又一城巴新路線 連繫郵輪碼頭

053h4 發表於 2018-6-25 15:12
係營運角度蝕錢線擺去城巴好過擺係營運情況更惡劣新巴，本身702循環咁行日間行車時間都拍得著22去海麗（ ...

702而家係個零鐘走一轉，但22如果真係要延去海麗要接近三個鐘走一轉
點拍得住呀？
都係嗰個問題，$4.6大流水行個半鐘一單（深水埗<->又一城仲要$3.7雙向分段）
而且22沿路本身已經中幾個塞車黑點客又唔見得多，巴士公司真係仲肯延長？

再講，深水埗係需要一條去九龍灣觀塘嘅九龍東線，
但絕對唔係要延長22呢條要兜又一城/窩打老道/九龍塘豪宅學校區/九龍城世運花園迴旋處嘅線

fatpear 發表於 2018-6-25 16:03
702而家係個零鐘走一轉，但22如果真係要延去海麗要接近三個鐘走一轉
點拍得住呀？
都係嗰個問題，$4.6大流 ...

邊個話延長咗都一定照收$4.6?而且6D/40重組到而家仲有人嘈就知九龍灣有市場啦

053h4 發表於 2018-6-25 09:12
如果22加密到20分鐘一班拉去海麗, 702好似初到咁係嘉頓跟970咁落黃金，區議員會應該支持。都有買餸客嘈702 ...

咁搞法702咪要減返去$3.4，新巴睬你都傻
買餸客咁唔鍾意兜又一城咪過主lor，人地石硤尾都唔知貢獻左幾多畀702
我諗想702改返雙邊總站穩定班次嘅客仲多過你堆買餸客

hokachung 發表於 2018-6-26 01:05
咁搞法702咪要減返去$3.4，新巴睬你都傻
買餸客咁唔鍾意兜又一城咪過主lor，人地石硤尾都唔知貢獻左幾 ...

其實印像中喺又一城嗰邊都已經有定時點，通常都係停一停等到差唔多時候先至開車
不過作用就唔係太大...
我個人嚟講都寧願好似當年初初改咁樣，直接上並且雙向總站，唔好再入到去長沙灣先至上青山道

053h4 發表於 2018-6-26 11:32
想唔減價唔難GA, 行埋保安道做真買餸客就得
入保安道咪又係做循環

留意返其實又一城係有人等702，出到南山邨嗰邊都有人上車
的確嗰邊上車嘅人未必入到海麗，但係淨係入深水埗都已經夠702維生
反而如果縮短冇咗呢批客嘅話，我就真係擔心佢仲生唔生存到。

053h4 發表於 2018-6-26 12:02
702 本身係未拉長前亦相當蜜車

另外南山村又一城亦可以選擇22 來往深水埗，並沒有影響 ...

你以為嗰班客係刻意等到有巴士到先至上咩？
你覺得你將個班次拉到咁，可以有幾多人上？
如果你要班次Keep到，要加幾多部車？

海麗往返深水埗嗰邊本身其實已經唔係太多人，加上班次疏嘅話，大可以同將來開辦嘅702B夾一夾，雖然海麗邨應該已經完全冇位去做呢樣嘢

053h4 發表於 2018-6-26 12:02
702 本身係未拉長前亦相當蜜車

另外南山村又一城亦可以選擇22 來往深水埗，並沒有影響 ...

問題係你條22東行最近都要兜到東沙島街先可以入石硤尾
除非你學10A,10M行荔枝角道、南昌街直上

仲有就係海麗根本無位放多條線，你擺條城巴入去，出事又無車拉（唔通拉118咩）