590減班，新記 hea 到通告都唔出？

590 除咗灣北果少少客都好難贏鐵，遲少少仲有沙中線，取消算啦。

053h4 發表於 2018-7-25 10:29
好多人好唔滿意590減班。

有幾多啫? 廿幾人嘈就講到死人冧樓咁

053h4 發表於 2018-7-25 10:29
好多人好唔滿意590減班。

佢地覺得係要直接取消

其實我都好唔滿意現時590嘅服務。

590應該係Cut淨上下繁，唔應該仍然保留全日服務

宜家見到 18X 都唔再係單位客量上北角橋
呢幾日見平日下午非放工時段都有廿多人
係咪好好就另計
但應該冇開線時咁肉酸

一係好似74A 268B 咁做有限度服務

cky 發表於 2018-7-25 22:43
宜家見到 18X 都唔再係單位客量上北角橋
呢幾日見平日下午非放工時段都有廿多人
係咪好好就另計

18X開線果陣印象中好似繁時係算爆 非繁唔多客不過都冇依家非繁咁十幾人甚至單位數字客量咁差 係佢鴨仔 720 722做臭曬先畀18X勉強執到雞啫

至於590 早幾個月某個星期日去完大會堂入海怡 見ETA 90號仲有幾分鐘有車就等（果陣590未出ETA） 然後590嚟先諗住試下 快就真係快 不過好似全程得10個客左右 果陣20分鐘一班已經趕走好多客 依家25 30甚至40分鐘先一班車分分鐘夠我金鐘坐鐵來回鴨島 昔日鴨島線皇淪落至此... 依家維持咁嘅可有可無班次真係開一班蝕一班仲蝕到同一部開住電牌八仔機嘅私牌車喺街度行燒錢冇咩分別...

前幾頁有啲人話咩入境處20幾人等 試想下會展冇書展冇動漫展而weekend灣北無返工客咁滯 咁仲keep條開一班蝕一班嘅線開全日為咩？柴小無心做還無心做 不過起碼畀返堆車出嚟搵真銀仲好 佢開多幾班$13.4嘅X970起碼好過依家590咁唔湯唔水吖

keep兩繁問題唔大 始終未必所有人搭鐵 仍然有需求 好似琴日睇篇報導話97 592減班反彈大因為繁時好多人留後 592仲要非繁都好多人坐 而90 97雖然中環金鐘客唔多人哄佢但係灣仔內街仲可以幫兩條線吊下鹽水 甚至見假日90/97最高峰坐滿七八成馬場入隧道 590呢？非繁去灣北坐90 97甚至鐵柯布連道天橋行出入境處分分鐘仲快過等半粒鐘一班嘅590啦 何必死守條線？（雖然話錢作怪 90入海怡收唔到$6.9）但係咬住條得小貓三幾隻$6.9客嘅590好定起碼有小巴客量嘅$4.7客嘅90/97好？

Kitkit1120 發表於 2018-7-25 14:54
18X 某程度上係執其他線既死雞，先叫做有咁上下多客 (繁時 only)

18X兩繁西行#50XX/#60XX也可以坐滿，應該又不只執雞；至於東行客我也認同執雞較多。

FBI2 發表於 2018-7-25 10:26
唔出通告係新巴唔岩

其實係咪一定要出？定減到某個水平先要出？對面海又係成日陰陰濕唔出通告就咁改豬紙。

ML29 發表於 2018-7-25 23:11
18X兩繁西行#50XX/#60XX也可以坐滿，應該又不只執雞；至於東行客我也認同執雞較多。

...

朝早無722果陣18X企人，但，都係執722客多囉。

北角果段反而有客專登等。