九巴蕩失路遊港島 乘客鬧爆：司機發緊夢

http://s.nextmedia.com/realtime/a.php?i=20180702&s=10829391&a=58391685
「當巴士一出紅隧就出事喇，「一出隧道已經入錯線。」司機之後沿維園道向北角方向行，「喺避風塘停咗一次，部份乘客發覺佢行錯，已經落車。」據N122原定路線，離開紅隧後第一個站應該係灣仔南洋酒店，再去崇光百貨、維園，經炮台山、北角，終點係筲箕灣。

司機冇打算停低或者掉頭一路行，經過天后、炮台山，呢個時候越來越多乘客發現唔對路，「問佢去緊邊，佢冇答，再問佢揸緊邊條線，佢講咗一個唔係呢條路線嘅號碼。」最離奇嘅係，車頭顯示屏站名係N122路線，「即係顯示下一站係南洋酒店，但佢話去緊北角，完全唔啱嘅！」爭持一輪後，乘客開始鼓譟，但司機仍然冇停車，「帶住班乘客唔知去邊！」

乘客要求司機返南洋酒店站，但司機喺天后繞左圈，「啲人癲晒，係咁叫囂！」司機見群情洶湧，終於開聲「唔好騷擾我，想去南洋酒店我就返去！」最終司機喺港鐵炮台山站停車，盧先生認為司機表現完全不能接受「好似唔知自己做緊乜！直情係危險駕駛！」、「直情發緊夢，唔知自己揸邊條線！」」
以為返N118?係咪想去埋柴小？

呢個月迷路都聽過三四次
厹司員工就是與別不同

柴小職員日日都習慣咗揸唔同路線，出事好似少 d，應變能力都好 d

既然位乘客咁清楚由轉出隧道嗰一刻已經行錯路，咁點解佢唔落去下層提醒個司機又或者指導佢點樣行返去，而喺食花生同鬧司機呢？ 喺呢個情況之下我唔見得食花生同埋鬧司機甚至賣料報紙有任何嘅益處

你地把鍵盤戰士成日都話個客唔落去講。知唔知落去講要幾耐時間。。？
叫隔離嗰位乘客借借，再仆落樓梯，再突然同司機講野。
上次我搭252b試過啦，肯肯定留喺原位比落去安全得多(佢要錯，唔會因為你講一句佢就唔錯，除非個司機一早認自己唔熟路既宿，3否則梗係話自己啱先而唔會聽你講)

同埋入線習慣，個個人唔同，唔到最後一刻都唔知佢係咪真心想入嗰條線啦…

睇今次情形似係司機以為自己駕駛另一條路線（N118?），所以無為意亦不承認自己行錯路。

讀者表示在深水埗上車，N118同N122都係由欽州街左轉長沙灣道，一樣停北河街站，彌敦道車站差唔多（若停了N118站便有N122站被飛），究竟之前架車係由美孚定南昌開出來？

DIH 發表於 2018-7-3 14:56
睇今次情形似係司機以為自己駕駛另一條路線（N118?），所以無為意亦不承認自己行錯路。

讀者表示在深水埗 ...

不承認呢點就真係過分

如果事實真係如乘客所言
個司機應該真係以爲自己揸緊N118...

標準程序應該係避風塘就響台
而唔係一路自己嘗試兜路
乘客語氣雖然可能有d衝動
但不見得今次司機抵幫