小問題:搭港航去程快運回程有冇優惠?

JC3987 發表於 2018-6-20 00:10
個重點唔係港航/ 快運同唔同公司，而係一間係傳統航空公司，一間係廉航。

廉航賣飛係逐程機計，所以樓主大 ...

>>單程票就當你去超級長時間，所以價錢超級貴。
唔係幾認同,反而覺得係唔太關事
感覺超級貴其實係航空公司爲咗確保客源會搭第二程返港嘅優惠,而只去不會就冇個part優惠咁,咪齋用個程嘅"正價"飛票價錢而定(雖然所謂正價都係會變海鮮價)
而超級貴通常都係正價飛,近起飛日子,或者旺季旺日飛(通常係幾日前個D slot,個D就真係貴到七彩)
反而淡季淡日嘅話就會平返些小去攞個更多乘客,儘量塞滿人數達到cost effective,而且越早買飛亦係越平,因爲航空公司想儘早確保到個段有客上先咁做
呢個無論係廉航定係full service都會咁做

>>來回票停留日數越長越貴
亦唔關事
機票價格唔會因爲停留日數而定,係睇你幾日前訂同個個日子是否旺日/旺季而定
就用例子講

當我悉尼去墨爾本,搭jetstar,我1星期前訂,星期二去程99AUD,去程後今個星期五139AUD
咁我星期五改做下個星期五,其實會變咗79AUD都得
假如改爲2日前訂,咁星期二個價格可以249都得,因爲已經確保咗乘客量,同埋需求>資源,所以可以吊高個價俾D急要機票嘅人吞聲吐氣買
星期五可以變做1XX左右,不過下個星期五嘅話可能升到99甚至仲係停留係79都得,因爲飛機仲未確保乘客量去達到cost effective.
假如變咗下星期四嘅話,星期四通常係淡日所以佢有機會平多些小

結論係:睇日子,唔係睇停留時間,停留越長,回程其實越平.

至於用國際航班嘅話,我用圖片解釋可能會好D...
810AUD個價格係save嘅價錢,正價價位係11XXAUD
但假如係71呢個留學生回流嘅旺季,就會變得好貴,更何況係接近起飛日所以又會炒高D

bam1a 發表於 2018-6-20 05:21
>>單程票就當你去超級長時間，所以價錢超級貴。
唔係幾認同,反而覺得係唔太關事
感覺超級貴其實係航空公司 ...

你個concept只限LCC. 傳統航空公司定價, 單程定來回同停留日子, 仍然係一個重要既因素.
為左容易D解釋, 假設所有航班日子都吾hit到peak season,同一日出發, 即日來回或姐停一晚兩晚, 係會貴過7晚.
一過7-14晚又會貴返.

因為佢地覺得即日來回或姐停一晚兩晚多數係商務客,
幾貴都會比, 7-14日內既多數係去玩既, 貴就會吾坐.

傳統航空公司一開始時會訂個中間價,
賣得好就加價, 賣得差就減價, 所以佢地同一日同一班機價錢真係每星期吾同,都無一個好明顯既走勢.

反而LCC就真係由最底價 (什至$0)開始賣,
務求一早賣晒一定數量既位封左蝕本門先.

JC3987 發表於 2018-6-20 00:10
不過話時話，唔明點解快運唔 code share 俾港航… 國外好多廉航都會 code share 返俾同系傳統航空。(e.g. Air Busan share 俾 Asiana)

我唔係好知Air Busan的情況，但如果睇日本，捷星日本(GK)國內線會同日航(JL)國際線codeshare，以捷星航班代替日航飛domestic leg，在此情況下，原日航乘客在捷星航班上會得到較高級待遇，如免費餐飲及較寬鬆的行李限制。另一方面，全日空與樂桃或香草則沒有codeshare安排。除此之外，兩個大佬都與國內幾間小型公司／子公司（非廉航）有codeshare。

至於港航同快運，兩者在現階段其實似競爭對手多過合作伙伴，港航長途線唔多，快運自己都飛好遠，好難話一個feed另一個，而且一搞codesharing，廉航那方要預備好多野（例如增加餐飲數量、預留機位、預留貨艙行李位、地勤一條龍等），對於靠乘客買餐買行李賺錢、力求準時密密飛的廉航來講並唔化算。日本都係日航要慳錢唔想飛太多主力做feed的本地航班（尤其是成田國內線）先諗出呢條橋。

bam1a 發表於 2018-6-20 05:21
>>單程票就當你去超級長時間，所以價錢超級貴。
唔係幾認同,反而覺得係唔太關事
感覺超級貴其實係航空公司 ...

你舉嘅第一個例子用 Jetstar (廉航) 國內線，咁已經 fail 啦…我咪一早講咗廉航或者國內線係以逐程機計價囉。

至於第二個例子 (CX SYD-HKG), 樓下都講咗：
傳統航空通常係停留 0-1 晚貴，2-7 晚最平，8-14 晚次之，14 晚以上就貴…
而你舉嘅例子全部都成個月以上，已經跌晒落貴價嘅 fare class 啦！

傳統航空嘅機票係會分為好多個 fare class, 每個係有唔同嘅條款，例如單程/來回、停留日數、peak season/low season、可不可以改期等等…
喺度唔講太多，你自己查資料啦！

DIH 發表於 2018-6-20 10:33
我唔係好知Air Busan的情況，但如果睇日本，捷星日本(GK)國內線會同日航(JL)國際線codeshare，以捷星航班 ...

我都係剛剛上網試下 check:如果上 Asiana 官網訂 HKG-ICN/ PUS-HKG open jaw…
因為 Asiana 有 HKG-ICN 航線但冇 PUS-HKG， PUS-HKG 航段會俾 Air Busan 嘅 code share 你。


正正好似樓主個 case, 大佬冇嘅航線咁啱細佬有，咪搵細佬轉賣個位俾你囉。

至於 UO 同 HX, UO 都有啲獨到嘅航點可以 feed 客俾 HX 呀。
例如花蓮坐 UO 來香港轉 HX 返大陸甚至去美加，我覺得有得做架喎！

UO完全吾想個客聯想到HX