2018十大最佳航空出爐 國泰居第六

053h4 發表於 2018-7-23 18:13
我覺得其係顧客要求太高

顧客要求過高係事實
但國泰自身存在問題亦係事實

JX9097 發表於 2018-7-23 18:40
顧客要求過高係事實
但國泰自身存在問題亦係事實

國泰一向宣傳自己係Premium carrier去吸引顧客，同一時間要靠吸納更多transit passenger去做大自己個hub再而提供更頻密嘅班次同目的地，問題就出現啦

要做更多transit passenger, 就要用更短嘅connection time較直航更低嘅價錢去吸引海外旅客嚟香港轉機，同一時間，因為直航較為方便亦都因此可以收香港客收得貴啲，理論上以香港散客去補貼返嗰班transit passenger嘅成本，甚至掙得更多 (所以有板友之前見過由廣州經香港仲平過香港直航)，LCC嘅出現就打破左國泰Pricing嘅merchanism, 香港散客覺得cx收太貴轉坐LCC, 冇左呢班人, 國泰就係咁開始出事喇

有板友話3-4-3係主因真係唔敢認同，一個街客(不是飛行常客, 飛機迷)佢要買飛, 上sky scanner理所當然(至少大部份人係) 係睇價錢為先 (其次其他因素 e.g. 時間)，當3-4-3嘅競爭對手以至成個市場趨勢都係提供到一個更平嘅價錢，有人會因為咁繼續坐CX嗎? 就算係刻意宣傳3-3-3，呢個唔太會係大眾會concern嘅一點，冇理由為左面子而自挖墳墓

另外，國泰除左炒油之外，內部架構、工作效率都有好大嘅改善空間，大公司冇辦法，以前好境睇唔出，依家逆境就暴露曬出嚟

Cut Cost唔係一件壞事，但唔係一方面收得貴一貴, 到頭嚟cut比客人嘅服務, 餐飲, 最應該cut嘅係簡化內部架構, internal process waste, 提升工作效率
國泰呢一次有排痛，既要切合返市場需求，又要保持Prestige brand image同服務質素希望真係睇到成果

victor.wai 發表於 2018-7-23 21:33
國泰一向宣傳自己係Premium carrier去吸引顧客，同一時間要靠吸納更多transit passenger去做大自己個hub再 ...

我覺得短途機改做17吋座位是可以接受的，呢類航線要同廉航競爭，因為舒唔舒服都係幾個鐘，好多人都係睇價錢，對舒適感要求較低。

長途改17吋就唔大恰當，就算唔係航空迷，坐過不同公司的長途機都可以比較不同旅程下的經歷。
國泰比起其它公司最大優點係舒適，呢種質素，好多其它用777或其它機型的對手係比唔到。（除左A380，但有的公司唔多）
若果成日飛的話正常係會感覺到分别。
呢類航線始終長途，有返咁上下油錢，同人鬥平，國泰好難平過人，唔應該將重心去吸引價錢為先的客人。
據我所知，唔少公司只會買經濟艙，唔會買高級經濟艙比員工出差，但會在選擇航空公司時，願意花多少少選擇較高質素的公司。
亦有唔少人唔介意經濟艙比貴少少，國泰應該將重心放在呢兩種客人。
最後，用航空愛好者的想法去計，17”的座位，比HX甚至UO的座位都迫（A320都有18”）
短途無緊要，但長途若果係用777，真係多左個理由唔選國泰。

777 econ用3-4-3已經係大趨勢，好多airlines都轉，包括中東三寶。同樣地787用3-3-3都係主流。唯有寄望波音真係會加闊777X個機艙。

victor.wai 發表於 2018-7-23 21:33
國泰一向宣傳自己係Premium carrier去吸引顧客，同一時間要靠吸納更多transit passenger去做大自己個hub再 ...

但係講咗咁多年cut cost唔應該cut個客嘅服務，國泰高層都係一於少理，派餐具多隻羹少把刀、整員工餐少粒肉丸呢啲就玩到出神入化，更大嘅問題都唔做嘢，唔好怪人越嚟越對佢冇信心

經濟艙客都係客，未來仲好大機會變高端客，如果依家已經趕客，唔好怪第時冇人鍾意坐國泰