點解601唔去中上環？

ricky 發表於 2018-10-5 23:10
其實601可以用電車轉乘，減$1，都好過無。

一嚟唔吸引(本身601去到金鐘都已經夠慢, 仲轉電車?)
二嚟601仲有新巴份, 九巴想都冇用

樂仔〞 發表於 2018-10-6 21:19
因為以前運吉嫌怡和街塞，所以踢咗 D 線入禮頓道
當年 914 948 咪係其中嘅受害者
點知到而家就反而禮頓道 ...

呢個龍門都係畀運吉搬嘅啫
690一踢咪又係踢出去海皮

ricky 發表於 2018-10-6 21:05
601拉去中環有咁大影響？咁樣條條都去到金鐘啦﹗

你話拉入安泰，但你知唔知安泰行秀茂坪住宅區同觀塘出東隧要幾耐？

99MAN 發表於 2018-10-6 22:43
你話拉入安泰，但你知唔知安泰行秀茂坪住宅區同觀塘出東隧要幾耐？

601P要做全日，拉去安泰去增加客源，有咩問題？呢啲線塞車在港島段，但九龍段拉長少許有咩咁大影響？

JX9097 發表於 2018-10-6 22:16
一嚟唔吸引(本身601去到金鐘都已經夠慢, 仲轉電車?)
二嚟601仲有新巴份, 九巴想都冇用

難做轉乘又係因為聯營線問題。本身中環至金鐘駁車唔算遠(但行路都幾甘)，港島巴士係新城天下，轉乘港島巴士去中上環，又引發聯營線轉乘的分賬問題，所以我先諗到用第三方的電車來接駁。

ricky 發表於 2018-10-6 22:55
601P要做全日，拉去安泰去增加客源，有咩問題？呢啲線塞車在港島段，但九龍段拉長少許有咩咁大影響？
...

請為司機設想

ricky 發表於 2018-10-6 21:05
601拉去中環有咁大影響？咁樣條條都去到金鐘啦﹗

係咪可以唔使理時段分配，鍾意點拉就拉？

601 而家一個時段得果 65 分，拉去中環係咪第時長期要有一半車私對站或擺對站等開，維持時段分配？
兩巴會唔會做呢D違反成本效益既野？


就算要入中環，都只會係 601P 延長服務時段，九龍方向再改快，而唔會係拉 601 囉

601沿線路況已經很差, 唔值得為左個比較多人返工的中環, 而繼續拉長.

619已經係個活生生例子, 繁時港澳碼頭碌到民康街上橋隨時一粒鐘, 東廊慢車入東隧, 未到觀塘法院又要塞埋站同迴旋處, 繼而再慢慢碌上山.

若果601同樣由港碼開出, 只係複製緊619一直冇解決嘅詬病.

至於601P, 情況似乎仲差, 興發街塞, 東廊入東隧仲衰過601北角上橋, 一味俾人爬頭, 到觀塘又係塞.

有留意開都知道, 馬鞍山一對過海線680 681, 下繁回程多人搭嘅係680, 681客量平均嚟講係坐唔滿, 因為要快嘅都去晒980X 981P, 但很抱歉, 返東九係冇一個快得起嘅走線.

可以想像當601P再拉埋上安泰, 又要繼續照顧和樂至寶達, 架車要行幾耐, 客量可以有幾爆, 司機壓力有幾大?

樓主的願景其實近在眼前, 619X已經做到安泰-中環特快, 避到塞車位同時, 亦有龐大客源支持, 例如早上東廊往中環塞車, 行英皇道上落客, 下午回程唔跟641灣北上橋, 亦唔跟601P興發街上橋, 寧願碌一粒鐘到北角上橋避塞, 藍田站後上山做晒安達安泰, 仲分擔埋部份601客源, 只差去程未有惠及到安達, 但反正619X在四順已夠打爆, 即使秀茂坪道有站都上唔到車.

619X要夾601 619兩巴時段去開車, 複雜程度較夾單一路線高, 若然601P又拉埋上安泰, 再多一條路線去夾同兩條路線班次, 豈不是更加複雜.

應該系當年冇位...

同埋601當年應該只系輔助角色，有條大TRUNK 101系山下，601唔洗去到咁遠...

619因為系119後代之一先繼續焗去中上環...

EX-TL 發表於 2018-10-7 01:59
601沿線路況已經很差, 唔值得為左個比較多人返工的中環, 而繼續拉長.

619已經係個活生生例子, 繁時港澳碼 ...

其實除左601、601P、641，仲有一種行法叫603P
唔知你有無順便硏究下？