香港渡輪業趨勢

雖然近數十年,香港渡輪業沒落
但近年,卻見到部份船公司能夠轉型,繼續提供服務

以珊瑚海為例,翻新碼頭及船隻後,客量有上升
富裕小輪亦重新包裝北角碼頭,介紹自家航線特色,亦引入新船行走
到最近新渡輪梅窩航線船隻內部亦增加懷舊特色

共通點有懷舊化,及面向遊客

此外,離島深度遊亦開始普及,相關航線客量都不錯

更加不用說部份船公司出租船隻做維港遊

雖然前景暗淡,但上述的元素,似乎能為此行業帶來出路

市民生意不夠做,轉型做遊客生意,同時令市民繼續享用渡輪服務

深圳比亚迪 發表於 2018-8-3 10:40
長遠應該發展電動船，把船更換電動發動機，
更環保而且減少油價帶來的影響。
船在泊碼頭時候可以充電 ...

台灣的高雄已經有電動渡輪行緊喇
https://www.youtube.com/watch?v=A2PEQTwVNOQ

其實梅窩行三層船只是替船，而所謂懷舊風情係之前行海上遊所以新發船艙先有特別裝潢，而提供相片嗰位小姐係知啲唔知啲。

富裕小輪因為珠江客運收購之後加開「旅遊部」，夜晚加開維港遊旅行團，天星小輪也如是，而家反而係「旅遊部」賺錢。

長遠政府要開發交椅洲、大嶼山加上「大灣區」，但不能狂起跨海隧道或者大橋，所以渡輪服務點都有需求，但細船先係主導。

仲有就係希望政府規劃渡輪航線時，能像「離島橫水渡」航線般，安排一程船停幾個碼頭，例如開辦「屯門-馬灣-中環」或者「中環-紅磡-觀塘」。

亦可仿效「九鐵」模式，由政府或九鐵公司加開「渡輪部」買船，再「乾租」船隻及碼頭空間比渡輪公司營運，便有助減輕渡輪公司經營成本，同時疏導客運交通。

船皮費重，呢樣暫時改變唔到，如果再生能源成功，相信今日全港內嘅船已經用緊了。

而政府嘅交通政策，重視鐵路，基本上渡輪於過海線上，自生自滅了，而離島由於必須需求，先另作處理，事實上港外線渡輪，客量唔會大升，收入只能勉強維持。現在所謂加入懷舊元素，雖對吸引本地遊客有一定作用，但數量仍不足維持基本營運。

富裕大陸團維港遊事實係一個奇招，佢以低成本，配合旅行團包船，一晚一條船走幾轉，而兩個碼頭只不過係上落客點，日間港內線只不過用嚟維持呢兩個點而已。其實十幾年前富裕諗到呢條橋，專做低價團，確是有眼光，當時北角每晚排晒旅遊車上落客，到依家連觀塘都用埋，而北角附近死場地庫做埋團餐，近年珠船收購埋，都好睇到個大陸旅遊生意過程，就係最終由大陸人自己食晒，土地人漸漸淡出無水食！

所以要吸遊客補貼，一係富裕模式，即大陸人一條龍服務，利潤最大，但唔係本地人理想嘅，一係天星模式，主要吸外國人，但其實佢都唔見得大賺，實際因本地客足，加上碼頭租金收入幫助，呢樣正正係港輪交出專營權前想做嘅，利用碼頭上蓋租金，補貼船票，不過最終傾唔掂。

所以想利用懷舊元素，雖然可行但不足以令已夕陽嘅港內航線，有起死回生嘅機會，延長死期或者有點作用吧。

solomon 發表於 2018-8-6 23:35
船皮費重，呢樣暫時改變唔到，如果再生能源成功，相信今日全港內嘅船已經用緊了。

而政府嘅交通政策，重視 ...

其實除左夜晚維港遊
咁日頭其實生意上有增長空間

不過以北角,九龍城,紅磡呢D
做街坊生意多,點樣吸引遊客呢..

日頭要做,似乎都係做特色渡輪

但又唔係去到永安號/鴨靈號/張保仔/大張保呢D觀光船層次

就比較難搞

不過上面呢4隻船各自都爭生意

solomon 發表於 2018-8-6 23:35
船皮費重，呢樣暫時改變唔到，如果再生能源成功，相信今日全港內嘅船已經用緊了。

而政府嘅交通政策，重視 ...

現實一點去講﹐即使唔係鐵路為重﹐在道路網的發展的情況下﹐船都係好難做下去。

最明顯的例子就係屯門<>中環﹐真係新機場的配套道路網一開通(汀九橋﹐西隧)﹐以往的車程時間即刻大幅縮短﹐船的優勢就減少了。


日後屯門去人工島的隧道通車﹐屯門去東涌唔需要兜青馬﹐只要有巴士改用新路﹐屯門東涌渡輪大家又估下客量會點改變?
(講緊平日﹐非假日往返大澳的乘客)


無可否認鐵路在長程跨區係好有效率﹐但不是渡輪沒落的主因。
如果真係保鐵﹐什麼96X隧巴都應該無乜人坐﹐甚至係開唔到線。