新時代最終決定於今年8月1日併入澳巴

https://www.facebook.com/macaubu ... ?type=3&theater
相信合併工作進行期間，所有原維澳蓮運和新時代接管後新引進的綠巴將會陸續改回澳巴塗裝，合併後澳巴亦會一躍成澳門最大的巴士公司
澳門終於又重回昔日兩巴時代

lokwah2a 發表於 2018-6-30 21:09
澳巴賺到了，3號和10號現在都是自己路線

尋日已有消息指新時代旗下的車隊已經陸續開始轉換成澳巴塗裝，為8月1日合併做準備，可以肯定合併將會是綠巴變橙巴，而絕非橙巴變綠巴:
https://www.facebook.com/macaubu ... ?type=3&theater
這次合併一旦成功，澳巴將能從新時代手上取回不少昔日自己以及原屬於對手新福利的王牌路線，並有機會從澳門最小的巴士公司翻身一躍成澳門最大的巴士公司，澳門最終重回昔日兩巴時代，其實未嘗是壞事
澳巴其實近幾年服務有很大改善，同佢姊妹公司新時代一樣，都有積極更換新款路線顯示屏同報站系統同買新車一改以往報站隨便、車輛殘舊、地台高、缺乏輪椅設備的負面印象，雖然新車仍然以大陸車為主，但至少車型選擇上都有經大腦識得揀啲靚野，總好過好多年前完全只係為買而買連五洲蟲尼啲垃圾都夠膽亂買同維澳蓮運個隻樣衰地台又高又成日壞車的村村通，而且16年澳巴同新時代都同時有新款的三菱ROSA小巴投入服務看來，尼間公司其實仍然好有誠意改善服務
本人非常看好今次合併，澳門地方小，本來就不需要這麼多五花八門的巴士公司，如果多一間公司並沒有為澳門巴士服務水平帶來改善，反而新不如舊，那還不如回歸昔日兩巴時代實際

lokwah2a 發表於 2018-7-1 23:33
澳門地方細 , 道路不足夠
加多一間巴士公司如何競爭呢

果條超支延誤天價輕軌我真係唔太清楚

都係講返巴士啦，澳門地方細，道路又狹窄，巴士市場早就已經飽和，根本就已經塞唔落多一間巴士公司

而且澳門巴士其實本身已經好難做，自回歸以來澳門巴士就一直無被批准加過價，本身都已經唔夠應付日益上漲的營運成本，澳門道路環境複雜惡劣，巴士司機工時長、壓力大且辛勞，難以吸引年輕一代新人入行，人力資源青黃不接，加上賭權開放之後多左不少賭場和度假村開業，澳門年輕一代大多寧願去賭場做荷官，不算很辛勞的工作閑閑地就能月入幾萬，仲有邊個會願意走去做巴士佬?

啲博企財大氣粗，又肯大灑錢開辦大量免費發財巴，從巴士搶去大量客源，這對本來已經不景氣的澳門巴士業界更是一個致命打擊，你一間巴士公司仔邊夠人地博企財大氣粗鬥?

澳門近年巴士服務水平有所改善，而且難得做到有盈利，都係多得新模式之後有政府補貼和由政府主導先做得到

K.C.R2007 發表於 2018-7-3 21:09
果條超支延誤天價輕軌我真係唔太清楚
都係講返巴士啦，澳門地方細，道路又狹窄，巴士市場早就已經飽和， ...

澳巴形象較差，改為併入新時代我覺得更好...
香港都係得5間專巴，澳門2間其實差唔多

講起發財巴，關閘總站水浸要裝修兩年，發財巴居然可以霸住關閘隔離個靚位，巴士就只能夠系周邊設一系列臨時總站，真是罕見的畸形生態。

lokwah2a 發表於 2018-7-5 18:05
香港巴士沒有競爭 , 各有各做
以前香港島有新巴和城巴競爭
之後兩者合併了 , 車身顏色不一樣 , 老板就是同 ...

長遠應該加入一新巴士公司，同九巴竟爭

其實招標線可否由新巴士公司入標？唔好只係九城新同九城新， 每次招標路線大家都唔會諗有冇其他新巴士公司入標

384047x 發表於 2018-7-5 17:18
澳巴形象較差，改為併入新時代我覺得更好...
香港都係得5間專巴，澳門2間其實差唔多 ...

澳巴其實近幾年形象和服務水平都有改善
現時澳巴和新時代係同一個老細，話澳巴就基本上同話埋新時代無咩野分別
我個人仍然認為新時代併入澳巴更好
新時代色調繼承自當年因準備不足、經營不善和服務差劣而破產的維澳蓮運色
個人覺得尼隻色青BB加條黃色色帶根本九唔搭八陰沉又核突，仍讓大量這種色調的巴士滿街行實在嚴重影響澳門市容
而且隻色繼承自維澳蓮運，容易勾起澳門市民對當年維澳蓮運存在的三年的災難和不快記憶，還不如儘早轉走佢避免觸景傷情