屯門廠紅巴ATENU 上斜無力 要慳油？

唔好意思推一推文

(溫馨提示：如果唔識睇Spec呢樣嘢只係識睇馬力做人嘅版友，下面呢一大段嘢你唔好睇，睇完包你唔明)

話說小弟呢排又走去坐吓堆ZF紅躉，發覺佢個tune其實係好似旅遊巴版嘅Ecolife波箱

(Ecolife係有分巴士版同旅遊巴版嘅，技術spec係一模一樣，理論上係可以互通。但我個人認為佢分得開旅遊巴版同巴士版嘅時候，應該有啲嘢係唔同。)

紅躉相似嘅地方(同一部2016年出牌嘅EEV版ZF B7R比較)
1. 低轉轉波(2波行程得1秒，千二轉多啲就轉)
2. 三爬兩撥就入三波
3. 低轉死都唔願轉低一個波(上斜4轉3又係唔跌到一千轉都唔轉)

至於1油比較窒嘅問題，應該係個油壓比率唔同(1700B係比較低，而1400B係高啲，呢個起ZF官方spec係有寫到)，而導致lock-up嘅時候會因為cluch嘅力度比較大而出現窒嘅現像(純粹個人用OMSI測試，係真唔係我就唔知)

紅躉嘅問題又唔單止淨係起紅躉出現，而對岸同期出廠嘅車都一齊中招，所以呢個問題係關ADL自己事，而唔係「九巴要求慳油慳到盡」嘅問題
(我個人就覺得係馬拉廠嗰邊成一大批幾百個波箱全部訂錯曬旅遊巴版，所以送到嚟個tune就咁嘅款)

咁旅遊巴(當然講緊歐洲車或者上大陸嘅旅遊巴，而唔係日本意蘇蘇嗰啲)咁樣Set係的確會慳油好多，一嚟旅遊巴本身佢自己個spec都非常之overkill(例如Man 19.360副偈係同A95一模一樣，Scania K280IB又係可以用落K280UD，K410IB嗰副DC13起香港仲會攞嚟拉櫃(雖然呢個spec(P/G/R/S410)拉櫃就唔多好力))，本身副偈就比較大容積，食油就梗㗎啦，咁跑長途為咗慳多少少油，可以選擇犧牲少少行車表現嚟慳多啲油(因為個spec非常之overkill所以就算犧牲少少都仲係非常好力)，低轉扭力既然可以撐到部車上曬斜嘅就盡量低轉，盡量早轉波等佢用盡啲扭力嚟加速，長途計係可以慳到唔少油，加上時間比較鬆少少唔需要下下咁趕頭趕命衝住去，可以拉長些少時間嚟慳油
(當然呢堆車未必真係會用Ecolife，可能係用番自家波箱，但個波箱都會係咁樣轉波)

但換落巴士度，你見個spec都唔係好overkill(要真係overkill嘅就真係要去到TP1095咁誇張嘅1800Nm扭力先叫overkill)，上斜有樣睇唔係好好力(成日都見住隔離線啲19.360好似冇跌速咁爬頭)，加上時間又緊，係咪真係有需要咁做就真係見人見智

我個人就覺得如果可以融合紅躉個「旅遊巴」Tune同舊時歐五車嗰個tune，平路就低轉，但上斜就比較早轉番低波應該會好好多

批新紅lift好似kickdown唔到嘅

是咁的，有為數幾批嘅紅lift本身架車係有好多問題，重軚、低轉、電腦set錯，樣樣有。V箱都叫好少少，ZF簡直慘不忍睹。直到VM牌打後(好似係)就有極輕軚(講緊手指尾都扭到嗰隻)兼力水正常嘅正常車輛出嚟......