新巴590減班消息

kay 發表於 2018-7-27 07:53
其實最開頭巴士公司建議90/97縮去灣仔
不過比人話無巴士落中環,送客比MTR云云

其實本來開初仲未通車嘅時候，我都有諗過留590、90、97 Cut 590A，而90同97泊金鐘站甚至係灣仔折返，就主力做灣仔嗰邊嘅人，然後中環就交比一架590負責，一嚟貴少少賺多啲、二來係相對地觀感上比較快，希望可以留到一班人，同埋都考慮到通車之後會少緊啲人，所以將90出中環嘅人拋比590去做，等590可以生存到

其實當新巴城巴由第一日選擇咗保留590嘅時候，就應該順理成章縮90去金鐘。依家大家一齊喺中環泊，作為一個顧客唔係太趕時間嘅話，上架平嘅更加好啦，仲要兩樣都一樣係一程過。

97的確係難搞啲，因為利東嗰邊係真係得佢出到去中環。但其實可以留個97-->70/75或97-->1/5B/10，理論上就能夠解決到大部分嘅問題

事到如今我完全唔知新創建想點樣：590繼續冇乜人坐；90 97都繼續因應需求下降而減班，但係又冇意欲縮短；592明明仲有唔少人坐但係繼續減班；96明明一日少人過一日但係就冇諗過要修改班次；48 78明明多咗人轉地鐵但係又冇意欲增加班次，繼續任由轉地鐵嗰班人坐小巴，連僅餘嗰幾蚊都賺唔到。
如果你真係覺得南區已經冇得救嘅，咁麻煩你就真係大規模重組一次，拎番啲車出去東區甚至係（傳說中拖垮整個新巴條數嘅）西九龍同將軍澳。
如果你覺得南區仲有得救嘅，咁你就做好少少，盡量守住佢，就算賺唔到出市區嗰程，都至少保住區裏面接駁地鐵嗰程。
而家好聽啲就係進可攻退可守、可以靈活變通，難聽啲就係拖得就拖乜L都冇做過。

GA6072 發表於 2018-7-27 08:34
690呢D暴利線黎

690只係坐滿哂D位

其實有冇諗過一個問題
就算收得再貴多好，一來佢行條隧道都要成本，二來就係690全程講緊係接近80分鐘，尤其英皇道同中環塞車嘅日子。
98C同樣嘅行車時間，雖然每一位收小三蚊，但係唔需要行隧道，而且講緊係坐到滿曬，690同佢根本冇得比。

690而家個問題係客源好單向，主要都係將軍澳區居民過對面海。所以上午繁忙時間對面海入將軍澳同埋下午繁忙時間將軍澳過對面海嗰堆班次，係樣衰到完全唔見得人。我試過有一次下午坐佢出去銅鑼灣做少少嘢，基本上全車得三個人上將軍澳隧道。
當然呢條路線就未至於要取消嘅，咁但係第一步要做嘅一定係削減班次分別。只係減到好似692咁樣0600~2100、1000~0000，定係將我上述講緊冇人坐嘅班次減到30分鐘一班。
我個人就比較傾向後者嘅，因為就算日後多人你可以加班，但前者嘅話.....通常都係安排緊取消

錢作怪！除非590減價，否則90、97縮係無可能

Charon1999 發表於 2018-7-27 09:13
其實本來開初仲未通車嘅時候，我都有諗過留590、90、97 Cut 590A，而90同97泊金鐘站甚至係灣仔折返，就主 ...

係西邨林玉珍反對90縮短，其實咁咪幾好，90負責灣仔金鐘；590負責灣仔北中環，達到分流作用，又可以以$6.9賺多D

053h4 發表於 2018-7-27 12:39
縮90去金鐘係無用, 因為根本問題係中環有客, 金鐘無客, 要減車好簡單, 只要跟5X咁行已經避左個塞車位, 過左 ...

好多人係畢打街落

20040816 發表於 2018-7-27 12:34
係西邨林玉珍反對90縮短，其實咁咪幾好，90負責灣仔金鐘；590負責灣仔北中環，達到分流作用，又可以以$6. ...

中環無左4.7車比人插到飛起

20040816 發表於 2018-7-27 12:34
係西邨林玉珍反對90縮短，其實咁咪幾好，90負責灣仔金鐘；590負責灣仔北中環，達到分流作用，又可以以$6. ...

迫人搭貴價車，人地反對都好正常。

590係敗於地鐵，唔係90/97。

如果試圖將90/97嘅中環客都推哂畀590做，最終只會連僅有嘅「貪平客」都趕走埋。