【重新部柱】中環至赤柱巴士線大重組

tzuyu.taiwan 發表於 2018-6-27 22:35
首先，請睇返上面，新嘅新巴66唔係淨係幫城巴6X補位

其次，宜家討論緊嘅係重組方案嘅預期成效，閣下不斷 ...

因為你涉及加車

只可以考慮 新增客源是否可抵銷額外巴士投放

往績顯示係:唔得

66都開過全日,但非繁剩做馬坑根本唔夠客
日間亦有6X競爭,夜晚收車後6做埋66個份

本身66可能都唔應該存在,但問題係繁忙時間有客先CUT唔到

巴士公司係諗6全日入馬坑取代66

以6號線資源,入馬坑唔駛加車,但可以CUT晒66堆車

赤柱去銅鑼灣,有小巴40,巴士63/65

如果想整多條,應該係260非繁中環方向加停堅拿道西

kay 發表於 2018-6-28 07:26
因為你涉及加車

只可以考慮 新增客源是否可抵銷額外巴士投放

本人固然知道齋入馬坑、唔入赤柱嘅全日巴士線唔會夠客

容許本人再強調一次，新嘅新巴66由馬坑「赤柱廣場」開出後，係會經「赤柱市場」、赤柱村道、赤柱峽道往返中環

本人明白閣下對於重組涉及加車嘅疑慮。新計劃下，由於新巴66重新擴展至全日服務，所以該線嘅4部用車係會全日行走，另外，須外加1輛新增用車，由新巴南區／紅隧路線抽調。

無可否認，咁會令某啲路線服務被削減。不過在商言商，反觀現時喺新巴66服務時段外（如中午），估計嗰4部用車唔少都係用嚟支援一啲市區流水線（如新巴2A）。呢類線通常客量龐大，用短車或唔足以應付大量乘客，更大問題係車程長、收費平，令巴士公司隨時入不敷支。又假設新巴66將由南區路線新巴91抽車，呢條線車程同新巴66相若，同樣要爬山，但只收$5.8，比新巴66足足平$3.1。

同樣一程車，同樣一部車，但派駐新巴66，只要客量唔係差太遠，已足以令收入增加。比著閣下係巴士公司，衡量過經濟因素後，二擇其一，會寧願將「短車」派喺新巴2A、91呢類線，定係加經「赤柱市場」嘅全新新巴66？

kay 發表於 2018-6-28 07:26
因為你涉及加車

只可以考慮 新增客源是否可抵銷額外巴士投放

宜家平日同星期六往返赤柱同銅鑼灣，只有港島專線小巴40系同新巴63選擇
前者收費高昂，後者路線迂迴、班次疏落
巴士公司多年前已建議取道香隧嘅新巴65取替新巴63、提升至每日全日服務，便利居民
後尾點解無法實行，閣下身為南區居民、資深版友，相信比任何人更清楚
城巴260加停「堅拿道西」巴士站，巴士公司唔係冇提出過，相關建議甚至曾喺某年rpp出現過。如果做到嘅，一早應該做啦。不過，真係唔好當對家哋係傻、唔知你諗緊啲乜；後尾結果如何，相信閣下早心知肚明。
問題係，如果每次有類近建議都「被撤回」，靠住條新巴63，真係可以留到班客搭巴士由赤柱往返銅鑼灣？小弟突然發現到，同樣係南區，其實存有大量直達銅鑼灣嘅巴士線，只係無奈香隧道路網絡嘅設計所限，無法係嗰度設立涉及赤柱巴士線嘅轉乘站，好好利用之做到轉乘。
而同時，小弟一直希望有赤柱巴士線經停灣仔一段電車路，所以就突然諗到，不妨將城巴6X改經電車路，同時喺香隧跑馬地出口設立轉乘點，俾乘客坐新嘅城巴6X，方便咁轉車往返銅鑼灣，以傍敲側擊嘅方式，等巴士攻入銅鑼灣市場，同時，當然，亦令灣仔市中心有直車往返馬坑、赤柱

tzuyu.taiwan 發表於 2018-6-28 10:01
本人固然知道齋入馬坑、唔入赤柱嘅全日巴士線唔會夠客

容許本人再強調一次，新嘅新巴66由馬坑「赤柱廣場 ...

將閒置資源調去需求大既線
或者拎去曬太陽節省成本有咩問題

何況新巴有講過
66非繁唔開,D車會去14加經馬坑

當年14/66係綑綁重組

馬坑居民非繁唔多用66,但又想去港島東

佢地係同意66取消非繁+6/14非繁入馬坑

你簽名檔話自己係愚見,真係好愚見

與其學人寫千字文包裝愚見

不如寫一份簡而精的高見好過

kmb71k 發表於 2018-6-27 23:35
新6X同260灣仔區途經地方太接近, 搞到260無優勢可言, 雖然赤柱走線不同, 但絕對相信會拖低260客量, 真係唔 ...

據本人所知，城巴260灣仔客佔比整體其實唔太高，比重甚至比城巴6/6X為低，而且都係以往返灣仔北通勤嘅南區居民為主
因為條線主打遊客
新城巴6X深入灣仔東、灣仔中心，同城巴260做緊嘅根本係兩班客
何況，經重組後，新城巴260延長至「中環（5號碼頭）」，定位更見清晰，成為一條徹頭徹尾嘅南區旅遊線

YY487 發表於 2018-6-28 21:04
66 全日時：
6 市集 - 赤柱峽 - 淺水灣 - ...
66 馬坑 - 舂坎角 - 淺水灣 - ...

其實樓主都計漏野

66全日個陣,非繁班次係20-30分
6號取代66個陣,假日係車海班次

當日區議員要求6號要去觀馬樓U TURN

署方開頭係建議赤柱廣場U TURN,但區議員話有D馬坑居民行好遠

而6號拖慢,D客要快搭6X/260,城巴又無損失,新巴又開少D車,14又經赤柱廣場

呢個算係少數難得平衡各方利益既建議

YY487 發表於 2018-6-28 21:04
66 全日時：
6 市集 - 赤柱峽 - 淺水灣 - ...
66 馬坑 - 舂坎角 - 淺水灣 - ...

抱歉，小弟仍然忍唔住要問
閣下點樣由以前走線下唔夠客
證明到現今走線下會唔夠客？
起碼喺重組方案下，兩線同樣做到赤柱廣場、赤柱市場兩大「客倉」
更何況，重組後，兩線同樣會調整至大部份時間每20分鐘一班
係，相比目前，新巴66用車係多咗1部，但城巴6係少用咗2部車
就第二點而言，閣下甚少有正面回應

而且容讓小弟再重申一點：小弟充分明白唔少版友對呢份計劃單單「新巴66」嗰部份不滿。但係小弟務必強調，新巴66喺重組方案下有咁嘅安排，完全係希望確保呢份方案俾到居民充足補償，從而獲取佢哋嘅支持。要留意，如果當區冇反對，對於新巴66削減班次至全日30分鐘／班，又或改道但維持現有班次，甚至取消服務，本人都冇異議，前提係，唔會因為呢部份而令整份方案被拖垮

tzuyu.taiwan 發表於 2018-6-29 10:18
抱歉，小弟仍然忍唔住要問
閣下點樣由以前走線下唔夠客
證明到現今走線下會唔夠客？

唔關走線事
係無咁多人口去SUPPORT開埋66非繁