九巴收車一覽

先此聲明：唔少版友可能會覺得呢篇係灌水文，亦有好多版友唔信九巴會收車。我開呢篇文嘅原因唔係為咗想撩交嗌，而係想分析收車成因同解決方法。所以如果呢篇野唔啱你心水，我絕對唔介意你㩒上一頁走。如果你覺得我喺度灌水，唔該同版主講而唔係同我講。
返正題：我發現九巴收車方式都幾有規律。睇咗一陣 ETA，發現唔少路線都有收車，方式係車次間隔延長 5 分鐘，例如 20 變 25。
有部分線係直頭唔見咗班車，可能係未返到總站，不過又無出預定班次，所以我懷疑班車應該都係無咗。
時間係今日上午 11 點，基於係非繁，班次無咁密，塞車又無咁嚴重，本來以為會開足少少，點知原來唔會，連 49X 都可以開 12。

成因同解決方法都有一堆，但我唔覺得可以解決問題：
1. 九巴無心做果條線，例如平價線、塞車線等，例子就大家心照（亦可以留意下面嘅 cap 圖）。呢類線亦有可能係支線，本身正線都唔算多客，支線唔係去市中心而係去屋邨（沙田區特別嚴重）。解決方法係重組線路同加轉乘，但區佬好大機會 ban（重組完當區資源無咗，無着數），以及將路線俾對家做（但對家一樣唔夠司機）。
2. 資源不足。資源可以係司機同車，司機不足就講咗好耐，至於車呢，就因為聯營線問題，一堆車喺對面海好難調配資源。解決方法又係大家都知，但無可能發生嘅事，例如聯營變獨營、請外勞做司機等等。
3. 運吉監管唔到。ETA 無開放 API，好難用自動化方式檢查收車情況。另外就算巴士公司收車，都好似無咩罰則（例如懲罰性減價機制），加上引入呢樣野會惡化老作 ETA 嘅問題。

當專營權就快到期，將來有機會零收入嗰時，呢啲情況就會好轉

話說回來其實脫班率點計？
經常20變25其實係少咗20%班次，但文件又顯示脫班率通常都個位數字嘅？

Ricky403 發表於 2018-7-31 17:47
當專營權就快到期，將來有機會零收入嗰時，呢啲情況就會好轉

話說回來其實脫班率點計？

做數既野你懂的

ETA鬼車又有，真鬼車又有。

87B鬼車又故態復萌了，以前會21:00-23:00紅梅谷路轉田心街返上新田圍，星期六晏晝見到一架無客既豬拖住架有客既蛋係顯徑返新田圍，唔知架豬係邊度踢落黎做一個完全無需要既短棍。

我講錯咗，係短棍唔係鬼車，呢度D人係咁理解，好似係......除非唔係。

唔夠人返咪收車
成個行業都係咁既時侯,無人有心做又點會有改善?

呢排條條線都收架啦
大線細線通通有份
我住寶林,簡直係重災區
見得最多就係
91M 15>20
93K 20>25
98A 10>12
98C/D 12>15
感覺上比較少收只有93A,290,290A,296M,690

黃橙fans又被迫害妄想喇陰公
你地不如好似之前咁無視哂當無人嘈咪算數囉
何必辛苦自己

AV296-HL1875 發表於 2018-8-1 00:25
呢排條條線都收架啦
大線細線通通有份
我住寶林,簡直係重災區

98AD成日都收到15/20，98C就隨時20~40分鐘一班

93K同埋隔離嘅95，就基本上固定收到25分鐘一班，95M心情唔好都會收到25

咁290呢啲特別關顧級嘅路線就當然唔會收車啦~

3ASV3-JE1672 發表於 2018-8-1 01:08
黃橙fans又被迫害妄想喇陰公
你地不如好似之前咁無視哂當無人嘈咪算數囉
何必辛苦自己 ...

九巴脫班，懷疑收車喎，你有咩睇法？

個人親身體會：今日晏晝睇完樓主個po，大概兩點幾即刻check下個eta，結果果然見到98C往美孚方向由15分鐘／班變成20分鐘／班