 撤出香港，SEA-HKG 十月停辦

rickywk 發表於 2018-6-15 16:58
DL轉左用772ER都一段時間

oh sorry

條線少唔少人搭?希望港航槍先一步開，因航啲服務幾“好”就大家都知

一早已經預計到會取消

S3BL100 發表於 2018-6-15 13:51
來年會用 777-200ER/LR 飛既新線，一條係早一兩日宣佈的 MSP-ICN，
另一條係重返印度孟買，但未確定係 AT ...

咁Delta都唔係第一次撤出香港

在商言商，大城市又如何，有得賺/賺得多先係皇道。
達美响漢城有強大支援，印度市場增長強勁且競爭較少。
相比起國泰/港航/聯合/美利堅，香港市場競爭大，達美發圍機會不大。就算搵廚叉合作都係咁話

至於機型方面，無疑788係慳油得多。但小弟認為問題唔係出响機型。
條線由332轉772，段估條線本身係有得做。
問題係達美本身長途機隊細得可憐(332/359/772/77L)。
唔好話同美國另外兩大比，連國泰(359/77W)、新航(359/388/772/77W)嘅長途機隊都大過達美。
達美要拓展其他長途市場，難免要有所取捨。

咁763淨重輕332成30噸，但只係少廿零個經濟客位。梗係做得過
不過佢遲D用339同359取代763，重多40-50噸
就算呢兩款新機新佐兩代咁多，慳唔慳到咁多油呀

s3n370 發表於 2018-6-15 22:21
咁Delta都唔係第一次撤出香港

在商言商，大城市又如何，有得賺/賺得多先係皇道。

咁上次 Delta 撤出香港果陣，都仲未同 NW 合併⋯

我好同意在商言商，有錢賺先係皇道，
而 Delta 近年遠比 UA 同 AA 賺得多，說明佢地有唔少野係做岩既

不過印度巿場雖然係有增長，但係咪咁好做，甚至比香港更好做，我覺得就好難講。
曾幾何時美國三大都有直航印度，後來 DL 同 AA 都做唔住，先後退出，
今次 DL 只係重返，當然佢地同印度 Jet Airways 合作，都會有幫助。
但印度最大問題係有 ME3 長期玩價格戰，而且無論 ATL-BOM 定 JFK-BOM
都比今次取消的 SEA-HKG 更長途，成本更高

而且雖然有得賺先係皇道，但有時亦好難單睇一條線賺蝕，
每間航空公司總會有一兩條蝕住都要做既大線，可以 feed 落自己個 hub 度，
而且對於贏取大公司或政府合約有幫助
（利申：小弟工作的機構無講，但疑似同 UA AA 都有 contract，內聯網買佢地機票出差平過航空公司網站）

當然，今次另一條會用 77E 開，但未公佈日期同時間既新線 MSP-ICN
連接兩個 Skyteam 大 hub，係有好大戰略意義

至於機型問題，如果唔夠客既，用細一個碼的 787 的確會好過 777，
一來成本低左，二來唔使賤賣咁多座位。
DL 長途機隊數目的確唔太夠，對比起本身先天有地利、早已進駐更多美國一線大城巿的 AA UA，
佢地係應該買更多較細的長途機去同人地競爭。
不過近一兩年佢地都收左十幾隻 A350，對擴展網絡都有少少幫助

s3n370 發表於 2018-6-15 22:39
咁763淨重輕332成30噸，但只係少廿零個經濟客位。梗係做得過
不過佢遲D用339同359取代763，重多40-50噸
就 ...

當年 DL 同 NW 合併無耐後首試 SEA-KIX，都係先行 763，後尾變 333，之後摺線

當然今日環境唔同，一來佢地同 KE 已經玩緊 JV，可以自動送 KE 班 KIX-ICN-北美客落新線，
而且佢地堆 763 翻新過，競爭力增加

但係咪真係咁好做，都係好難估

不過又唔使太擔心 763 後繼問題，佢地最新果十幾廿隻 763 未到二十年，仲有排玩，
而且睇來佢地等緊波音出 797

S3BL100 發表於 2018-6-15 22:49
咁上次 Delta 撤出香港果陣，都仲未同 NW 合併⋯

我好同意在商言商，有錢賺先係皇道，

正正就係有分析指出，達美計劃重開印度航線，其中一個因素係美國就指控阿聯酋大幅補貼航空公司，上月與阿聯酋達成協議。
（雖然阿聯酋照例否認，ME3亦只承諾按國際會計準則公開賬目）




另外印度旅客增長強勁，都吸引達美復辦航線

題外話，講下盈利
"每間航空公司總會有一兩條蝕住都要做既大線，可以 feed 落自己個 hub 度，
而且對於贏取大公司或政府合約有幫助"同樣係"有錢賺先係皇道"的表現。分別只係從個別航線去睇，定係大數咁睇咁解

而達美賺得多，固然係有野做得0岩。
唔講乜會計準則、成本架構、甚至大柴玩對沖都可以令到件事差天共地先
公司operation model唔同，己經唔一定可以照抄對家0岩0既事

阿媽係女人0既廢話講完
小弟無研究過呢幾間公司0既財務狀況，無乜廢話可以再講啦

S3BL100 發表於 2018-6-15 13:51
來年會用 777-200ER/LR 飛既新線，一條係早一兩日宣佈的 MSP-ICN，
另一條係重返印度孟買，但未確定係 AT ...

不過MSP真係純粹靠轉機客
單靠來往MSP同亞洲應該做唔住

唔知而家條MSP-HND做成點？
DL似乎係HND完全無任何接駁亞洲航班
會否係將MSP-HND轉移至MSP-ICN?

HR1377 發表於 2018-6-15 13:55
CX去SEA可以擴大與AS Codeshare網絡，況且CX營運HKG-SEA可以與AA和AS Codeshare

而家已經有人估 CX 有 potential 開 SEA，例如
https://onemileatatime.boardinga ... ights-to-hong-kong/

講真，前幾年 CX 叫人估佢下一個北美目的地（結果係 EWR）個陣時都已經有 SEA 嘅 Pike Place Market，
何況之前一直都有傳 SEA 係起 CX 個 list 入面，
所以今次 DL 無啦啦唔玩，SEA 而家真係變左下一個最有機會嘅 CX 航點。

而家 DL 除左上面講嘅機隊問題，根本仲有轉機客，
CX 起呢個問題上面就唔同 DL，始終北美有 AS，亞洲區內佢自己大把客路，呢樣野遠比 DL 目前個情況黎得理想。

反而黑馬係 HX，
SEA 起北美黎講雖然不及一線 JFK、LAX，但係就肯定同 SFO 有過之而無不及，何況距離香港又比較近，
而家冇左 DL 呢個競爭對手，HX 無啦啦搵堆 332 出黎飛 SEA 未必冇可能