【頂新革故】建議將「人力車觀光巴士」擴充至新巴15系
[複製鏈接]
|
本帖最後由 tzuyu.taiwan 於 2018-7-4 17:17 編輯
39樓,第一,我從來冇話過詭辯=辯論,唔好係度曲解我啲帖文
第二,你講國語辭典嘛,ok,我哋就去睇下嗰度點解「辯說」
結果一嚟就俾我搵到,「近義詞」一欄中第一個詞語就係「辯論」
你話近義詞唔係同義詞,fine,我又想問下,唔係喺一個辯論嘅環境中,又何來會有「辯說」?你幾時有聽人形容過一場友善、理性嘅討論中,一方會喺度「辯說」,而非「談述」?
你唔洗覆我,自己諗下好了,我哋已離曬題
回歸正題,40樓,參考返我份計劃,H3南北行嘅行車時間分別預計為45及49分鐘,而非你所指嘅50分鐘,所以係有足夠時間(連休息)為乘客提供20分鐘一班嘅班次。估計行車時間嗰陣,我主要利用eta/巴士公司提供行車時間/網上行車片段/google map行車時間估算,所以已列明係「預計」性質,不過我亦有信心,正常誤差應喺3分鐘內。當然,如你有更精準計算,不妨拎出嚟同大家分享,我亦樂以作修改,令方案力臻完善
至於當年條315可唔可以斬釘截鐵咁證明到H4會冇客,我認為答案係否定嘅。一嚟呢十幾年間本港本地/外地旅客上升唔少,二嚟唔好唔記得條H4係以「人力車觀光巴士」嘅角色開辦,既可以用開蓬巴士吸引遊客乘坐,二嚟唔同315嘅係,佢唔止齋吸散客,仲有一班「套票客」穩定客源
講真,山頂、海洋公園同赤柱作為港島三大旅遊景區,多年嚟都冇公共交通連成一線,你話冇/少客,我真係唔信。關鍵係,班潛在客源就係度喇,你開條咁嘅線,可唔可以有效吸到佢哋坐。個人認為宣傳同綽頭會係兩大吸客良方,而H4可以話係個好嘗試 |
|
洗手、洗手、洗手!
|
|
|
本帖最後由 tzuyu.taiwan 於 2018-7-4 18:03 編輯
呢度成日有人話我啲建議過長,甚至話係多廢話,講真,我真係有啲不解
第一個不解係,點解往往有人覺得篇嘢長就會係多廢話咁?議事論事,以呢份建議為例,係,內文的確長,但細心睇下,裏面全部都係啲實際不過嘅嘢:重組目的、詳細定線、方案簡介等等。你話裏面多廢話,ok,請直接指出嚟,講出邊part係冗文,邊part係無謂之談,我欣然接受。但我唔樂見有人一句衝埋嚟話係廢話,但又唔加以解釋,令我份嘢被處以「莫須有」嘅罪名,更令其他版友難以理解
第二個不解係,呢版有唔少被我嗰啲精簡得多嘅建議,部份更係精簡到無法再精簡。例如有啲建議只列出改動部份,最多寫埋新路線途經嘅街道,之後呢?完。冇錯吖,相關建議係好精簡,但作者有冇為建議作解釋?又有冇寫重組對路線用車、班次等嘅改動?都莫講話,呢類建議隨時違反咗版規。但係奇怪嘅係,批評我建議過長嘅版友,又唔見會對相關建議作批評喎,從來冇就呢啲建議出過聲。咁係咪即係話,你認為建議贅長到唔想睇就抵鬧,但建議短到想睇都睇唔明(仲犯埋版規)就冇問題?咁嘅話,你又有冇用咗兩把尺去睇唔同人嘅建議?
雖然話不解,我都有一個期盼,就係希望有批評過我嘅版友可以詳細、認真睇下我啲建議,理性指出邊度係過長,可以刪剪,我絕對樂意喺下份建議作出改善,同大家一齊成長
|
評分
-
查看全部評分
|
洗手、洗手、洗手!
|
|
|
1.
你預計既行車時間為45/49分鐘
依而家Google Map提供既資料
完全唔塞車既情況下需時為36(Google Map 所限改走禮頓道)/39分鐘
你認為係唔係真係做到你FF既行車時間?
2.
就當真係俾你做到行車時間為大概45-49分鐘
咁司機有1-4分鐘休息咁大把?
係唔係計錯用車數?
3.
當然你話好客過前315我會認同
但問題係連成一線係唔係代表客就會出現?
有D旅客赤柱/淺水灣玩足一日都得
仲會唔會搭你H4上/落山?
|
|
某巴士公司疑似謊稱區議會重組方案經區議會通過
|
|
|
本帖最後由 Snoopy@FB8617 於 2018-7-4 19:11 編輯
咁我可以話你知
成part定線根本就多字到唔想睇
甚至影響到你條實際定線係點都邊到唔清唔楚
附近有咩景點/酒店在睇建議人既角度
並唔係必須要既資訊
套票個part又係
去到邊間館真係無人想知
我知你想做到好似官方咁詳細
但你幾時見到H1/H2當年上RPP會寫到水蛇春咁長?
你作N咁多條solgen唔代表你份建議會變得高質
Simple有時真係the best
同一時間
我無話過過份精簡咩都冇既建議就係好囉唔該
個D直頭應該拉人封艇
問題唔到我話事
|
評分
-
查看全部評分
|
某巴士公司疑似謊稱區議會重組方案經區議會通過
|
|
|
如果當年真係有客往來呢三個地方
咁新巴當年就唔駛取消315啦
有肉食駛鬼取消?
|
|
以上回應,是否可行?是否合適?
|
|
|
本帖最後由 tzuyu.taiwan 於 2018-7-7 12:40 編輯
北角嘅街頭小食都見得下人嘅
同埋隨住唔同新樓盤落成,市容已今非昔比
所以都值得遊客一訪嘅
(P.S. 你係咪「炮獨」、「脫北」份子 )
|
|
洗手、洗手、洗手!
|
|
|
本帖最後由 tzuyu.taiwan 於 2018-7-7 13:42 編輯
乜又係你呀,成日都對我啲帖文對號入座
我只想問一句:當你話人「曲解」嘅時段,你呢句嘢又有冇曲解佢嘅意味?
首先,你亂咁屈人講過咩詭辯=辯論,人哋當面指證你,你就即刻唔再出聲
好啦,之後無啦啦一句「人哋批評你建議冗長多廢話,你就理解做“人哋覺得其他違反版規建議冇問題”」,又嘗試重施故技。好心你睇下我原文講咩啦,我絕對冇直接將上述兩件事劃上等號,咁樣「理解」法喎。
一嚟我早表明若人直接指出我份建議邊part過長,我會欣然接受之,作出改善,所以唔好講到我覺得自己啱曬冇錯喎。同埋我從來冇講過其他版友「覺得其他犯規建議冇問題」,我只係反問大家,如果我哋建議抵鬧,唔通嗰啲建議就冇錯咩?由頭到尾,我最不解之處,係有人淨係一槍指埋嚟話我建議多廢話,之後毫無解釋,咁樣難免令我覺得死得不明不白,拎埋其他建議嚟講,只係想作反問。
你叫我放棄曲解,冇問題,咁唔該你同樣將呢套標準套喺自己身上,自己都停止喺度段章取義、混淆視聽,同埋唔好再妄想以為咁可以蒙混過關
你鍾意可以繼續拗落去,我冇任何補充
|
|
洗手、洗手、洗手!
|
|
|
人力車名譽唔好呢點,我都知,我又真係駁你唔到……
我提出呢份建議,只係唔想原地踏步:15B繼續客量一般,而條15R又怪怪的,開得嗰兩班,又止於海洋公園,到喉唔到肺……所以呢份係一份重整路線嘅建議
另一方面,我絕對同意人力車服務需提升
|
|
洗手、洗手、洗手!
|
|
|
|
Advertisement
Advertisement
Advertisement
Advertisement
Advertisement
|