兩蚊客轉劃一折扣 減少見車就上？

其實早就應該做
入新界車搭幾個站就落車
過海線未過海就襟鐘

https://www.hk01.com/01觀點/211754/長者2蚊搭車-計劃變世代之爭-劃一車資不如劃一折扣?utm_medium=Social&utm_source=fbpost_link&utm_campaign=mama

你都傻嘅。見啱路車就上先係最高效率嘅做法，外地某啲地方全市劃一收費兼有免費BBI就可以鼓勵咁做。

舉例：假設有完善BBI，由大埔去中環就唔一定要等死20分鐘一班嘅307。可以見到任意一架大隧車就上，去到大隧口就上任意一架東隧車，去到東隧口就任意上一架東區走廊車（包括307、603、621、641、681等）。喺呢個情況下，乘客就會分散喺同路段所有合適路線上，唔會再出現某線頂閘，另一路線吉車嘅情況。
人哋地鐵公司都鼓勵乘客見車就上，唔好死等直達目的地嘅車。
http://www.gz.gov.cn/gzgov/jtfw/ ... 42f58a8ba897d.shtml

行左兩蚊唔好諗返轉頭
巴士公司一年都收唔少補貼

kay 發表於 2018-7-18 11:46
行左兩蚊唔好諗返轉頭
巴士公司一年都收唔少補貼

傳聞退休司機，都係先俾$2，巴士公司每月再退返個數俾退休司機

如果係巴士公司/營辦商自己提供的優惠﹐我唔會出聲﹐唔會提意見。

但係用到政府公帑就應該去睇有非必要無濫用的情況﹐如何減少不必要的濫用﹐就應該要檢討成個計劃。

當統一折扣(假設係成人正價二五折)﹐係可以令到區內線變相減價(現時平過$8的路線)﹐對於受惠者來講﹐可能對他們更直接減少支出。


雖則無人講到最終政府係唔係慳到錢(好視乎有幾多人係經常坐長程車)﹐但整個計算方法總叫來得合理﹐回歸用者自付﹐長程需要支付較高的車費﹐短程車費較低。

miklcct 發表於 2018-7-18 11:46
你都傻嘅。見啱路車就上先係最高效率嘅做法，外地某啲地方全市劃一收費兼有免費BBI就可以鼓勵咁做。

舉例 ...

你都識講係全市劃一收費同免費BBI，可行嗎？
全市劃一或者以收費區計數，長程當然可以較平，但短程就一定需要加價先可以維持返整個車費水平
當長短途收費一樣，所有路線全部變成流水線，又係唔係乘客期望架呢？
以前北京地鐵一樣搞過全線2蚊人仔，最後都係要改返做里程計費

建議$2只限現正領取綜援人士,因為佢哋經濟比較差,藉此鼓勵佢哋出多啲街,維持長者只可以半價乘車並新增殘疾人士身份個人八達通半價乘車優惠

chak 發表於 2018-7-18 12:30
建議$2只限現正領取綜援人士,因為佢哋經濟比較差,藉此鼓勵佢哋出多啲街,維持長者只可以半價乘車並新增殘疾 ...

但係大把北面黎嘅人忍瞞北面資產而拎綜援喎

入面話香港01立場係港鐵全民劃一2蚊，巴士或可能生存，但其他小巴，的士? bye bye 得lu....